క్లాస్ మాస్ ఎవరికైనా నచ్చే స్కూటర్.. టీవీఎస్ నుంచి మరో అదిరిపోయే మోడల్ వచ్చేస్తోంది..ధర కూడా తక్కువే

టీవీఎస్ ఐక్యూబ్(TVS iQube) ఒక పాపులర్ ఎలక్ట్రిక్ స్కూటర్. ఇది అట్రాక్టివ్ డిజైన్, ఫీచర్లతో పాటు, అందుబాటు ధరలో కూడా లభిస్తోంది. అందుకే ఇది మన దేశంలో ఎక్కువ సంఖ్యలో అమ్ముడవుతోంది. వినియోగదారులు కూడా దీన్ని ఇష్టంగా కొనుగోలు చేస్తున్నారు. ప్రస్తుతం దేశీయ మార్కెట్లో బ్యాటరీ ప్యాక్‌ను బట్టి ఐక్యూబ్ ఈ-స్కూటర్ 5 వేర్వేరు వేరియంట్లలో అందుబాటులో ఉంది.

ఇప్పుడు కంపెనీ ఇదే స్కూటర్ 'ఐక్యూబ్ ఎస్‌టి' మోడల్‌ను కొత్త రూపంలో విడుదల చేయడానికి సిద్ధమవుతోంది. దీని గురించి మరిన్ని వివరాలు తెలుసుకుందాం. అంతా అనుకున్నట్లు జరిగితే, అప్‌డేట్ చేయబడిన కొత్త 'టీవీఎస్ ఐక్యూబ్ ఎస్‌టి' ఎలక్ట్రిక్ స్కూటర్ ఈ పండుగల సీజన్‌లో విడుదల కానుంది. అంటే, సెప్టెంబర్ నాటికి ఇది అమ్మకానికి వచ్చే అవకాశం ఉంది.

గత జనవరిలో ముగిసిన భారత్ మొబిలిటీ గ్లోబల్ ఎక్స్‌పోలో 2025 కొత్త ఐక్యూబ్ ఎస్‌టి కాన్సెప్ట్ ఈ-స్కూటర్‌ను కూడా ప్రదర్శించారు. కొత్త టీవీఎస్ ఐక్యూబ్ ఎస్‌టి (TVS iQube ST) ఎలక్ట్రిక్ స్కూటర్ మరింత లేటెస్ట్ డిజైన్‌ను కలిగి ఉండే అవకాశం ఉంది. ఎక్స్‌పోలో ప్రదర్శించిన 'ఐక్యూబ్ ఎస్‌టి' కాన్సెప్ట్ మోడల్‌లో మంచి క్వాలిటీ కలిగిన క్విల్టెడ్ సీటు, బ్యాక్‌రెస్ట్, ఫ్లోర్‌బోర్డ్‌ ఉన్నాయి.

కొత్త ఐక్యూబ్ ఎస్‌టి ఈ-స్కూటర్ పర్ఫామెన్స్ గురించి అధికారిక వివరాలు ఇంకా అందుబాటులో లేవు. అయితే, ప్రస్తుతం వినియోగదారులకు అందుబాటులో ఉన్న ఐక్యూబ్ ఎస్‌టి మోడల్‌లో ఉన్నట్లుగానే ఇది 3.4 కిలోవాట్ (kWh), 5.1 కిలోవాట్ (kWh) బ్యాటరీ ప్యాక్‌ను కలిగి ఉండే అవకాశం ఉంది. ఇది ఒక్కసారి పూర్తిగా ఛార్జ్ చేస్తే 100 నుండి 150 కిలోమీటర్ల వరకు రేంజ్ (మైలేజ్) ఇవ్వగలదని అంచనా వేస్తున్నారు.

రాబోయే కొత్త టీవీఎస్ ఐక్యూబ్ ఎస్‌టి ఎలక్ట్రిక్‌లో అనేక కొత్త ఫీచర్లు ఉండే అవకాశం ఉంది. ముఖ్యంగా 7-ఇంచుల TFT డిస్‌ప్లే టర్న్-బై-టర్న్ నావిగేషన్, స్మార్ట్‌ఫోన్ కనెక్టివిటీని కలిగి ఉండవచ్చని భావిస్తున్నారు. ఇది కాపర్ బ్రౌన్ మ్యాట్, స్టార్‌లైట్ బ్లూ గ్లాసీ, టైటానియం గ్రే మ్యాట్ రంగుల ఆప్షన్లలో కూడా అందుబాటులో ఉండే అవకాశం ఉంది.

కొత్త టీవీఎస్ ఐక్యూబ్ ఎస్‌టి ఎలక్ట్రిక్ స్కూటర్ ముందువైపు టెలిస్కోపిక్ ఫోర్క్, వెనుకవైపు ట్విన్ షాక్ అబ్సార్బర్స్ సస్పెన్షన్ సెటప్‌ను కలిగి ఉంటుంది. అలాగే డిస్క్/డ్రమ్ బ్రేక్‌లను కూడా కలిగి ఉంటుందని చెబుతున్నారు. ఈ స్కూటర్ ధర రూ.1.50 లక్షలు (ఎక్స్-షోరూమ్) ఉండే అవకాశం ఉంది.

టీవీఎస్ కంపెనీ 'ఐక్యూబ్' ఈ-స్కూటర్ సహాయంతో పెద్ద సంఖ్యలో ఎలక్ట్రిక్ వాహనాలను విక్రయించింది. గత నెలలో (ఏప్రిల్-2025) ఏకంగా 27,684 యూనిట్ల ఎలక్ట్రిక్ వాహనాలను విక్రయించింది. 2024లో ఇదే కాలంలో 17,403 యూనిట్లు అమ్ముడయ్యాయి. దీనితో పోలిస్తే, అమ్మకాల సైజ్ ఏడాది ఏడాదికి 59శాతం వృద్ధిని నమోదు చేసింది.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.