హీరో, హోండాలకు షాకిచ్చిన జనాలు.. అమ్మకాలు పడిపోవడంతో లబోదిబోమంటున్న కంపెనీలు

ప్రపంచంలోనే అతి పెద్ద ద్విచక్ర వాహన మార్కెట్లో భారత్ ఒకటి. మన దేశం జనాభా 140కోట్ల పై మాటే. అంతేకాకుండా మధ్య తరగతి ప్రజలు ఎక్కువగా నివసించే దేశం కాబట్టి ఇక్కడ ద్విచక్ర వాహనాలను కొనుగోలు చేసే వారు ఎక్కువగా ఉంటారు. అందుకే ప్రపంచంలోని అగ్ర కంపెనీలు అన్ని కూడా ఇండియా మీద దృష్టి పెడుతుంటాయి. ఎప్పటికప్పుడు ఇండియన్స్ అభిరుచి మేరకు కొత్త మోడల్స్ రిలీజ్ చేస్తుంటాయి.

ప్రతి నెలా లక్షలాది మోటార్ సైకిల్స్, స్కూటర్స్ ఇక్కడ అమ్ముడవుతాయి. ఇటీవల అన్ని ఆటోమొబైల్ తయారీదారులు ఫిబ్రవరి నెలలో విక్రయించిన ద్విచక్ర వాహనాల అమ్మకాల గణాంకాలను విడుదల చేశారు. హీరో స్ప్లెండర్ ఎప్పటిలాగే దేశీయ టాప్ 10 జాబితాలో అగ్రస్థానంలో ఉంది. హోండా యాక్టివా రెండో స్థానంలో ఉంది. రాయల్ ఎన్ ఫీల్డ్ క్లాసిక్ 350 పదో స్థానంలో ఉంది.

ముందుగా నంబర్ 1 హీరో స్ప్లెండర్ అమ్మకాల గణాంకాల గురించి మాట్లాడుకుందాం. గత నెల (ఫిబ్రవరి 2025) 'హీరో మోటోకార్ప్' మొత్తం 2,07,763 'స్ప్లెండర్' మోటార్ సైకిళ్లను విక్రయించింది. ఫిబ్రవరి 2024 అదే నెలలో 2,77,939 యూనిట్లు అమ్ముడయ్యాయి. గతేడాదితో పోల్చితే అమ్మకాలు 25.25శాతం తగ్గింది.

రెండవ స్థానంలో స్కూటర్లలో పాపులర్ మోడల్ హోండా యాక్టివా ఉంది. ప్రస్తుతం ఎలక్ట్రిక్ స్కూటర్ల నుండి తీవ్రమైన పోటీ ఉన్నప్పటికీ హోండా ఫిబ్రవరిలో 1,74,009 యూనిట్ల యాక్టివాను విక్రయించింది. గత ఏడాది ఫిబ్రవరిలో అమ్ముడైన 2,00,134 యూనిట్లతో పోలిస్తే సంవత్సరం వారీగా అమ్మకాల పరిమాణం 13.05శాతం మేరకు తగ్గింది.

మూడవ స్థానంలో హోండా షైన్ బైక్ నిలిచింది. గత నెల (ఫిబ్రవరి 2025) హోండా 1,54,561 యూనిట్ల 'షైన్' మోటార్ సైకిళ్లను విజయవంతంగా విక్రయించింది. ఫిబ్రవరి 2024లో అమ్ముడైన 322 యూనిట్లతో పోలిస్తే ఇది వార్షికంగా 8.26% వృద్ధిని నమోదు చేసింది.

ప్రస్తుతం ఆ కంపెనీ 'షైన్' బైక్ అమ్మకాలను మరింత పెంచాలని ప్రయత్నాలు చేస్తుంది. సోమవారం నాడు సరికొత్త 'హోండా షైన్ 100' మోటార్ సైకిల్‌ రిలీజ్ చేశారు. ఈ బైక్ ధర రూ. 68,767 (ఎక్స్-షోరూమ్)గా కంపెనీ నిర్ణయించింది. దీనికి 98.98సీసీ OBD-2B పెట్రోల్ ఇంజన్ ఉంది. ఇది ట్విన్-పాడ్ ఇన్స్ట్రుమెంట్ కన్సోల్‌తో సహా డజన్ల కొద్దీ అత్యాధునిక ఫీచర్లను కలిగి ఉంది.

నాల్గవ స్థానంలో టీవీఎస్ జూపిటర్ స్కూటర్ ఉంది. గత నెలలో దాదాపు 1,03,576 యూనిట్ల జూపిటర్లు అమ్ముడుపోయాయి. ఫిబ్రవరి 2024లో అమ్ముడైన 73,860 యూనిట్లతో పోలిస్తే, గతేడాది ఇదే నెలతో పోలిస్తే 40.23శాతం వృద్ధి నమోదైంది. ముఖ్యంగా వినియోగదారులు 'జూపిటర్ 110' స్కూటర్‌ను పెద్ద ఎత్తున కొనుగోలు చేస్తున్నారు.

కొత్త టీవీఎస్ జూపిటర్ 110 స్కూటర్ ప్రారంభ ధర రూ. 76,691 (ఎక్స్-షోరూమ్). 113.3సీసీ OBD-2B పెట్రోల్ ఇంజన్ అందుబాటులో ఉంటుంది. ఇది లీటరుకు 53 కిలోమీటర్ల మైలేజీని ఇస్తుంది. ఇది డిజిటల్ ఇన్స్ట్రుమెంట్ క్లస్టర్, ఇంటెలిజెంట్ స్టార్ట్/స్టాప్‌తో సహా డజన్ల కొద్దీ ఫీచర్స్ కలిగి ఉంది.

