ఇండియాలోకి ఇంటర్నేషనల్ బైకులు.. ఇండియన్ స్కౌట్ సిరీస్ లాంచ్.. ధర ఎంతంటే?

అమెరికాలో తొలిసారిగా మోటార్‌సైకిల్ తయారీని ప్రారంభించిన బ్రాండ్‌ ఇండియన్ మోటార్‌సైకిల్(Indian Motorcycle). ప్రపంచ ప్రఖ్యాత బ్రాండ్లతో సమానంగా పోటీ పడుతూ, తన ప్రత్యేకమైన వారసత్వాన్ని కొనసాగిస్తోంది. ఇదే బ్రాండ్ ఇప్పుడు భారతీయ మార్కెట్‌లో కొత్త సంచలనం సృష్టిస్తోంది. 2025కి సంబంధించిన ఇండియన్ స్కౌట్ సిరీస్‌ను అధికారికంగా భారత్‌లో ఆవిష్కరించింది. ప్రీమియం అమెరికన్ ఇంజనీరింగ్ అనే పదాన్ని నిజంగా అనుభవింపజేసేలా, స్పష్టమైన డిజైన్‌ను ప్రతీ మోడల్‌లో ప్రతిబింబించేలా ఈ కొత్త లైనప్‌ను రూపొందించింది. మొత్తం 8 వేరియంట్లను కంపెనీ పరిచయం చేసింది. ధరల విషయానికి వస్తే, ఈ సిరీస్‌ను రూ.12.99 లక్షల ఎక్స్-షోరూమ్ ధరతో ప్రారంభించింది. కానీ ఈ ధర కేవలం మొదటి మెట్టు మాత్రమే ఎందుకంటే కొత్త స్కౌట్ లైనప్ ఎక్కువ పెరిగింది.

క్లాసిక్ డిజైన్‌కు ప్రాధాన్యం ఇచ్చే స్కౌట్ సిక్స్టీ క్లాసిక్ నుండి, కాస్త బలమైన అటిట్యూడ్‌తో కనిపించే స్కౌట్ సిక్స్టీ బాబర్, స్పోర్ట్స్ రైడింగ్‌ను ఇష్టపడే వారికి స్పోర్ట్ స్కౌట్ సిక్స్టీ, శక్తివంతమైన 1010 స్కౌట్, స్కౌట్ క్లాసిక్, స్కౌట్ బాబర్, స్పోర్ట్ స్కౌట్, చివరగా టూరింగ్‌కు సరిపోయే రానెగ్ సూపర్ స్కౌట్ మొత్తం 8 వేరియంట్లు అందుబాటులోకి వచ్చాయి. ఇంజిన్ పరంగా ఈ సిరీస్‌ను రెండు ప్రధాన వర్గాలుగా విభజించారు.

ప్రారంభ వేరియంట్లైన స్కౌట్ సిక్స్టీ సిరీస్‌కు శక్తినిచ్చేది 999సీసీ సామర్థ్యం కలిగిన V-ట్విన్ ఇంజిన్. ఇది సిటీ రైడింగ్ నుంచి హైవే ట్రిప్స్ వరకు సరైన బ్యాలెన్స్‌ను ఇస్తుంది. ఇక ప్రధాన స్కౌట్ వేరియంట్లలో ఉపయోగిస్తున్న 1250సీసీ లిక్విడ్-కూల్డ్ V-ట్విన్ ఇంజిన్ అసలు అమెరికన్ క్రూజర్ శైలిని మరింత బలంగా ప్రతిబింబిస్తుంది. దీని శక్తి, సౌకర్యం, ఎక్కువ కాలం నాణ్యత ప్రీమియం రైడర్ల కోసం ప్రత్యేకంగా రూపొందించబడింది.

ఇంకా లోతుగా వెళితే, 2025 ఇండియన్ స్కౌట్ సిరీస్‌లోని ప్రతి వేరియంట్ తన ప్రత్యేక శక్తి, పనితీరుతో బైక్ ప్రియులను ఆకట్టుకునేలా రూపొందించబడింది. ఎంట్రీ లెవెల్‌గా ఉన్న స్కౌట్ సిక్స్టీ సిరీస్‌లో శక్తినిచ్చేది 999సీసీ సామర్థ్యం కలిగిన V-ట్విన్ ఇంజిన్. ఈ ఇంజిన్ గరిష్టంగా 85 హెచ్‌పి పవర్ అందిస్తుంది. ఈ కేటగిరీ రైడర్లకు సరిపోయేలా, శక్తి, సౌకర్యం మధ్య సమనాత్వాన్ని సాధించేలా ఇది డిజైన్ చేయబడింది.

