రోడ్డు బాలేదన్న బాధలేదు.. కొండలున్నాయన్న టెన్షన్ లేదు.. ఈ బైకుతో ఎక్కడికైనా దూసుకెళ్లవచ్చు

కొత్త ఆఫ్-రోడర్ బైక్ కొనాలని చూస్తున్నారా? అయితే మీకో గుడ్ న్యూస్! KTM సరికొత్త 390 ఎండ్యూరో ఆర్‎ను భారత మార్కెట్లోకి విడుదల చేసింది. మిలన్‌లో జరిగిన EICMA 2024, గోవాలో జరిగిన ఇండియా బైక్ వీక్‌లో ఎంతోమందిని ఆకట్టుకున్న ఈ బైక్ ఇప్పుడు మీ సొంతం చేసుకోవచ్చు. ఈ బైక్ గ్లోబల్ వెబ్‌సైట్‌లో ఉన్న మోడల్ కంటే భిన్నంగా, ప్రత్యేకంగా భారత్ కోసం రూపొందించబడింది.

పేరుకు తగ్గట్టే ఈ KTM 390 ఎండ్యూరో ఆర్ బైక్ KTM 390 అడ్వెంచర్‌ను ఆధారంగా చేసుకుని తయారు చేయబడింది. KTM 390 శ్రేణిలో, అంటే 390 అడ్వెంచర్, దాని బడ్జెట్ ఫ్రెండ్లీ వెర్షన్ అడ్వెంచర్ ఎక్స్‎ల సరసన ఈ కొత్త 390 ఎండ్యూరో ఆర్ చేరింది. విశేషం ఏంటంటే, KTM 390 అడ్వెంచర్ కంటే ఈ ఎండ్యూరో ఆర్ దాదాపు రూ.30,000 తక్కువ ధరలో లభిస్తోంది.

ఈ బైక్ చూడగానే ఇది మరింత ఆఫ్-రోడ్ ఫోకస్డ్‌గా ఉందని స్పష్టంగా తెలుస్తుంది. దీని డిజైన్ దాని పెద్దన్నయ్య అయిన KTM 690 ఎండ్యూరో ఆర్ మోడల్ నుండి ప్రేరణ పొందింది. అగ్రెసివ్ హ్యాండిల్‌బార్ షేప్, నిటారుగా ఉండే సీటింగ్ పొజిషన్, పొడవైన సీటు ఈ బైక్‌కు ప్రత్యేకమైన రూపాన్ని ఇస్తాయి.

KTM 390 ఎండ్యూరో ఆర్ గ్లోబల్ మోడల్ కంటే బరువుగా ఉంది. దీని బరువు 177 కిలోలు. దీనికి కారణం భారతీయ హోమోలోగేషన్ నిబంధనల ప్రకారం సాారీ గార్డ్, ఇంజన్ క్రాష్ గార్డ్స్ వంటి అదనపు ఫీచర్లను చేర్చడమే. ఈ బైక్ ముందు 200ఎంఎం, వెనుక 205ఎంఎం సస్పెన్షన్ ట్రావెల్‌ను కలిగి ఉంది.

అయితే, 230ఎంఎం సస్పెన్షన్ ట్రావెల్ కలిగిన గ్లోబల్-స్పెక్ మోడల్‌ను కూడా త్వరలో భారతదేశంలో విడుదల చేస్తామని KTM ధృవీకరించింది. ఈ మోటార్‌సైకిల్ మిటాస్ ఎండ్యూరో ట్రయల్ టైర్‌లతో చుట్టబడిన 21/18-అంగుళాల ట్యూబ్-టైప్ స్పోక్ వీల్స్‌పై నడుస్తుంది. కంప్లీట్ అడ్జస్టబుల్ చేయగల WP అపెక్స్ అప్‌సైడ్-డౌన్ ఫోర్క్‌లు, ప్రీలోడ్, రీబౌండ్ అడ్జస్ట్‌మెంట్‌తో కూడిన WP మోనోషాక్ సస్పెన్షన్ బాధ్యతలను నిర్వహిస్తాయి.

రెండు చివర్లలో డిస్క్ బ్రేక్‌లు బ్రేకింగ్ సులభంగా చేస్తాయి. KTM 390 ఎండ్యూరో ఆర్ మోడల్ సీటు ఎత్తు 860ఎంఎం, గ్రౌండ్ క్లియరెన్స్ 253ఎంఎంగా ఉంది. ఈ బైక్‌లో స్విచ్చబుల్ డ్యూయల్-ఛానల్ ABS ఉంది. 4.1-అంగుళాల కలర్ TFT డిస్‌ప్లేను ఈ మోటార్‌సైకిల్‌కు అందించారు.

ఇది రైడర్‌కు అన్ని ముఖ్యమైన సమాచారాన్ని చూపుతుంది. బ్లూటూత్ కనెక్టివిటీకి మద్దతు ఇచ్చే ఈ డిస్‌ప్లే టర్న్-బై-టర్న్ నావిగేషన్, మ్యూజిక్ కంట్రోల్స్, యాప్ కనెక్టివిటీ వంటి అనేక ఫీచర్లను అందిస్తుంది.

KTM లేటెస్ట్ వెర్షన్ LC4c ఇంజన్ దీనికి శక్తినిస్తుంది. 399సీసీ, సింగిల్ సిలిండర్, లిక్విడ్-కూల్డ్ ఇంజన్ 390 ఎండ్యూరో ఆర్ బైక్‌కు శక్తినిస్తుంది. ఇది 45.3 bhp పవర్‌ను, 39 Nm టార్క్‌ను ఉత్పత్తి చేస్తుంది. ఇంజన్ 6-స్పీడ్ గేర్‌బాక్స్‌తో జతచేయబడి ఉంటుంది.దీని ప్రారంభ ఎక్స్-షోరూమ్ ధర కేవలం రూ.3.36 లక్షలు మాత్రమే.

ఇది ఆఫ్-రోడింగ్ కోసం ప్రత్యేకంగా రూపొందించబడిన మోటార్‌సైకిల్ కాబట్టి, అడ్జస్టబుల్ సస్పెన్షన్, బ్రేక్‌లు, క్లచ్ లివర్‌లు, ఫుట్‌రెస్ట్‌లను టీమ్ ఆరెంజ్ ఈ బైక్‌లో అమర్చింది. సాహసయాత్రలకు ఇష్టపడేవారు తమ రైడింగ్ శైలికి అనుగుణంగా వీటిని సర్దుబాటు చేసుకోవచ్చు. అదనంగా, KTM అనేక రకాల పనితీరు, కాస్మెటిక్ యాడ్-ఆన్‌లను యాక్సెసరీలుగా అందిస్తుంది.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.