తోపు టెక్నాలజీ, మంచి రేంజ్..కేవలం రూ.60వేలకే రోజు ఇష్టమొచ్చినట్లు తిరగడానికి బెస్ట్ స్కూటర్లు ఇవే

ఎలక్ట్రిక్ టూ-వీలర్ మార్కెట్ ఇప్పుడు చాలా విస్తరించింది. కొత్తగా ఎన్నో కంపెనీలు బరిలోకి దిగుతున్నాయి. వాటిలో కొన్ని చాలా తక్కువ ధరకే అద్భుతమైన ఫీచర్లతో వస్తున్నాయి. ధర తక్కువైనా, వీటిలో అత్యాధునిక టెక్నాలజీ, మంచి పనితీరు, ఆకర్షణీయమైన లుక్స్ ఏమాత్రం తగ్గలేదు. ముఖ్యంగా, ఇవి మంచి రేంజ్ కూడా అందిస్తున్నాయి. అంటే ఒక్కసారి ఛార్జ్ చేస్తే ఎక్కువ దూరం ప్రయాణించవచ్చు.

మీ రోజువారీ పనులను వేగంగా, సులువుగా పూర్తి చేసుకోవాలంటే ఈ బడ్జెట్-ఫ్రెండ్లీ ఎలక్ట్రిక్ స్కూటర్లు చాలా ఉపయోగపడతాయి. వాటి నిర్వహణ ఖర్చు కూడా చాలా తక్కువ. కాబట్టి, స్టైల్, పర్ఫార్మెన్స్, టెక్నాలజీ, ఫీచర్లలో ఏమాత్రం రాజీ పడకుండా తక్కువ ధరలో ఒక మంచి ఈ-స్కూటర్ కొనాలనుకుంటే ఈ కింది లిస్ట్ మీకు ఖచ్చితంగా ఉపయోగపడుతుంది.

OPG మొబిలిటీ ఫెర్రాటో డెఫై 22 : OPG మొబిలిటీ ఫెర్రాటో డెఫై 22 నేటి నగర ప్రయాణికుల కోసం ప్రత్యేకంగా డిజైన్ చేయబడింది. ఇది ఆధునిక ఫీచర్లు, మంచి పర్ఫామెన్స్‎తో వస్తుంది. ఇందులో 1.2 kW మోటార్ ఉంది. ఇది 2.3 kW పీక్ అవుట్‌పుట్‌ను అందిస్తుంది. అలాగే, 2.2 kWh LFP బ్యాటరీతో వస్తుంది.

ఒక్కసారి ఛార్జ్ చేస్తే 80 కి.మీ.ల ICAT సర్టిఫైడ్ రేంజ్ ఇస్తుంది. దీని టాప్ స్పీడ్ 70 కి.మీ./గంట. ఎకో, సిటీ, స్పోర్ట్స్ అనే మూడు రైడ్ మోడ్‌లను సపోర్ట్ చేస్తుంది. ఇందులో డ్యూయల్ డిస్క్ బ్రేక్స్, 12-అంగుళాల అల్లాయ్ వీల్స్, 7-అంగుళాల టచ్‌స్క్రీన్ డిస్‌ప్లే వంటి అద్భుతమైన ఫీచర్లు ఉన్నాయి. పూర్తిగా ఛార్జ్ కావడానికి కేవలం 4-5 గంటలు పడుతుంది. ఇది ఏడు రంగులలో లభిస్తుంది. దీని ధర రూ.99,999 (ఎక్స్-షోరూమ్). 5 సంవత్సరాల వారంటీతో వస్తుంది.

హీరో విడా VX2 గో ఈవూటర్ : హీరో విడా VX2 గో ఈవూటర్ అనేది చాలా ప్రాక్టికల్, తక్కువ ధరలో లభించే ఎలక్ట్రిక్ స్కూటర్. ఇందులో అనేక స్మార్ట్ ఫీచర్లు ఉన్నాయి. దీని టాప్ స్పీడ్ 70 కి.మీ./గంట, 0 నుండి 40 కి.మీ.ల వేగాన్ని కేవలం 4.2 సెకన్లలో అందుకుంటుంది. ఇది 92 కి.మీ.ల IDC సర్టిఫైడ్ రేంజ్‌ను అందిస్తుంది. ఇందులో 6 kW PMSM మోటార్ ఉంది. ఇది 25 Nm టార్క్‌ను ఉత్పత్తి చేస్తుంది.