మరింత ప్రీమియం సెగ్మెంట్‌లో 1250సీసీ లిక్విడ్-కూల్డ్ V-ట్విన్ ఇంజిన్ ఉంటుంది, వేరియంట్‌ను బట్టి 106 హెచ్‌పి నుంచి 112.5 హెచ్‌పి వరకు శక్తిని ఉత్పత్తి చేస్తుంది. ఈ ఇంజిన్ అందించే పవర్ డెలివరీ సిటీ స్ట్రీట్స్‌లోనూ, లాంగ్ హైవే రైడ్స్‌లోనూ ఆకట్టుకుంటుంది. ఇంజిన్ మాత్రమే కాదు, ప్రతి మోడల్‌లో ట్రిమ్ లెవెల్స్ కూడా ప్రత్యేకంగా ఉంటాయి. సిక్స్టీ మోడల్స్, స్టాండర్డ్, లిమిటెడ్ అనే రెండు ట్రిమ్‌లలో అందుబాటులో ఉంటాయి.

స్టాండర్డ్ ట్రిమ్‌లో డిజిటల్-అనలాగ్ గేజ్, ఆల్-LED లైటింగ్, ఆల్-బ్లాక్ కలర్ స్కీమ్, అలాగే డ్యూయల్-ఛానల్ ABS వంటి ఫీచర్లు లభిస్తాయి. ఇవి రైడింగ్ సేఫ్టీ, కన్వీనియెన్స్‌ను మరింత మెరుగుపరుస్తాయి. ఈ లైనప్‌ను మొత్తం చూసినప్పుడు, ఇండియన్ మోటార్‌సైకిల్ కంపెనీ కేవలం అమెరికన్ స్టైల్ బైక్‌ను భారత మార్కెట్‌లో ప్రవేశపెట్టలేదు; అమెరికన్ క్రూజింగ్ కల్చర్‌ను, ఆధునిక టెక్నాలజీతో కలిపి ఒక అనుభవంగా మార్చింది.

భారతీయ రైడర్ల కోసం ప్రత్యేకంగా రూపొందించిన ఈ 2025 ఇండియన్ స్కౌట్ సిరీస్ ఇప్పుడు దేశంలోని పలు ప్రధాన నగరాల్లో అందుబాటులోకి వచ్చింది. అమెరికన్ ఇంజనీరింగ్‌కి భారతీయ మార్కెట్‌లో పెరుగుతున్న ఆదరణను దృష్టిలో ఉంచుకొని, ఇండియన్ మోటార్‌సైకిల్ తన డీలర్‌షిప్ నెట్‌వర్క్‌ను విస్తరించింది. ప్రస్తుతం ఢిల్లీ, చండీగఢ్, అహ్మదాబాద్, బెంగళూరు, చెన్నై, కొచ్చి వంటి ముఖ్య నగరాల్లో ఈ బైకులు లభ్యమవుతున్నాయి.

ప్రతి డీలర్‌షిప్‌లో ప్రత్యేకంగా కస్టమర్లకు బ్రాండ్ అనుభవాన్ని నేరుగా అందిస్తాయి, బైక్‌ని దగ్గరగా పరిశీలించడమే కాదు, అమెరికన్ క్రూజర్‌కి తగ్గ రైడింగ్ ఫీల్‌ని కూడా అనుభవించేలా అవకాశాలు కల్పిస్తున్నారు. ఈ స్కౌట్ సిరీస్‌ను సొంతం చేసుకోవాలనుకునే వారికి ఇప్పటికే బుకింగ్ విండోలు తెరవబడ్డాయి. రైడర్లు తమ ఇష్టమైన వేరియంట్‌ను ఎంపిక చేసుకొని, సమీపంలోని డీలర్‌షిప్‌లో ముందస్తుగా బుకింగ్ చేసుకోవచ్చు.