రెండూ బడ్జెట్లో దొరికేవే.. కాకపోతే ఫీచర్లలో కొన్నే తేడా.. మరి కొనేందుకు ఏది బెస్ట్.. డియోనా? ఎన్-టార్క్ నా ?

మనదేశంలో స్కూటర్లకు ఉన్న డిమాండ్ గురించి ప్రత్యేకంగా చెప్పనక్కర్లేదు. అయితే, స్టైలిష్ స్కూటర్లకు మాత్రం యువతలో ఒక ప్రత్యేకమైన క్రేజ్ ఉంటుంది. అలాంటి స్కూటర్ల జాబితాలో హోండా డియో 125, టీవీఎస్ ఎన్-టార్క్ ముందు వరుసలో ఉంటాయి. ఈ రెండు స్కూటర్లు కూడా తమ స్పోర్టీ లుక్స్, పర్ఫామెన్స్‌తో యువతను బాగా ఆకట్టుకుంటున్నాయి. ఈ రెండిట్లో ఏది బెస్ట్ స్పోర్టీ స్కూటర్? వాటి మధ్య పోలికను ఈ కథనంలో చూద్దాం.

ఈ రెండు స్కూటర్లు కేవలం చూడటానికి మాత్రమే స్పోర్టీగా ఉండవు. వీటిని కుటుంబ అవసరాలకు కూడా ఉపయోగపడేలా రూపొందించారు. సాధారణ స్కూటర్లలో ఉండే అన్ని ఫీచర్లు, సౌకర్యాలు ఇందులో కూడా ఉన్నాయి. మొదట టీవీఎస్ ఎన్-టార్క్ గురించి చెప్పుకుంటే.. ఇది 2018లో విడుదలైనప్పటి నుండి చాలా తక్కువ సమయంలోనే మంచి ప్రజాదరణ పొందింది.

ఇది హోండా డియో 125కి గట్టి పోటీదారుగా నిలిచింది. దీని ప్రత్యేకమైన స్పోర్టీ డిజైన్ చాలా మందిని ఆకర్షిస్తుంది. హోండా డియోతో పోలిస్తే ఇది స్టాండర్డ్ 125సీసీ ఇంజిన్‎తో వస్తుంది, కానీ వేర్వేరు సబ్-వేరియంట్‌లలో అందుబాటులో ఉంది. ఫీచర్ల విషయంలో కూడా ఈ రెండు స్కూటర్లు దాదాపు సమానంగా ఉంటాయి.

హోండా డియో విషయానికి వస్తే, ఇది 2001 నుండి మార్కెట్‌లో ఉంది. అయితే, దీని 125సీసీ వెర్షన్ 2023లో విడుదలైంది. హోండా కంపెనీ ఈ స్కూటర్‌ను ఎప్పటికప్పుడు అప్‌డేట్ చేస్తూ వస్తోంది. చివరిగా చేసిన అప్‌డేట్‌లో సస్పెన్షన్, బ్రేకింగ్ వంటి ముఖ్యమైన భాగాలను అలాగే ఉంచి, కొత్త రంగులతో విడుదల చేసింది.

ఈ రెండు స్కూటర్లలోనూ అల్లాయ్ వీల్స్, ముందు డిస్క్ బ్రేక్, వెనుక డ్రమ్ బ్రేక్, ఫోన్ కనెక్టివిటీతో కూడిన డిజిటల్ ఇన్‌స్ట్రుమెంట్ కన్సోల్ వంటి ఆధునిక ఫీచర్లు ఉన్నాయి. రెండిట్లోనూ 125సీసీ ఎయిర్-కూల్డ్ సింగిల్ సిలిండర్ ఇంజిన్‎ను ఉపయోగించారు.

పవర్, టార్క్ విషయానికి వస్తే, టీవీఎస్ ఎన్-టార్క్ హోండా డియో 125 కంటే కొంచెం ఎక్కువ పవర్‌ను, టార్క్‌ను ఉత్పత్తి చేస్తుంది. అయితే, హోండా డియో ఎన్-టార్క్ కంటే తక్కువ బరువు కలిగి ఉంది. ఇక ధర విషయానికి వస్తే, టీవీఎస్ ఎన్-టార్క్ 2025 హోండా డియో 125 కంటే కొంచెం ఎక్కువ ధరను కలిగి ఉంది.

ఎన్ టార్క్‎లో కొంచెం ఎక్కువ పవర్ ఫుల్ ఇంజిన్ ఇచ్చారు. ముఖ్యంగా టెక్నాలజీ పరంగా, బ్లూటూత్ కనెక్టివిటీ వంటివి కొన్ని ఎక్కువ ఫీచర్లు ఎన్ టార్క్‎లో ఉంటాయి. ఆకర్షణీయమైన, స్పోర్టీ డిజైన్, ఎక్కువ కలర్ ఆఫ్షన్లు దీనిలో ఉంటాయి. అధిక వేగంలోనూ మంచి స్టెబిలిటీని అందిస్తుంది.
ప్రస్తుతానికి, ఈ రెండు స్కూటర్లు భారతదేశంలో యువత కొనుగోలు చేయగల స్టైలిష్ స్కూటర్లలో ముందున్నాయి.

ఆకర్షణీయమైన డిజైన్, ఏరోడైనమిక్ స్టైలింగ్, ఆధునిక ఫీచర్లతో పాటు ఇవి అందుబాటు ధరలో లభిస్తున్నాయి.హోండా డియోలో స్మూత్ ఇంజిన్, తక్కువ బరువు ఉండటం వలన నడపడానికి తేలికగా ఉంటుంది. హోండా మెయింటెనెన్స్ ఖర్చులు కూడా తక్కువగా ఉంటాయి. కొత్తగా కొన్ని వేరియంట్లలో స్మార్ట్‌ఫోన్ కనెక్టివిటీతో కూడిన TFT కన్సోల్ కూడా ఇచ్చారు.

పర్ఫామెన్స్, ఎక్కువ ఫీచర్లు, బోల్డ్ స్టైలింగ్‌ను కోరుకుంటే, టీవీఎస్ ఎన్-టార్క్ బెస్ట్ ఆఫ్షన్. స్మూత్ ఇంజన్, లైట్ వెయిట్, హోండా బ్రాండ్, మంచి మైలేజ్‌ను కోరుకుంటే హోండా డియో 125 కొనుగోలు దారులకు బెస్ట్ ఆఫ్షన్ అని చెప్పొచ్చు.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.