లుక్స్ తో అదరగొట్టి.. పవర్‌తో పిచ్చెక్కిస్తుంది.. కారు రేంజ్ ధరతో కవాసకి బైక్.. స్పీడ్ లవర్స్‎కు పండుగే

బైక్ రైడర్స్ ఎంతో ఆసక్తిగా ఎదురుచూస్తున్న కవాసకి మోటార్స్ (ఇండియా) నుండి సరికొత్త MY26 Z900 మోటార్‌సైకిల్ మార్కెట్లోకి అడుగుపెట్టింది. తమ ప్రసిద్ధ Z-సిరీస్ వారసత్వాన్ని కొనసాగిస్తూ మరింత దూకుడుగా ఉండే సుగోమి డిజైన్‌తో పాటు, ఆధునిక ఎలక్ట్రానిక్ ఫీచర్లను ఈ బైక్‌లో పొందుపరిచారు.

సిటీ రోడ్లు, కొండ ప్రాంతాలలో అద్భుతమైన రైడింగ్ అనుభవాన్ని ఇచ్చేలా రూపొందించిన ఈ కొత్త Z900, కవాసకి 50 సంవత్సరాల Z బైక్‌ల చరిత్రకు నిదర్శనం. ఒకప్పుడు ప్రపంచాన్ని మార్చేసిన Z1 మోడల్ స్ఫూర్తితో వచ్చిన ఈ కొత్త మోడల్ ధర, ఫీచర్లు, ప్రత్యేకతలు ఏంటో తెలుసుకుందాం.

1972లో కవాసకి Z1 మోడల్‌తో మొదలైన Z-సిరీస్, దాని అద్భుతమైన పర్ఫామెన్స్, విశ్వసనీయతతో మోటార్‌సైకిల్ ప్రపంచాన్ని మార్చేసింది. ఇది కవాసకి Z బైక్‌లకు ప్రపంచవ్యాప్తంగా ఒక బెంచ్ మార్క్ క్రియేట్ చేసింది. ఇప్పుడు కొత్త MY26 Z900 మెరుగైన డిజైన్, లేటెస్ట్ సస్పెన్షన్, అడ్వాన్సుడ్ ఎలక్ట్రానిక్ టెక్నాలజీ, రైడర్‌కు మరింత సౌకర్యవంతమైన ఫీచర్లతో కొత్త ప్రమాణాలను నెలకొల్పింది.

కొత్త కవాసకి Z900 బైక్‌లో 948cc లిక్విడ్-కూల్డ్, 4-స్ట్రోక్, ఇన్-లైన్ 4-సిలిండర్ ఇంజిన్ ఇచ్చారు. ఈ ఇంజిన్ గరిష్టంగా 9,500 rpm వద్ద 125 PS ఎనర్జీని, 7,700 rpm వద్ద 98.6 Nm టార్క్ను ఉత్పత్తి చేస్తుంది. 6-స్పీడ్ గేర్‌బాక్స్‌తో పాటు అసిస్ట్ & స్లిప్పర్ క్లచ్ కూడా ఈ ఇంజిన్‌కు జత చేయబడింది. ఇది రైడర్‌కు అద్భుతమైన పవర్, కంట్రోల్‌ను అందిస్తుంది.

MY26 Z900 బైక్ రైడర్ విశ్వాసాన్ని పెంచే అనేక అడ్వాన్సుడ్ ఎలక్ట్రానిక్ సిస్టమ్‌లను కలిగి ఉంది. కవాసకి క్విక్ షిఫ్టర్ (KQS) ఇది క్లచ్ లేకుండా వేగంగా గేర్లు మార్చడానికి సహాయపడుతుంది.ఎలక్ట్రానిక్ క్రూయిజ్ కంట్రోల్.. ఇది లాంగ్ రైడ్స్‌లో సౌకర్యవంతమైన ప్రయాణానికి ఒకే స్పీడు మెయింటైన్ చేసేందుకు ఉపయోగపడుతుంది.

కవాసకి టర్న్-బై-టర్న్ నావిగేషన్ సిస్టమ్ ఈ ఫీచర్ కవాసకిలో మొదటిసారిగా అందించారు. ఇది RIDEOLOGY THE APP అనే మొబైల్ యాప్‌తో కలిసి పనిచేస్తుంది. కవాసకి ట్రాక్షన్ కంట్రోల్ (KTRC), కవాసకి కార్నరింగ్ మేనేజ్‌మెంట్ ఫంక్షన్ (KCMF), పవర్ మోడ్స్ వంటి ఫీచర్లు కూడా బైక్ సేఫ్టీ, రైడింగ్ అనుభవాన్ని మెరుగుపరుస్తాయి.

ఈ బైక్ మెటాలిక్ మ్యాట్ గ్రాఫిన్ స్టీల్ గ్రే/ మెటాలిక్ ఫ్లాట్ స్పార్క్ బ్లాక్, క్యాండీ లైమ్ గ్రీన్/ మెటాలిక్ కార్బన్ గ్రే అనే రెండు కలర్ ఆప్షన్లలో లభిస్తుంది. సస్పెన్షన్ కోసం, ముందు భాగంలో రీబౌండ్ డంపింగ్, స్ప్రింగ్ ప్రీలోడ్ అడ్జస్టబిలిటీతో కూడిన 41 మిమీ ఇన్వెర్టెడ్ ఫోర్క్ ఉంది.

వెనుక భాగంలో షాక్ రీబౌండ్ డంపింగ్, స్ప్రింగ్ ప్రీలోడ్ అడ్జస్టబిలిటీతో కూడిన గ్యాస్-ఆపరేటెడ్, గ్యాస్-ఆపరేటెడ్ హారిజాంటల్ బ్యాక్‌లింక్ సస్పెన్షన్ ఉన్నాయి. ముందు సస్పెన్షన్ ట్రావెల్ (120 మిమీ) కంటే వెనుక సస్పెన్షన్ ట్రావెల్ (140 మిమీ) 20 మిమీ పొడవుగా ఉండటం గమనించదగ్గ విషయం. కొత్త ట్రిపుల్ LED హెడ్‌లైట్, LED టెయిల్‌లైట్ బైక్‌కు లేటెస్ట్ లుక్ ఇస్తాయి.

కొత్త కవాసకి MY26 Z900 బైక్ ఎక్స్-షోరూమ్ ధర రూ.9,99,000 నుండి ప్రారంభమవుతుంది. డ్రైవ్‌స్పార్క్ నివేదిక ప్రకారం.. భారతదేశంలో కవాసకి Z900 బైక్‌కు నిజంగా మంచి డిమాండ్ ఉంది. రాయల్ ఎన్‌ఫీల్డ్ 650cc బైక్‌ల తర్వాత భారతదేశంలో అత్యధికంగా అమ్ముడవుతున్న 500cc+ బైక్‌లలో Z900 ఒకటి. తక్కువ బరువుతో తయారు చేయబడటం వల్ల ఈ బైక్ ఇప్పుడు చాలా మంది రైడర్స్‌కు మరింత అనుకూలంగా ఉంటుంది.