కొత్త బైక్ కొన్నారా? ఈ పనులు అస్సలు చేయకండి.. లేదంటే ఇంజిన్‌కు పర్మనెంట్ డామేజ్!

కొత్త కారు లేదా బైక్ కొన్న వెంటనే ఎక్కువ స్పీడుతో వెళ్లకూడదని, బ్రేకింగ్‌లో కూడా జాగ్రత్తగా ఉండాలని అంటుంటారు. దీనికి కారణం ఏంటో కొందరికి తెలిసే ఉంటుంది, కానీ ఖచ్చితమైన కారణాలు ఏంటి అనేది ఈ వార్తలో తెలుసుకుందాం.

కొత్త బైక్‌ను ఎక్కువ స్పీడుతో నడపడం బైక్ ఇంజిన్‌కు హానికరం. ముఖ్యంగా మొదటి 2,000 కిలోమీటర్ల వరకు అధిక వేగంతో నడపడం, అలాగే స్టార్ట్ చేసిన వెంటనే బైక్‌ను నడపడం, హార్డ్ బ్రేకింగ్ చేయడం వంటివి చేయకూడదు. ఎందుకో తెలుసుకుందాం.

కొత్త బైక్‌కు సంబంధించి 1800 నుంచి 2000 కిలోమీటర్ల వరకు చాలా జాగ్రత్తగా నడపాలని కంపెనీలు సిఫార్సు చేస్తాయి. అంతేకాకుండా, మొదటి 1000 కిలోమీటర్లలో వాహనం గరిష్ట వేగం గంటకు 45 కిలోమీటర్లు మించకూడదని బ్రాండ్‌లు సూచిస్తాయి.

వాహనం ఇంజిన్, ట్రాన్స్‌మిషన్ సిస్టమ్‌లు కొత్తవి కాబట్టి, అవి సరిగ్గా పనిచేయడానికి కాస్త సమయం పడుతుంది. అలాగే, ఇంజిన్, బైక్ ఇతర ముఖ్యమైన భాగాలు 'లూస్' అవ్వడానికి సమయం పడుతుంది. ఈ సమయంలో బైక్‌ను వేగంగా నడిపితే, దాని భాగాలు త్వరగా అరిగిపోయే అవకాశం ఉంది కాబట్టే బ్రాండ్‌లు ఈ సూచనను ఇస్తాయి.

వీటన్నిటితో పాటు, మీరు గమనించవలసిన కొన్ని ఇతర విషయాలు ఉన్నాయి. కారులో క్లచ్ ఎలా ఉంటుందో, బైక్‌లో బ్రేక్‌పై కాలు పెట్టి నడిపే వారు కొందరు ఉంటారు. టూ వీలర్ నడుపుతునప్పుడు కూడా బ్రేక్‌పై కాలు పెట్టి ప్రయాణిస్తారు. అకస్మాత్తుగా ఏదైనా అడ్డువచ్చినప్పుడు సడన్ బ్రేకింగ్ సమయంలో ఇది బహుశా ఉపయోగపడవచ్చు. ఎప్పుడూ బ్రేక్‌పై కాలు పెట్టడం బ్రేక్‌కు తేలికపాటి ఒత్తిడిని కలిగిస్తుంది. ఇది బ్రేక్‌ను ఎంగేజ్ చేసి ఉంచుతుంది.

మీరు ఇంజిన్‌కు ఎక్కువ పవర్ ఇచ్చినా, అది చక్రాలకు పూర్తిగా చేరదు. బ్రేక్ అప్లై అయ్యి ఉన్నప్పుడు మీ వాహనం ఉద్దేశించిన వేగంతో వెళ్ళదు. దీని వల్ల ఎక్కువ ఇంధనం ఖర్చవుతుంది. రోజూ తక్కువ దూరం మాత్రమే వెళ్ళే వారికి ఇది తెలియకపోవచ్చు. కానీ, సుదూర ప్రయాణం చేసేటప్పుడు తేడాను గుర్తించవచ్చు.

మీ బైక్‌కు మంచి మైలేజ్ రావాలంటే ముందుగా చేయాల్సిన పనులలో ఇది ఒకటి. బైక్ నడుపుతున్నప్పుడు సరైన వేగంతో గేర్ మార్చడం చాలా ముఖ్యం. మీరు రద్దీ లేని హైవే వంటి రోడ్లలో ప్రయాణిస్తున్నప్పుడు టాప్ గేర్‌లో వెళ్ళండి. అధిక వేగంతో టాప్ గేర్‌లో వెళ్ళినప్పుడు ఇంజిన్‌పై ఎక్కువ ఒత్తిడి ఉండదు.

అదే సమయంలో వాహనం కొద్దిగా వేగాన్ని తగ్గించాల్సిన పరిస్థితి వచ్చినప్పుడు తక్కువ గేర్‌కు మార్చండి. తక్కువ వేగంతో అధిక గేర్‌లో ప్రయాణించడం ఇంజిన్‌ను ప్రభావితం చేస్తుంది. అంతేకాకుండా, చిన్న గేర్‌లో బాగా త్రాటిల్ ఇవ్వడం వల్ల ఇంధనం త్వరగా కాలిపోతుంది. కాబట్టి, సరైన వేగంతో గేర్ మార్చడానికి ప్రయత్నించండి. ఇలా చేస్తేనే మైలేజ్ పెరుగుతుంది.

డ్రైవ్‌స్పార్క్ అభిప్రాయం: కొత్త బైక్ కొన్నప్పుడు సరైన బ్రేక్-ఇన్ పీరియడ్ పాటించడం, గేర్ మార్పిడిని సరిగ్గా చేయడం, అనవసరమైనప్పుడు మాత్రమే బ్రేక్‌పై కాలు ఉంచడం వంటి అలవాట్లను మానుకోవడం వల్ల మీ బైక్ ఇంజిన్ దీర్ఘకాలం పాటు మంచి పనితీరును కనబరుస్తుంది. ఇది మైలేజ్‌ను పెంచడమే కాకుండా, బైక్ లైఫ్ టైం కూడా పెంచుతుంది.