స్మార్ట్ ఫోన్ కంటే తక్కువ ధరకే ఎలక్ట్రిక్ స్కూటర్.. ఏకంగా 90కిమీ రేంజ్.. అదిరిపోయే ఫీచర్లు

భారతదేశంలో ఎలక్ట్రిక్ స్కూటర్ల (Electric Scooters)కు ప్రజాదరణ రోజురోజుకూ పెరుగుతోంది. మార్కెట్‌లో కొత్త మోడళ్లు వెల్లువెత్తుతున్న సమయంలో ఐఫోన్ కొనడానికి అయ్యేంత ఖర్చుతో కూడా ఒక కొత్త ఈవీని సొంతం చేసుకునే అవకాశం ఇప్పుడు వచ్చింది. ముఖ్యంగా స్టార్టప్ బ్రాండ్‌లు తక్కువ ధరకే ఈవీలను అందిస్తున్నాయి. ఈ కోవలోనే మేక్ ఇన్ ఇండియా ఎలక్ట్రిక్ వాహన తయారీ సంస్థ జెలియో ఇ-మొబిలిటీ (Zelio E-Mobility), అతి తక్కువ ధరకు మూడు కొత్త ఎలక్ట్రిక్ స్కూటర్లను ఈవా (Eeva ) సిరీస్‌లో విడుదల చేసింది. కేవలం రూ.51,551 ప్రారంభ ధరతో, ఈ కొత్త స్కూటర్లు ఒకే ఛార్జ్‌పై 90 కి.మీ.ల వరకు రేంజ్‌ను అందిస్తున్నాయి.

ప్రస్తుతం దేశంలో వివిధ మోడళ్లతో వాహన మార్కెట్ చాలా విస్తృతమైంది. స్మార్ట్‌ఫోన్ ధరకే ఈవీలు కూడా లభిస్తున్నాయి. వాటికి ఫ్యాన్సీ ఫీచర్లు లేకపోయినా తక్కువ దూర ప్రయాణాలకు అవి చాలా బాగుంటాయి. పెట్రోల్ పోయించాల్సిన అవసరం లేకుండా ఛార్జ్ చేసుకొని రూ.100 కంటే తక్కువ ఖర్చుతో ప్రయాణించవచ్చు. ఇదే చాలా మందిని ఆకర్షిస్తోంది. అయితే చాలా మంది లక్షలు ఖర్చుపెట్టి ఈవీని కొనడానికి ఆసక్తి చూపడం లేదు.

జెలియో (Zelio) వంటి స్టార్టప్ బ్రాండ్‌ల రాకతో అలాంటి వారు కూడా నేడు మార్కెట్‌లో అనేక మోడళ్ల నుంచి ఎంచుకోవచ్చు. ఇప్పుడు, మేక్ ఇన్ ఇండియా (Make in India) ఎలక్ట్రిక్ వాహనాల తయారీదారు జెలియో ఈ-మొబిలిటీ (Zelio E-Mobility) తక్కువ ధరకే కొత్త ఎలక్ట్రిక్ స్కూటర్‌లను విడుదల చేసింది. కంపెనీ Eeva సిరీస్‌లో మూడు కొత్త ఈవీలను పరిచయం చేసింది.

తక్కువ వేగం కలిగిన ఎలక్ట్రిక్ స్కూటర్ సెగ్మెంట్‌లో తమ ఉనికిని బలోపేతం చేసుకోవడానికి, కంపెనీ భారత మార్కెట్‌లో మూడు మోడళ్లను విడుదల చేసింది - Eeva Eco LX, Eeva Eco ZX, Eeva ZX. యంగ్ రైడర్లు, మహిళలు, కుటుంబాలు సురక్షితమైన, ఆచరణాత్మకమైన, ఆర్థికంగా ప్రయోజనకరమైన మొబిలిటీని కోరుకునే వారి అవసరాలను దృష్టిలో ఉంచుకొని కొత్త ఈవా సిరీస్ నిర్మించినట్లు కంపెనీ తెలిపింది.

కొత్త ఈవా మోడల్‌లు ఇప్పుడు దేశవ్యాప్తంగా ఉన్న జెలియో డీలర్‌షిప్‌లలో అందుబాటులో ఉన్నాయని కంపెనీ ప్రకటించింది. ఈ తక్కువ వేగం గల ఎలక్ట్రిక్ స్కూటర్‌ను కొనుగోలు చేయాలనుకునే కస్టమర్‌ల కోసం బుకింగ్‌లు అధికారికంగా ప్రారంభమయ్యాయి. ఇప్పుడు, Eeva Eco LX, Eeva Eco ZX, Eeva ZX గురించి మరింత తెలుసుకుందాం.

