ఇండియాలో టాప్ 3 ఫ్యామిలీ స్కూటర్లు! ధర రూ.1 లక్ష లోపు.. 55+ కి.మీల పైనే మైలేజ్

స్కూటర్లు భారతీయ రవాణాలో భాగంగా మారిపోయాయి. నగరాల్లో ట్రాఫిక్‌తో పోరాడే ఉద్యోగులు కావచ్చు, గ్రామీణ రోడ్లపై ప్రతిరోజూ ప్రయాణించే కుటుంబాలు కావచ్చు. ప్రతి ఒక్కరికీ స్కూటర్‌లు అత్యంత సౌకర్యవంతమైన వాహనాలుగా నిలుస్తున్నాయి. తేలికైన బాడీ, ఎవరికైనా సులభంగా నడపగలిగే డిజైన్, తక్కువ మెయింటెనెన్స్ ఖర్చులు, అలాగే అద్భుతమైన ఇంధన సామర్థ్యం వల్ల ఇవి ఇంట్లో ఉన్న యువత నుండి పెద్దల వరకు అందరికీ ఉపయోగపడే కుటుంబ వాహనంగా గుర్తింపు పొందాయి. ప్రత్యేకంగా మహిళలకు, కాలేజీ స్టూడెంట్లకు, ఉద్యోగులకు స్కూటర్ ఒక బెస్ట్ డైలీ కమ్యూట్ సొల్యూషన్‌గా మారింది. రూ. 1 లక్ష లోపు స్కూటర్ కొనాలని ఆలోచిస్తున్నట్లయితే, మార్కెట్లో ఇప్పుడు ఎన్నో మోడళ్లు అందుబాటులో ఉన్నాయి. వాటిలో టాప్ స్కూటర్ల గురించి ఈ కింది కథనంలో చూద్దాం.

Honda Activa: హోండా యాక్టివా గురించి చెప్పుకుంటే, ఇది భారతీయ స్కూటర్ మార్కెట్‌లో ఒక బ్రాండ్ కంటే ఎక్కువ నమ్మకానికి ప్రతీక. దేశంలో స్కూటర్ ట్రెండ్‌ను సృష్టించిన వాహనం ఏదైనా ఉంటే, అది యాక్టివానే. ప్రారంభించినప్పటి నుంచి ఇప్పటివరకు 35 మిలియన్లకు పైగా యూనిట్లు అమ్ముడవడం ఈ స్కూటర్ ఎంత ప్రజాదరణ పొందిందో స్పష్టంగా చూపుతుంది. సంవత్సరాలుగా హోండా యాక్టివా పలు మార్పులకు, అప్‌డేట్లకు గురైంది.

ఇది మార్కెట్‌లో నంబర్ వన్ స్కూటర్. హోండా యాక్టివా 110cc, 125ccలలో లభిస్తుంది. 110 సిసి వెర్షన్ ఎక్కువ మైలేజ్, తక్కువ మెయింటెనెన్స్ కోరుకునే కుటుంబాలకు పర్ఫెక్ట్. 125 సిసి మరింత పవర్, స్మూత్ టార్క్, ప్రీమియం ఫీల్ కోరుకునే యూజర్లకు బెస్ట్. ధరల విషయానికి వస్తే, 110cc యాక్టివా ధరలు రూ.74,619 నుంచి రూ.87,944 మధ్య ఉంటాయి. 125 ధరలు రూ.88,589 నుంచి రూ.92,233 (ఎక్స్‌షోరూమ్) వరకు ఉన్నాయి.

TVS Jupiter: ఇది భారతీయ స్కూటర్ మార్కెట్‌లో తనకంటూ ఓ ప్రత్యేక గుర్తింపు తెచ్చుకున్న మోడల్. జూపిటర్ రెండు ఇంజిన్ 110cc, 125ccలలో లభిస్తుంది. 110cc వెర్షన్ రోజువారీ ప్రయాణాల కోసం పర్ఫెక్ట్ గా ఉండే వైబ్రేషన్-ఫ్రీ, ఫ్యూయల్‌ఎఫిషెంట్ ఇంజిన్‌ను కలిగి ఉంది. ఈ చిన్న కానీ శక్తివంతమైన ఇంజిన్ 6500 rpm వద్ద 8.39 bhp పవర్, 5000 rpm వద్ద 9.8 Nm టార్క్ ఉత్పత్తి చేస్తుంది.

110cc జూపిటర్ ధర రూ. 72,400 నుంచి రూ. 89,500 (ఎక్స్-షోరూమ్) వరకు అందుబాటులో ఉంది. మరోవైపు, మరింత శక్తివంతమైన జూపిటర్ 125 124.8cc ఇంజిన్‌తో వస్తుంది. ఇది 6500 rpm వద్ద 8.05 bhp పవర్, 5000 rpm వద్ద 9.8 Nm టార్క్ ఇస్తుంది. ఈ వేరియంట్ ప్రత్యేకత 33 లీటర్ల భారీ అండర్-సీట్ స్టోరేజ్, హెల్మెట్‌తో పాటు మరికొన్ని చిన్న వస్తువులను సులభంగా ఉంచుకునేలా సహాయపడుతుంది.

Suzuki Access 125: సుజుకి యాక్సెస్ 125 భారతీయ స్కూటర్ మార్కెట్‌లో అత్యంత విశ్వసనీయమైన, ఎక్కువగా అమ్ముడవుతున్న మోడళ్లలో ఒకటి. . బేస్ మోడల్ ఎక్స్-షోరూమ్ ధర రూ. 80,891 నుంచి ప్రారంభమవుతుంది. అత్యంత ప్రీమియం ఆప్షన్ అయిన Ride Connect TFT వేరియంట్ ధర రూ. 97,084 వరకు ఉంటుంది. ఈ ధర రేంజ్‌లో యాక్సెస్ 125 వినియోగదారులకు అందించే ఫీచర్లు, విశ్వసనీయత నిజంగా ఆకర్షణీయంగా ఉంటాయి.

ఇది 124cc ఇంజిన్ ద్వారా శక్తిని పొందుతుంది. ఈ ఇంజిన్ 6500 rpm వద్ద 8.3 bhp పవర్, 5000 rpm వద్ద 10.2 Nm టార్క్ ఉత్పత్తి చేస్తుంది. యాక్సెస్ 125 ముఖ్య ఫీచర్లు దానిని మరికొన్ని స్కూటర్ల కన్నా ముందుకు తీసుకెళ్తాయి. కలర్ TFT డిస్ప్లే, LED హెడ్‌ల్యాంప్, LED టెయిల్ లాంప్, ఫ్రంట్ డిస్క్ బ్రేక్‌లు, USB మొబైల్ ఛార్జింగ్ పోర్ట్ వంటివి ఉన్నాయి.