బజాజ్ పల్సర్ మోటార్ సైకిల్ ఈ జాబితాలో ఐదవ స్థానంలో ఉంది. గత నెల (ఫిబ్రవరి - 2025), బజాజ్ ఆటో 87,902 యూనిట్ల 'పల్సర్' బైక్‌లను విక్రయించింది. అదే ఫిబ్రవరి 2024లో 1,12,544 యూనిట్లు అమ్ముడయ్యాయి. గతేడాదితో పోలిస్తే ఈ సంవత్సరం అమ్మకాలు 21.90శాతం తగ్గాయి.

ఈ జాబితాలో హీరో హెచ్ఎఫ్ డీలక్స్ బైక్ ఆరో స్థానాన్ని దక్కించుకుంది. ఈ ఫిబ్రవరిలో హీరో మోటోకార్ప్ 70,581 హెచ్ఎఫ్ డీలక్స్ మోటార్ సైకిళ్లను విక్రయించింది. గతేడాది అమ్ముడైన 76,138 యూనిట్లతో పోలిస్తే ఈ సంవత్సరం వారీగా 7.30శాతం తగ్గుదల కనిపించింది.

కొత్త హీరో హెచ్ఎఫ్ డీలక్స్ మోటార్ సైకిల్ ధర రూ. 62,468, రూ. 70,348 (ఎక్స్ షోరూమ్) మధ్య ఉంది. 97.2సీసీ పెట్రోల్ ఇంజన్ అందుబాటులో ఉంది. ఇది లీటరుకు 70కి.మీ. వరకు మైలేజీని అందిస్తుంది. దీనిలో అనలాగ్ ఇన్స్ట్రుమెంట్ క్లస్టర్, ఐడిల్ స్టాప్/స్టార్ట్ సిస్టమ్‌తో సహా వివిధ కొత్త ఫీచర్లను కలిగి ఉంటుంది.

ఏడవ స్థానంలో సుజుకి యాక్సెస్ ఉంది. గత నెలలో మారుతి సుజుకి దాదాపు 59,039 యూనిట్ల యాక్సెస్ స్కూటర్లను విక్రయించింది. ఫిబ్రవరి 2024లో అమ్ముడైన 56,473 యూనిట్లతో పోలిస్తే, గత సంవత్సరంతో పోలిస్తే 4.54శాతం వృద్ధిని సాధించింది.

దేశీయంగా కొనుగోలు చేసేందుకు అందుబాటులో ఉన్న కొత్త సుజుకి యాక్సెస్ 125 స్కూటర్ ధర రూ. 81,700 (ఎక్స్-షోరూమ్)గా నిర్ణయించారు. ఇందులో 125సీసీ సింగిల్ సిలిండర్ పెట్రోల్ ఇంజన్ ఉంటుంది. ఇది లీటరుకు 45 కిలోమీటర్ల మైలేజీని అందిస్తుంది. ఇది డిజిటల్ ఇన్స్ట్రుమెంట్ క్లస్టర్, స్మార్ట్‌ఫోన్ కనెక్టివిటీతో సహా వివిధ ఫీచర్స్ ను కలిగి ఉంటుంది.

ఎనిమిదో స్థానంలో టీవీఎస్ అపాచీ మోటార్ సైకిల్ నిలిచింది. గత నెల (ఫిబ్రవరి 2025) బజాజ్ ఆటో 37,954 యూనిట్ల 'అపాచీ' బైక్‌లను విక్రయించింది. 2024లో ఇదే కాలంలో అమ్ముడైన 34,593 యూనిట్లతో పోలిస్తే ఇది సంవత్సరానికి 9.72శాతం వృద్ధిని నమోదు చేసింది.

తొమ్మిదవ స్థానంలో రైతులకు ఇష్టమైన టీవీఎష్ ఎక్స్ ఎల్ మోపెడ్ ఉంది. గత నెలలో టీవీఎస్ మోటార్ 33,572 యూనిట్ల ఎక్స్ ఎల్ అమ్మకాలను నమోదు చేసింది. ఫిబ్రవరి 2024లో అమ్ముడైన 41,059 యూనిట్లతో పోలిస్తే గతేడాదితో పోలిస్తే 18.23శాతం తగ్గుదల నమోదైంది.

పదవ స్థానంలో రాయల్ ఎన్‌ఫీల్డ్ క్లాసిక్ 350 మోటార్‌సైకిల్ ఉంది. ఈ ఫిబ్రవరిలో రాయల్ ఎన్ఫీల్డ్ 'క్లాసిక్ 350' బైక్‌లను 30,641 యూనిట్లు విక్రయించింది. ఫిబ్రవరి 2024లో అమ్ముడైన 28,310 యూనిట్లతో పోలిస్తే ఇది సంవత్సరానికి 8.23శాతం వృద్ధి.

కొత్త రాయల్ ఎన్‌ఫీల్డ్ క్లాసిక్ 350 మోటార్‌సైకిల్ ధర రూ. 1.93 లక్షల నుంచి రూ. 2.30 లక్షల (ఎక్స్ షోరూమ్) మధ్య ఉంది. ఇది 349.34సీసీ పెట్రోల్ ఇంజిన్‌తో వస్తుంది. ఇది లీటరుకు 41.55కి.మీ వరకు మైలేజీని అందిస్తుంది. రైడర్ సేఫ్టీ కోసం దీనిలో డిస్క్ బ్రేక్ ఆఫ్షన్ ఉంటుంది.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.