వాహనదారులకు గుడ్ న్యూస్.. స్కూటర్ కొంటే రెండు హెల్మెట్లు ఫ్రీ.. ప్రభుత్వం కొత్త రూల్!

వాహనదారుల భద్రత పై ప్రభుత్వం దృష్టి పెట్టింది. ప్రతేడాది జరుగుతున్న రోడ్డు ప్రమాదాల్లో వందల మంది మరణిస్తుండడంతో ప్రభుత్వం వాటి నివారణకు చర్యలు తీసుకుంటుంది. ఈ క్రమంలోనే ఓ సంచలన నిర్ణయాన్ని ప్రకటించింది. ఇక మీదట కొత్తగా స్కూటర్, బైక్ కొనుగోలు చేస్తే దానితో పాటు కొనుగోలుదారుడికి డీలర్ నుంచి రెండు హెల్మెట్లు ఇవ్వాలని రూల్ పెట్టింది.

దీంతో ఇకపై మీరు కొత్త స్కూటర్ కొనుగోలు చేస్తే, డీలర్‌షిప్ నుంచి మీకు రెండు హెల్మెట్‌లు తప్పనిసరిగా లభిస్తాయి. రోడ్డు ప్రమాదాలను తగ్గించే లక్ష్యంతో కేంద్ర ప్రభుత్వం ఈ కీలక నిర్ణయం తీసుకుంది. ప్రతి సంవత్సరం దేశంలో దాదాపు ఐదు లక్షల ప్రమాదాలు జరుగుతున్న నేపథ్యంలో, వీటిని నివారించేందుకు కొత్తగా విక్రయించే ప్రతి ద్విచక్ర వాహనంతో రెండు ISI గుర్తింపు పొందిన హెల్మెట్‌లను తప్పనిసరిగా అందించాలని ఆదేశాలు జారీ చేసింది.

న్యూఢిల్లీలో జరిగిన ఆటో సమ్మిట్‌లో కేంద్ర రోడ్డు రవాణా, రహదారుల శాఖ మంత్రి నితిన్ గడ్కరీ ఈ నూతన విధానాన్ని ప్రకటించారు. హెల్మెట్ గురించి కొన్ని ముఖ్య విషయాలు తెలుసుకోవడం అవసరం. సాధారణంగా హెల్మెట్‌ల ధర రూ.950 నుంచి రూ.1200 వరకు ఉంటుంది. బీహెచ్ వింటేజ్ సిరీస్‌లో వివిధ వైజర్ ఆప్షన్‌లతో కూడిన వేరియంట్‌లను కంపెనీ అందిస్తోంది.

వాటి ప్రత్యేకత ఏమిటంటే, వైజర్ లేకుండా కూడా కొనుగోలు చేసే అవకాశం ఉంది. ఒకవేళ మీరు వైజర్‌ను ఎంచుకుంటే ట్రాన్స్‌పరెంట్ లేదా ఫిల్మ్ చేసిన మోడల్‌ను ఎంచుకోవచ్చు. హెల్మెట్ నాణ్యత, ప్రమాణాల విషయానికి వస్తే, ఇది ప్రమాదాల సమయంలో తలకు కలిగే గాయాలను గణనీయంగా తగ్గిస్తుంది.

హెల్మెట్ లోపల థర్మోప్లాస్టిక్ షెల్ ఉంటుంది, ఇది దెబ్బలను తట్టుకోవడానికి, హెల్మెట్ బరువును తగ్గించడానికి సహాయపడుతుంది. షెల్ కింద అధిక సాంద్రత కలిగిన EPS (Expanded Polystyrene) పొర ఉంటుంది. ఇది ప్రమాదం జరిగినప్పుడు వచ్చే శక్తిని గ్రహించి, రైడర్ తలకు మరింత రక్షణ కల్పిస్తుంది. అంతేకాకుండా, ఈ హెల్మెట్‌లు యాంటీ-స్క్రాచ్ కోటింగ్‌తో వస్తాయని కంపెనీ పేర్కొంది.

ముఖాన్ని పూర్తిగా కప్పి ఉంచే ఫుల్ ఫేస్ హెల్మెట్‌లు ముఖం, గడ్డం, దవడలతో సహా తల మొత్తానికి సమగ్రమైన రక్షణను అందిస్తాయి. ఈ రకమైన రక్షణ మోటార్‌సైకిల్ ప్రమాదంలో ముక్కు, దంతాలు లేదా దవడ వంటి భాగాలకు గాయాలయ్యే అవకాశాలను గణనీయంగా తగ్గిస్తుంది. కొంతమందికి ఓపెన్ ఫేస్ హెల్మెట్‌లు సౌకర్యవంతంగా అనిపించవచ్చు. వీటి ద్వారా గాలి , వెలుతురు తగులుతాయి. వాహనం నడుపుతున్నప్పుడు ముఖం ఇతరులకు కనిపిస్తుంది.

అయితే, ఈ రకమైన హెల్మెట్‌లు ఫుల్ ఫేస్ హెల్మెట్‌లతో పోలిస్తే తక్కువ రక్షణను అందిస్తాయి. ఇవి సాధారణంగా తల పైభాగం, ముఖం కొంత భాగాన్ని మాత్రమే కవర్ చేస్తాయి. ఇవి మరింత సౌకర్యవంతంగా, మంచి వెంటిలేషన్‌ను కలిగి ఉన్నప్పటికీ, ప్రమాదం జరిగినప్పుడు ముఖానికి గాయాలు కాకుండా పూర్తి రక్షణను ఇస్తాయని భావించలేం.

రైడర్‌లకు సౌకర్యం ముఖ్యమైనప్పటికీ, ఫుల్ ఫేస్ హెల్మెట్‌లు అందించే స్థాయి రక్షణను ఓపెన్ ఫేస్ హెల్మెట్‌లు అందించవు. రైడింగ్ హెల్మెట్ కొనేటప్పుడు భద్రత, సౌకర్యం రెండింటినీ బ్యాలెన్స్ చేయడం చాలా ముఖ్యం.

హెల్మెట్ కొనేటప్పుడు గుర్తుంచుకోవలసిన రెండు ముఖ్యమైన విషయాలు నాణ్యత, సరైన ఫిట్. ఈ రెండు అంశాలు భద్రతకు చాలా కీలకం. మీ తలకు సరిగ్గా సరిపోయే అధిక నాణ్యత కలిగిన హెల్మెట్ ప్రమాదాలలో తలకు గాయాలయ్యే ప్రమాదాన్ని గణనీయంగా తగ్గిస్తుంది. అది ఫుల్ ఫేస్ హెల్మెట్ అయినా లేదా ఓపెన్ ఫేస్ హెల్మెట్ అయినా సరే. ఎక్కువ రక్షణ లభించడానికి సరిగ్గా ఫిట్ అయ్యే హెల్మెట్ మాత్రమే కొనుగోలు చేయాలి.

హెల్మెట్‌లు మరీ బిగుతుగా లేదా మరీ లూజ్‌గా ఉండకూడదు. మీరు హెల్మెట్ కొనేటప్పుడు మీ తల కొలతను తీసుకొని మీ సరైన సైజును తెలుసుకొని కొనడానికి ప్రయత్నించండి. అంతేకాకుండా, హెల్మెట్‌లు సంబంధిత అధికారులు నిర్ణయించిన భద్రతా ప్రమాణాలను తప్పనిసరిగా పాటించాలి.