కేవలం రూ.లక్ష మాత్రమే.. ఖరీదైన బైక్‌లలోని ఫీచర్లన్నీ ఇప్పుడు ఈ చిన్న బైక్‌లో కూడా

స్టైలిష్ బైక్ కొనుగోలు చేయాలని ఆలోచిస్తున్నారా? తక్కువ ధరలోనే ఎక్కువ ఫీచర్లు, మంచి లుక్‌తో వచ్చే బైక్ కోసం చూస్తున్నారా? అయితే మీ కోసమే హీరో మోటోకార్ప్ (Hero Motocorp) తన పాపులర్ ఎక్స్‌ట్రీమ్ 125R సిరీస్‌లో ఒక కొత్త వేరియంట్‌ను లాంచ్ చేసింది. అదే సింగిల్-సీట్ ఎడిషన్.

కేవలం సీటులో మార్పు మాత్రమే కాదు, ధరలో కూడా ఆకట్టుకునేలా మార్పులు చేసి, యువతను మరింత ఆకర్షించేందుకు సిద్ధమైంది. ఇంతకీ, ఈ కొత్త బైక్‌లో ఏమేం ఫీచర్లు ఉన్నాయి? దాని ధర ఎంత? అనే వివరాలు ఈ వార్తలో తెలుసుకుందాం.

హీరో మోటోకార్ప్ తన ఎక్స్‌ట్రీమ్ 125ఆర్ (Xtreme 125R) బైక్‌ను మూడు డిఫరెంట్ వేరియంట్లలో అందిస్తోంది. వీటిలో మొదటిది బేస్ మోడల్ ఐబీఎస్ (IBS) స్ప్లిట్-సీట్ వేరియంట్, దీని ధర రూ.98,425. రెండవది టాప్ మోడల్ అయిన ఏబీఎస్ (ABS) స్ప్లిట్-సీట్ వేరియంట్, దీని ధర రూ.1.02 లక్షలు.

తాజాగా, సంస్థ ఏబీఎస్ సింగిల్-సీట్ వేరియంట్‌ను కూడా లాంచ్ చేసింది, దీని ధర రూ.లక్ష. ఈ కొత్త వేరియంట్ ధర బేస్ మోడల్ కంటే కొంచెం ఎక్కువగానూ, టాప్ మోడల్ కంటే కొంచెం తక్కువగానూ ఉంది. ఈ వేరియంట్‌ల ద్వారా వినియోగదారులు తమ అవసరాలు, బడ్జెట్‌కు అనుగుణంగా సరైన బైక్‌ను ఎంచుకోవచ్చు.

సాధారణంగా స్పోర్టీ బైక్‌లలో స్ప్లిట్ సీట్ డిజైన్ ఉంటుంది. కానీ, సింగిల్-సీట్ డిజైన్ కోరుకునే రైడర్‌ల కోసం, ముఖ్యంగా పిల్లియన్ (వెనుక కూర్చునేవారు) సౌకర్యాన్ని దృష్టిలో ఉంచుకుని హీరో ఈ కొత్త వేరియంట్‌ను తీసుకొచ్చింది. సింగిల్-సీట్ వల్ల రైడర్‌తో పాటు వెనుక కూర్చునే వారికి కూడా సౌకర్యంగా ఉంటుంది. ఇది టీవీఎస్ రైడర్, బజాజ్ పల్సర్ ఎన్‌ఎస్125 వంటి బైక్‌లకు గట్టి పోటీ ఇస్తుందని మార్కెట్ నిపుణులు అంచనా వేస్తున్నారు.

హీరో ఎక్స్‌ట్రీమ్ 125R దాని అగ్రెసివ్, షార్ప్ డిజైన్‌తో యువతను ఆకర్షిస్తుంది. బైక్‌కు ముందు భాగంలో ఉన్న రోబోటిక్ స్టైల్ ఎల్‌ఈడీ హెడ్‌ల్యాంప్, దానిపైన ఉన్న డిఆర్‌ఎల్‌ (DRL) లైట్లు బైక్‌కు ప్రత్యేక రూపాన్ని ఇస్తాయి. మస్కులర్ ఫ్యూయల్ ట్యాంక్, స్ప్లిట్ గ్రాబ్ రైల్స్ బైక్ స్పోర్టీ లుక్‌ను మరింత పెంచుతాయి.

ఫీచర్ల విషయానికొస్తే.. ఇందులో పూర్తిగా డిజిటల్ ఎల్‌సీడీ కన్సోల్ ఉంది. ఇది స్పీడ్, ఓడోమీటర్, ట్రిప్‌మీటర్, గేర్ ఇండికేటర్ వంటి సమాచారాన్ని అందిస్తుంది. అంతేకాదు, మొబైల్ ఫోన్ చార్జింగ్ కోసం ఒక యూఎస్‌బీ పోర్ట్ కూడా ఉంది.

ఈ బైక్‌లో 125 సీసీ సింగిల్-సిలిండర్ ఎయిర్-కూల్డ్ ఇంజిన్ ఉంది. ఇది 11.4 బీహెచ్‌పీ పవర్, 10.5 ఎన్ఎమ్ టార్క్‌ను ఉత్పత్తి చేస్తుంది. ఇది ఈ సెగ్మెంట్‌లో అత్యంత శక్తివంతమైన బైక్‌లలో ఒకటి. 5-స్పీడ్ గేర్‌బాక్స్‌తో వచ్చే ఈ బైక్.. కంపెనీ తెలిపిన వివరాల ప్రకారం లీటర్‌కు 66 కిలోమీటర్ల మైలేజ్ ఇస్తుంది. 10 లీటర్ల ఫ్యూయల్ ట్యాంక్ సామర్థ్యంతో, ఇది లాంగ్ రైడ్స్‌కు కూడా అనుకూలంగా ఉంటుంది.

సేఫ్టీ పరంగా కూడా హీరో ఎక్స్‌ట్రీమ్ 125R ముందుంది. ముందువైపు టెలిస్కోపిక్ ఫోర్క్‌లు, వెనుక వైపు షోవా-సోర్స్డ్ మోనోషాక్ సస్పెన్షన్ ఉన్నాయి. కొత్త సింగిల్-సీట్ వేరియంట్‌లో సింగిల్-ఛానెల్ ఏబీఎస్ (యాంటీ-లాక్ బ్రేకింగ్ సిస్టమ్) కూడా అందుబాటులో ఉంది.

ఇది అకస్మాత్తుగా బ్రేక్ వేసినప్పుడు టైర్లు లాక్ అవ్వకుండా, వాహనం అదుపు తప్పకుండా చూస్తుంది. ముందువైపు డిస్క్ బ్రేక్, వెనుకవైపు డ్రమ్ బ్రేక్ ఉంది. ఈ బైక్ బరువు 136 కేజీలు. 794 ఎంఎం సీట్ హైట్ కారణంగా రైడర్లు సౌకర్యవంతంగా ప్రయాణించవచ్చు.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.