పెట్రోల్ తో పనే లేదు.. సిటీలో ట్రాఫిక్ భయమే వద్దు.. మహిళలు సైతం దూసుకెళ్లే బెస్ట్ ఎలక్ట్రిక్ స్కూటర్లు ఇవే!

మనదేశంలో ఎలక్ట్రిక్ స్కూటర్లకు డిమాండ్ భారీగా పెరిగిపోతుంది. దేశంలో పెట్రోల్ ధరలు మండిపోతుండడంతో వాటిని కొనేందుకు వినియోగదారులు ఆసక్తిని కనబరుస్తున్నారు. ముఖ్యంగా తేలికగా ఉండే, అందుబాటు ధరలో లభించే ఎలక్ట్రిక్ స్కూటర్లు భారత్‌లో బాగా ప్రాచుర్యం పొందుతున్నాయి. ప్రస్తుతం ఇంటి పనుల కోసం ఉపయోగపడే అనేక బడ్జెట్-ఫ్రెండ్లీ స్కూటర్లు మార్కెట్‌లో అందుబాటులో ఉన్నాయి.

ఇవి కేవలం పురుషులకే కాదు, మహిళలకు కూడా చాలా అనుకూలంగా ఉంటాయి. మహిళలు ఎక్కువగా తేలికపాటి స్కూటర్లను ఇష్టపడతారు. ప్రస్తుతం మహిళల కోసం అందుబాటులో ఉన్న కొన్ని బెస్ట్ ఎలక్ట్రిక్ స్కూటర్ల గురించి వివరంగా ఈ కథనంలో తెలుసుకుందాం.

జీలియో: కొత్త ఈవీ బ్రాండ్ జీలియో తన ఆకర్షణీయమైన ఎంట్రీ-లెవెల్ స్కూటర్‌ను కేవలం రూ. 49,500 ధరకే విక్రయిస్తోంది. దీని టాప్ స్పీడ్ గంటకు 25 కి.మీ. ఈ ఎలక్ట్రిక్ స్కూటర్‌ను నడపడానికి డ్రైవింగ్ లైసెన్స్ అవసరం లేదు. ఇది చాలా తేలికగా ఉంటుంది. కేవలం 80 కేజీల బరువు మాత్రమే. ఒక్కసారి ఛార్జ్ చేస్తే 60 నుండి 90 కి.మీ వరకు ప్రయాణించవచ్చు.

ఓలా: దేశంలో బాగా ప్రాచుర్యం పొందిన ఎలక్ట్రిక్ బ్రాండ్ ఓలా తన ఎంట్రీ-లెవెల్ మోడల్‌ను రూ. 59,999కి విక్రయిస్తోంది. ఈ స్కూటర్ గంటకు 70 కి.మీ వేగంతో ప్రయాణించగలదు. 110 కేజీల బరువున్న ఈ స్కూటర్‌లో 1.5 కిలోవాట్ కెపాసిటీ గల రెండు బ్యాటరీలు ఉన్నాయి. ఒక్కసారి ఛార్జ్ చేస్తే 75 నుండి 146 కి.మీ వరకు వెళ్లవచ్చు.

టీవీఎస్ ఐక్యూబ్: టీవీఎస్ ఐక్యూబ్ బేస్ మోడల్ 2.2 కిలోవాట్ బ్యాటరీని కలిగి ఉంది. ఈ స్కూటర్ ధర రూ. 94,434. దీని బ్యాటరీ దాదాపు మూడున్నర గంటల్లో పూర్తిగా ఛార్జ్ అవుతుంది. 110 కేజీల బరువున్న ఈ స్కూటర్ గంటకు 75 కి.మీ వేగంతో ప్రయాణిస్తుంది. ఒక్కసారి ఛార్జ్ చేస్తే 75 కి.మీ రేంజ్ ఇస్తుంది.

ఏథర్: బెంగళూరుకు చెందిన ఏథర్ ఎంట్రీ-లెవెల్ స్కూటర్ 108 కేజీల బరువు ఉంటుంది. ఈ స్కూటర్ ధర రూ. 1.49 లక్షలు. ఇది గంటకు 90 కి.మీ వేగంతో ప్రయాణించగలదు. దీని బ్యాటరీ 3 గంటల్లో ఛార్జ్ అవుతుంది. 2.9 కిలోవాట్ బ్యాటరీ ప్యాక్ అమర్చబడి ఉంది. ఒక్కసారి పూర్తిగా ఛార్జ్ చేస్తే 126 కిలోమీటర్ల వరకు ప్రయాణించవచ్చు.

బజాజ్ చేతక్: బజాజ్ చేతక్ ఎంట్రీ-లెవెల్ ఎలక్ట్రిక్ స్కూటర్ బరువు 110 కేజీలు. దీని ఎక్స్-షోరూమ్ ధర సుమారు రూ. 1.02 లక్షలు. ఈ స్కూటర్ బ్యాటరీ పూర్తిగా ఛార్జ్ కావడానికి 4 గంటలు పడుతుంది. ఒక్కసారి పూర్తిగా ఛార్జ్ చేస్తే 123 కిలోమీటర్ల వరకు ప్రయాణించవచ్చు. ఇందులో 2.88 కిలోవాట్ బ్యాటరీ ప్యాక్ ఉంది.

ఎలక్ట్రిక్ స్కూటర్ల విభాగం మీద ప్రజలు చాలా ఆసక్తి చూపుతున్నారు. పైన పేర్కొన్న అన్ని స్కూటర్లు రోజువారీ వినియోగానికి చాలా అనుకూలమైనవి. తరచుగా పెట్రోల్ నింపే బాధ కూడా తప్పుతుంది. వీటిని నడపడం, మెయింటెనెన్స్ చాలా సులభం. ఇవి నిజంగా అందుబాటు ధరలో ఉండి, మహిళలకు ఉత్తమమైన రేంజ్‌ను అందించే స్కూటర్లు.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.