2.2 kWh సామర్థ్యం గల రిమూవబుల్ బ్యాటరీ 4 గంటల్లో పూర్తిగా ఛార్జ్ అవుతుంది. 4.3-అంగుళాల LCD డిస్‌ప్లే, ఈకో మరియు రైడ్ మోడ్‌లు, డ్రమ్ బ్రేక్స్, 12-అంగుళాల అల్లాయ్ వీల్స్, 33.2 లీటర్ల స్టోరేజ్ స్పేస్ వంటి ఫీచర్లు ఉన్నాయి. దీని ధర kp.99,490 (BaaS ప్లాన్ లేకుండా), రూ.59,490 (BaaS ప్లాన్‌తో). BaaS ప్లాన్ ద్వారా మీరు కిలోమీటర్‌కు చెల్లించవచ్చు. ఇది ప్రారంభ ఖర్చును తగ్గిస్తుంది.

జెలియో ఆల్ఫా : జెలియో ఆల్ఫా అద్భుతమైన రేంజ్‌తో పాటు తక్కువ ధరలో లభించే ఒక మంచి ఎలక్ట్రిక్ స్కూటర్. రోజువారీ ఉపయోగాలకు ఇది చాలా అనుకూలంగా ఉంటుంది. ఇందులో 2.7 kWh బ్యాటరీ, 1.8 kW మోటార్ ఉన్నాయి. ఇది 100 కి.మీ.ల రేంజ్‌ను, 55 కి.మీ./గంట టాప్ స్పీడ్‌ను అందిస్తుంది.

సౌకర్యవంతమైన సీటింగ్, సింపుల్ డిజైన్ దీనిని రోజువారీ ప్రయాణాలకు పర్ఫెక్ట్ ఆప్షన్‎గా మారుస్తాయి. డిజిటల్ డిస్‌ప్లే, తక్కువ బరువు దీనిని సులభంగా నడపడానికి, సురక్షితంగా ఉండటానికి సహాయపడతాయి. దీని ధర రూ.75,000 కంటే తక్కువగా ఉండటం, దీనిని తక్కువ ధరలో మంచి ఆప్షన్‎గా నిలుపుతుంది.

బాట్‌ఆర్ఈ ఎలక్ట్రిక్ పల్స్ : మీరు ఎక్కువ పవర్ కావాలనుకుంటూ బడ్జెట్‌ను కూడా దృష్టిలో ఉంచుకుంటే బాట్‌ఆర్ఈ పల్స్ ఒక అద్భుతమైన ఆప్షన్. ఇందులో 3.2 kWh బ్యాటరీ, 3 kW మోటార్ ఉన్నాయి. ఇది 120 కి.మీ.ల రేంజ్‌ను, 75 కి.మీ./గంట టాప్ స్పీడ్‌ను అందిస్తుంది. ఇది ఈ ధరలో చాలా మంచి పనితీరు.

డిస్క్ బ్రేక్స్, 12-అంగుళాల ట్యూబ్‌లెస్ టైర్లు దీని భద్రతను పెంచుతాయి. ఫుల్-కలర్ LCD స్క్రీన్, స్మార్ట్‌ఫోన్ కనెక్టివిటీ వంటి ఫీచర్లు దీనిని టెక్-ఫ్రెండ్లీగా మారుస్తాయి. దీని ధర సుమారు రూ.88,000, ఇది శక్తివంతమైనదే అయినా బడ్జెట్-ఫ్రెండ్లీ స్కూటర్‌గా నిలుస్తుంది.

ఆంపియర్ మాగ్నస్ EX : ఆంపియర్ మాగ్నస్ EX కొత్తగా ఈవీలు కొనేవారిలో చాలా ప్రజాదరణ పొందింది. సిటీ ప్రయాణాలకు ఇది చాలా అనుకూలంగా ఉంటుంది. ఇందులో 2.0 kWh బ్యాటరీ, 1.5 kW మోటార్ ఉన్నాయి. ఇది 75 కి.మీ.ల రేంజ్‌ను, 50 కి.మీ./గంట టాప్ స్పీడ్‌ను అందిస్తుంది.

డ్రమ్ బ్రేక్స్, 10-అంగుళాల వీల్స్, డిజిటల్ డిస్‌ప్లే, తేలికపాటి బాడీ డిజైన్ దీనిని నగర ట్రాఫిక్‌కు పర్ఫెక్ట్‌గా మారుస్తాయి. దీని ధర రూ.70,000 కంటే తక్కువగా ఉండటం, మొదటిసారి ఈవీ కొనేవారికి ఇది ఒక అద్భుతమైన ఆప్షన్‎గా నిలుస్తుంది.