రోజువారీ సిటీ ప్రయాణాల కోసం రూపొందించబడిన ఈ మోడల్ భారతదేశంలో కేవలం రూ.51,551 (ఎక్స్-షోరూమ్) నుంచి ప్రారంభమవుతుంది. ఒక్కసారి ఛార్జ్ చేస్తే 60 నుంచి 90 కి.మీ.ల రేంజ్‌తో ఈ ఈవీ అందరికీ అందుబాటులో ఉంటుంది. Eeva Eco LX 48/60V BLDC మోటార్ ద్వారా పనిచేస్తుంది. ఇది పూర్తి ఛార్జ్‌పై కేవలం 1.5 యూనిట్ల విద్యుత్‌ను వినియోగిస్తుంది.

48-60V/32Ah జెల్, 60V/30Ah లిథియం బ్యాటరీ ఆప్షన్‌లలో లభించే Eco LX EV రెండు వైపులా డ్రమ్ బ్రేక్‌లు, హైడ్రాలిక్ సస్పెన్షన్, స్థిరమైన, సౌకర్యవంతమైన సిటీ ప్రయాణాల కోసం ముందు, వెనుక 3.00-10 సెక్షన్ టైర్‌లతో కూడి ఉంటుంది. ఈ స్కూటర్ విశాలమైన 36-లీటర్ బూట్ స్పేస్, మన్నికైన ఛాసిస్, కంట్రోలర్, గ్లోసీ బ్లాక్, గ్లోసీ గ్రే, గ్లోసీ రెడ్, గ్లోసీ బ్లూ ఫినిష్‌లలో కూడా లభిస్తుంది.

రూ.53,551 (ఎక్స్-షోరూమ్) నుంచి ప్రారంభమయ్యే కొత్త Eeva Eco ZX, దాని ప్రత్యేక స్టైల్ అప్‌గ్రేడ్‌తో వస్తుంది. ఈ ఈవీ నమ్మకమైన 48/60V BLDC మోటార్, ఒక్కసారి ఛార్జ్ చేస్తే 60-90 కి.మీ.ల రేంజ్, 1.5 యూనిట్లు/ఛార్జ్ వినియోగంతో వస్తుంది. ఈ ఎలక్ట్రిక్ స్కూటర్ కూడా 12-32Ah జెల్, 60V/30Ah లిథియం బ్యాటరీ ఆప్షన్‌లలో అందుబాటులో ఉంది.

ముందు, వెనుక డ్రమ్ బ్రేక్‌లు, హైడ్రాలిక్ సస్పెన్షన్, 90-90/12 ముందు, 90-100/10 వెనుక టైర్‌లతో కూడిన Zelio E Mobility నుంచి Eeva Eco ZX తక్కువ వేగం గల ఎలక్ట్రిక్ స్కూటర్ అద్భుతమైన రోడ్ ప్రెజెన్స్, కంట్రోల్‌ అందిస్తుంది. ఈ మోడల్ గ్లోసీ బ్లాక్, గ్లోసీ గ్రే, గ్లోసీ రెడ్, గ్లోసీ బ్లూ, గ్లోసీ వైట్ కలర్ ఆప్షన్‌లలో మార్కెట్‌లో విడుదల చేయబడింది.

ఈవా ఈ వేరియంట్ రూ.65,051 (ఎక్స్-షోరూమ్) ధరతో, 12-32Ah/42Ah జెల్ నుంచి 60V/30Ah-72V/32Ah లిథియం కాన్ఫిగరేషన్‌ల వరకు మల్టీ బ్యాటరీ ఆప్షన్‌లతో కొనుగోలు చేయవచ్చు. సెలియో ప్రకారం దీనికి 60/72V BLDC మోటార్ ఆప్షన్లు కూడా ఉన్నాయి. బ్యాటరీని పూర్తిగా ఛార్జ్ చేయడానికి కేవలం 1.5 యూనిట్ల కరెంటు మాత్రమే అవసరమని ఎలక్ట్రిక్ స్కూటర్ తయారీదారు తెలిపారు.

ఈ EV పూర్తి ఛార్జ్‌పై 60-90 కి.మీ.ల రేంజ్‌ను కూడా అందించగలదు. ఈవా ZX వెర్షన్ వెనుక డ్రమ్ బ్రేక్‌లు, ముందు డిస్క్ బ్రేక్‌లు, హైడ్రాలిక్ సస్పెన్షన్, రెండు చక్రాలపై 90-90/12 సెక్షన్ టైర్‌లతో వస్తుంది. ఇవి బ్రేకింగ్ కాన్ఫిడెన్స్, రైడ్ సౌకర్యాన్ని పెంచే అంశాలు. Eeva ZX గ్లోసీ బ్లాక్, గ్లోసీ గోల్డెన్, గ్లోసీ రెడ్, మ్యాట్ బ్లూ, గ్లోసీ వైట్ వంటి కొత్త కలర్ ఆప్షన్‌లలో అందుబాటులో ఉంది.