అందరూ ఎదురుచూస్తున్న బైక్ డెలివరీ స్టార్ట్.. 323 Km రేంజ్.. బుకింగ్ చేసుకున్న వారికి శుభవార్త

బెంగళూరుకు చెందిన ప్రముఖ ఎలక్ట్రిక్ టూ-వీలర్ స్టార్టప్ అల్ట్రావయోలెట్ (ultraviolette) ఆటోమోటివ్ తాజాగా భారత మార్కెట్లో మరోసారి సత్తా చాటింది. కంపెనీ X47 క్రాస్ఓవర్ EV అడ్వెంచర్ బైక్‌ను గత నెలలో విడుదల చేసింది. ఇది కేవలం ఒక కొత్త ఎలక్ట్రిక్ మోటార్‌సైకిల్ మాత్రమే కాదు, వినియోగదారులకు అద్భుతమైన అడ్వెంచర్ అనుభవం ఇవ్వడానికి రూపొందించబడిన ఒక శక్తివంతమైన, ఆధునిక సాంకేతికతతో నింపిన బైక్. కంపెనీ దీని డెలివరీలను ప్రారంభించింది. వినియోగదారులు ఎదురుచూస్తున్న ఈ కాంపాక్ట్ అడ్వెంచర్ EV బైక్ ఫ్యాక్టరీ నుండి బయలుదేరిన సందర్భాలను సోషల్ మీడియా ద్వారా అందరికీ చూపించడం మొదలుపెట్టింది. అల్ట్రావయోలెట్ తన ఇన్‌స్టాగ్రామ్‌లో యూనిట్ల ఫోటోలు, వీడియోలను పంచుతూ, ఉత్పత్తి నాణ్యత, అసెంబ్లింగ్ ప్రాసెస్ తీరును అందించింది.

బెంగళూరు అల్ట్రావయోలెట్ నెల క్రితం తన X47 క్రాస్ఓవర్ EV అడ్వెంచర్ బైక్‌ను భారత మార్కెట్లో పరిచయం చేసింది. ఈ బైక్ ఎక్స్-షోరూమ్ ధర రూ. 2.49 లక్షలుగా లాంచ్ చేయబడింది, కానీ కంపెనీ స్పెషల్ ఆఫర్ ప్రకారం ఈ ధర మొదటి 1,000 యూనిట్లకు మాత్రమే వర్తిస్తుంది. ఆ తర్వాత, X47 ఎలక్ట్రిక్ అడ్వెంచర్ బైక్ ధర రూ. 2.74 లక్షలకు పెరుగుతుంది అని కంపెనీ ప్రకటించింది.

ప్రారంభ లాంచ్ తరువాత, డెలివరీలు కూడా ప్రారంభమయ్యాయి. దీపావళి సందర్భంలో, కంపెనీ వినియోగదారులకు మొదటి డెలివరీలు ఇవ్వడం ప్రారంభించింది. ఇది సోషల్ మీడియాలో పెద్ద చర్చనీయాంశంగా మారింది. ఈ డెలివరీలు కేవలం ప్రారంభోత్సవానికి మాత్రమే కాదు, కొత్త EV అడ్వెంచర్ బైక్ ప్రేమికుల కోసం సులభంగా రిజర్వ్ చేయగల అవకాశాన్ని కూడా సూచిస్తున్నాయి. X47 బైక్, ఆకర్షణీయమైన డిజైన్, ఆధునిక ఫీచర్లు, శక్తివంతమైన బ్యాటరీని కలిగి ఉంది.

అల్ట్రావయలెట్ X47 క్రాస్ఓవర్ EV అడ్వెంచర్ బైక్ రేంజ్ పరంగా ప్రత్యేకం. ఈ బైక్ రెండు బ్యాటరీ వేరియంట్లలో 7.1 kWh, 10.3 kWhలలో లభిస్తుంది. 10.3 kWh బ్యాటరీ వేరియంట్ ఒకే ఛార్జ్‌లో 323 కి.మీ దూరం, అదే సమయంలో, 7.1 kWh బ్యాటరీ వేరియంట్ ఒకే ఛార్జ్‌లో సుమారు 211 కి.మీ వరకు దూరం వెళ్లగలదు. దీంతో వినియోగదారులు తమ అవసరాలకు అనుగుణంగా రేంజ్ ఎంపిక చేసుకోవచ్చు.

X47 ను క్రాస్ఓవర్ అడ్వెంచర్ SUV లాంటి శక్తివంతమైన 40 bhp శక్తిని ఉత్పత్తి చేసే ఎలక్ట్రిక్ మోటార్తో వస్తుంది. అదనంగా, 610 Nm పీక్ టార్క్ బైక్‌కు ఒక్కసారే అత్యధిక శక్తి అందించి, ఎక్స్‌ట్రీమ్ అడ్వెంచర్ రోడ్లు, ఆఫ్-రోడ్ ట్రయల్స్‌లోనూ ఉత్తమ ప్రదర్శన ఇస్తుంది. ఈ బైక్ గరిష్టంగా 145 కి.మీ/గం వేగాన్ని అందించగలదు. బ్రాండ్ ప్రకారం 0-60 కి.మీ/గం వేగానికి కేవలం 2.7 సెకన్లు మాత్రమే పడుతుంది.

X47 ఇంటిగ్రేటెడ్ ఛార్జర్ తో వస్తుంది, దీని ద్వారా వినియోగదారులు సులభంగా హోమ్ ఛార్జింగ్ లేదా పబ్లిక్ EV ఛార్జింగ్ స్టేషన్లను ఉపయోగించవచ్చు. అదనంగా, సర్జ్ ప్రొటెక్షన్, ఎర్త్ లీకేజ్ ప్రొటెక్షన్ వంటి భద్రతా ఫీచర్లు, మోటార్‌సైకిల్‌ను ఎలక్ట్రికల్ సమస్యల నుండి రక్షిస్తాయి. ఈ క్రాస్ఓవర్ EV అతిపెద్ద ప్రత్యేకత UV హైపర్‌సెన్స్ రాడార్ టెక్నాలజీ. దీని ద్వారా బైక్ వినియోగదారులు రోడ్డు మీద సురక్షితంగా కదిలించవచ్చు.

UV హైపర్‌సెన్స్ రాడార్ టెక్నాలజీ‌లో బ్లైండ్ స్పాట్ డిటెక్షన్ - డ్రైవర్ చూడని ప్రాంతాల్లో వాహనాలు ఉన్నప్పుడు హెచ్చరిస్తుంది. లేన్ చేంజ్ అసిస్ట్ - లేన్ మార్చేటప్పుడు సహాయం చేస్తుంది. ఓవర్‌టేక్ అలర్ట్ - ఫ్రంట్ వాహనాన్ని దాటే సమయంలో హెచ్చరిస్తుంది. రియర్ కొలిషన్ వార్నింగ్ - వెనుక నుంచి ఢీ కొట్టే ప్రమాదాలను ముందుగానే గుర్తిస్తుంది. ఇవే కాకుండా మరిన్ని లేటెస్ట్ ఫీచర్స్ ఉన్నాయి.