మిలన్‌లో బైక్‌ల మేళా.. త్వరలో మార్కెట్లోకి రానున్న 5 అడ్వెంచర్ బైక్స్ ఇవే

ప్రపంచ మోటార్‌సైకిల్ ప్రేమికులకు పండుగ వాతావరణం నెలకొంది. ప్రపంచంలోనే అతిపెద్ద మోటార్‌సైకిల్, యాక్సెసరీస్ షో అయిన EICMA 2025 ఈ సంవత్సరం నవంబర్ 4 నుండి ఇటలీలోని మిలన్‌లో ప్రారంభం కానుంది. ప్రపంచవ్యాప్తంగా ఉన్న బైక్ తయారీదారులు తమ సరికొత్త మోడళ్లను ముఖ్యంగా అడ్వెంచర్ సెగ్మెంట్‌లోని పవర్ఫుల్ బైక్‌లను ఇక్కడ ప్రదర్శించనున్నారు. కేవలం పవర్‌ఫుల్ ఇంజిన్లతోనే కాకుండా స్టైల్, టెక్నాలజీలో ముఖ్యమైన అప్‌గ్రేడ్‌లతో రానున్న 5 ప్రధాన సూపర్ బైక్‌లు, ఈ షోలో ప్రధాన ఆకర్షణగా నిలవనున్నాయి. ఈ బైక్‌ల గురించి పూర్తి వివరాలు తెలుసుకుందాం.

ప్రపంచంలోనే అత్యంత ప్రతిష్టాత్మకమైన మోటార్‌సైకిల్, యాక్సెసరీస్ షో అయిన EICMA 2025 నవంబర్ 4న ఇటలీలోని మిలన్‌లో ప్రారంభం కానుంది. ఈ సంవత్సరం షోలో ప్రధానంగా అడ్వెంచర్ సెగ్మెంట్ బైక్‌లు ప్రత్యేక ఆకర్షణగా నిలవనున్నాయి. ఈ షోలో పవర్ఫుల్ ఇంజిన్‌లు, లేటెస్ట్ టెక్నాలజీ, స్టైలిష్ డిజైన్‌లతో కూడిన అనేక కొత్త మోడల్స్‌ను ప్రపంచ బ్రాండ్‌లు ప్రదర్శించనున్నాయి. బైక్‌ల పట్ల విపరీతమైన ఆసక్తి ఉన్న యువతకు, అడ్వెంచర్ బైక్ ప్రియులకు ఇది ఒక ముఖ్యమైన వేదిక కానుంది.

రాయల్ ఎన్‌ఫీల్డ్ హిమాలయన్ 750
భారతీయ బైక్ తయారీదారు రాయల్ ఎన్‌ఫీల్డ్ తమ అత్యంత ప్రీమియం అడ్వెంచర్ మోటార్‌సైకిల్, హిమాలయన్ 750ని ఈ షోలో ప్రదర్శించనుంది. ఈ బైక్ 750 సీసీ ప్యారలల్-ట్విన్ ఇంజిన్తో నడుస్తుంది. ఇది సుమారు 55 బీహెచ్‌పీ పవర్, 60 ఎన్ఎమ్ టార్క్‌ను ఉత్పత్తి చేస్తుంది. ఇందులో వైర్-స్పోక్ వీల్స్, డ్యూయల్ డిస్క్ బ్రేక్స్, అడ్జస్టబుల్ సస్పెన్షన్ వంటి ఫీచర్లు ఉన్నాయి. దీని ధర సుమారు రూ.4.5 లక్షలు (ఎక్స్-షోరూమ్) ఉండే అవకాశం ఉంది.

BMW F 450 GS
ప్రముఖ జర్మన్ బైక్ తయారీ సంస్థ బీఎమ్‌డబ్ల్యూ కూడా తమ కొత్త ఎంట్రీ-లెవల్ అడ్వెంచర్ మోటార్‌సైకిల్, F 450 GS ను ప్రదర్శించడానికి సిద్ధమవుతోంది. ఇది 450 సీసీ ప్యారలల్-ట్విన్ ఇంజిన్ ద్వారా నడుస్తుంది. 47 బీహెచ్‌పీ పవర్ ఉత్పత్తి చేస్తుంది. ఈ బైక్ 125-డిగ్రీ క్రాంక్‌పిన్ ఆఫ్‌సెట్, తేలికపాటి డిజైన్‌ను కలిగి ఉంది. ఇది ట్రాక్‌లు, టూరింగ్ రెండింటికీ అనుకూలంగా ఉంటుంది. దీని ధర సుమారు రూ.3.9 లక్షల నుంచి రూ.4.1 లక్షల మధ్య ఉండవచ్చు.

నార్టన్ అట్లాస్
టీవీఎస్ యాజమాన్యంలోని బ్రిటిష్ కంపెనీ నార్టన్ మోటార్‌సైకిల్స్, వారి కొత్త అడ్వెంచర్ బైక్, నార్టన్ అట్లాస్ను ప్రదర్శిస్తుంది. ఇది మిడ్-కెపాసిటీ అడ్వెంచర్ టూరర్‌గా ఉంటుంది. ఇందులో 650 సీసీ కంటే ఎక్కువ సామర్థ్యం గల ఇంజిన్, ఆధునిక నేకెడ్ డిజైన్ కలగలిసి ఉంటుంది. దీని ధర సుమారు రూ.8 లక్షలుగా అంచనా వేయబడింది.

టీవీఎస్ అడ్వెంచర్ ర్యాలీ కిట్
టీవీఎస్ కూడా అడ్వెంచర్ విభాగంలోకి కొత్త పెద్ద బైక్‌తో ప్రవేశిస్తోంది. ఇది బీఎండబ్ల్యూ ప్లాట్‌ఫామ్‌పై ఆధారపడి ఉంటుందని, ట్విన్-సిలిండర్ ఇంజన్‌తో ఉంటుందని భావిస్తున్నారు. దీనిని అపాచీ ఆర్‌టిఎక్స్ 300 తదుపరి వెర్షన్‌గా అంచనా వేస్తున్నారు. ధర రూ.4.5 లక్షల నుంచి రూ.5 లక్షల మధ్య ఉండవచ్చు.

హీరో ఎక్స్‌పల్స్ 421
భారతీయ తయారీదారు హీరో మోటోకార్ప్ కూడా తమ కొత్త అడ్వెంచర్ బైక్, ఎక్స్‌పల్స్ 421 ను లాంచ్ చేయడానికి సిద్ధమవుతోంది. ఈ బైక్ నేరుగా రాయల్ ఎన్‌ఫీల్డ్ హిమాలయన్ 450 తో పోటీ పడుతుంది. ఇది ఎక్స్‌పల్స్ 200 కి అప్‌గ్రేడ్ వెర్షన్. ఇందులో 421 సీసీ ఇంజిన్, తేలికపాటి ఫ్రేమ్, అడ్వాన్స్‌డ్ సస్పెన్షన్ సిస్టమ్ ఉంటుంది. ఈ బైక్ ధర సుమారు రూ.3 లక్షల నుంచి రూ.3.5 లక్షల మధ్య ఉండే అవకాశం ఉంది.