ప్రపంచంలోనే తొలి సీఎన్జీ బైక్ కు షాక్.. కొనే దిక్కే లేదు.. అందుకే బజాజ్ మాస్టర్ ప్లాన్

భారత మార్కెట్‌లో చాలా పాపులర్ అయిన బైకుల్లో ఒకటి బజాజ్ ఫ్రీడమ్ 125 సీఎన్‌జీ. ప్రపంచంలోనే మొదటి సీఎన్‌జీ బైక్ అనే పేరు దీనికి ఉంది. ఈ బైక్‌లో 125 సీసీ సింగిల్ సిలిండర్ ఎయిర్ కూల్డ్ ఇంజిన్ అమర్చారు.

ఈ ఇంజిన్ గరిష్టంగా 9.50 బీహెచ్‌పీ పవర్‌ను, 9.70 ఎన్ఎమ్ టార్క్‌ను ఉత్పత్తి చేస్తుంది. ఈ ఇంజిన్ పెట్రోల్, సీఎన్‌జీ అనే రెండు ఇంధనాలతో పనిచేస్తుంది. ఇందులో పెట్రోల్‌తో నడిపితే లీటర్‌కు 65 కిలోమీటర్ల మైలేజ్ వస్తుందని చెప్పారు.

మరోవైపు, సీఎన్‌జీతో నడిపితే కిలోకు 100కిలోమీటర్ల మైలేజ్ వస్తుందని చెబుతున్నారు. ఇది నిజంగా అద్భుతమైన మైలేజ్ అయినప్పటికీ, బజాజ్ ఫ్రీడమ్ 125సీఎన్‌జీ బైక్ అమ్మకాలు మాత్రం చాలా తక్కువగా ఉన్నాయి. ఈ 2025 మార్చి నెలలో కేవలం 1,394బజాజ్ ఫ్రీడమ్ 125సీఎన్‌జీ బైకులు మాత్రమే అమ్ముడయ్యాయి.

ఆ తర్వాత వచ్చిన ఏప్రిల్ నెలలో ఈ సంఖ్య మరింత తగ్గి, కేవలం 993కి చేరుకుంది. బజాజ్ ఫ్రీడమ్ 125 సీఎన్‌జీ బైక్ అమ్మకాలు తక్కువగా ఉండటానికి రెండు కారణాలు ఉన్నాయని అనుకుంటున్నారు. మొదటిది సీఎన్‌జీ బైకుల గురించి కస్టమర్లకు సరిపడా అవగాహన లేదు.

రెండో కారణం, సీఎన్‌జీ దొరకడంలో ఉన్న సమస్యలు. భారతదేశంలో పెట్రోల్, డీజిల్ లాగా, సీఎన్‌జీ అన్ని చోట్లా అంత సులభంగా దొరకదు. కొన్ని నిర్దిష్ట పంపుల్లో మాత్రమే సీఎన్‌జీ లభిస్తుంది. ఇలాంటి కారణాల వల్ల ఇబ్బంది పడుతున్న ఫ్రీడమ్ 125 సీఎన్‌జీ బైక్ అమ్మకాలను పెంచుకోవాలని బజాజ్ కంపెనీ కోరుకుంటోంది.

దీనిలో భాగంగానే ఫ్రీడమ్ 125 సీఎన్‌జీ బైక్ ధరను బజాజ్ కంపెనీ ఇప్పుడు భారీగా తగ్గించింది. బజాజ్ ఫ్రీడమ్ 125 సీఎన్‌జీ బైక్ మొత్తం 3 వేరియంట్లలో లభిస్తుంది. అవి: ఎన్‌జీ04 డ్రమ్, ఎన్‌జీ04 డ్రమ్ ఎల్‌ఈడీ, ఎన్‌జీ04 డిస్క్ ఎల్‌ఈడీ.

వీటిలో ఎన్‌జీ04 డ్రమ్ ఎల్‌ఈడీ, ఎన్‌జీ04 డిస్క్ ఎల్‌ఈడీ అనే రెండు వేరియంట్ల ధరలలో ఎలాంటి మార్పు చేయలేదు. అవి గతంలో ఉన్న ధరలైన రూ.96,000, రూ.1.11 లక్షలకే అమ్ముడవుతాయి. కానీ, ఎన్‌జీ04 డ్రమ్ వేరియంట్ ధర మాత్రం ఏకంగా రూ.5,000 తగ్గించారు.

కాబట్టి, ఎన్‌జీ04 డ్రమ్ వేరియంట్ ఇకపై రూ.86,000 ధరకే లభిస్తుంది. ఇవన్నీ ఎక్స్-షోరూమ్ ధరలు. ఈ భారీ ధర తగ్గింపుతో బజాజ్ ఫ్రీడమ్ 125 సీఎన్‌జీ బైక్ అమ్మకాలు పెరగవచ్చని ఆశిస్తున్నారు.

డ్రైవ్‌స్పార్క్ అభిప్రాయం: బజాజ్ కంపెనీని అనుసరించి, టీవీఎస్ కంపెనీ కూడా త్వరలో సరికొత్త సీఎన్‌జీ బైక్‌ను మార్కెట్‌లోకి తీసుకురావడానికి సిద్ధమవుతోందని ఇప్పుడు వార్తలు వస్తున్నాయి. ఇది భారత మార్కెట్‌లో సీఎన్‌జీ టూ-వీలర్ల శకం మొదలైందని చూపిస్తుంది. మైలేజ్ విషయంలో రాజీ పడకుండా జేబుకు భారం కాకుండా బైక్ కావాలనుకునే వారికి ఈ సీఎన్‌జీ బైకులు మంచి ఆప్షన్.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.