పండుగల ముందే రూ.82,500కే TVS స్కూటర్.. రోడ్డుపై వెళ్తుంటే అందరి చూపు మీ వైపే!

పండుగల సీజన్ ప్రారంభానికి ముందే వినియోగదారులను ఆకర్షించే లక్ష్యంతో టీవీఎస్ మోటార్ (Tvs Motor) కంపెనీ తన అత్యంత ప్రజాదరణ పొందిన స్పోర్టీ స్కూటర్ ఎన్‌టార్క్ 125 (NTorq 125)ను 2026కు గాను కొత్త రంగులు, ఆకర్షణీయమైన గ్రాఫిక్స్‌తో అప్‌డేట్ చేసింది. ఈ తాజా అప్‌డేట్‌లో స్కూటర్ పనితీరు లేదా మెకానికల్ అంశాల్లో ఎలాంటి మార్పులు చేయకపోయినా, కొత్త కలర్ స్కీమ్‌లు, స్టైలిష్ గ్రాఫిక్స్‌తో మరింత ఫ్రెష్ లుక్‌ను అందించే ప్రయత్నం చేసింది. ముఖ్యంగా యువతను దృష్టిలో పెట్టుకుని ఈ విజువల్ అప్‌డేట్‌ను తీసుకొచ్చినట్లు తెలుస్తోంది. కొత్త 2026 TVS NTorq 125 డిస్క్ వేరియంట్ ఎక్స్-షోరూమ్ ఢిల్లీ ధర రూ.82,500గా నిర్ణయించగా, మరింత స్పోర్టీ లుక్‌తో వచ్చే రేస్ ఎడిషన్ ధర రూ.87,950గా ఉంది.

ఈ రెండు వేరియంట్లు తమ ప్రత్యేక డిజైన్, ఫీచర్లతో ఇప్పటికే మార్కెట్లో మంచి గుర్తింపు పొందాయి. ఇప్పుడు కొత్త కలర్స్‌తో ఆకట్టుకోనున్నాయి. NTorq 125 సిరీస్‌లో అత్యంత అందుబాటు ధరలో లభించే డిస్క్ వేరియంట్ ఇప్పుడు బ్లాక్, వైట్, గ్రే అనే మూడు కొత్త కలర్ ఆప్షన్‌లలో అందుబాటులోకి వచ్చింది. ఈ రంగులన్నింటిపైనా పసుపు, నారింజ రంగుల స్పోర్టీ గ్రాఫిక్స్‌ను జోడించడం వల్ల స్కూటర్ మరింత స్టైలిష్‌గా కనిపిస్తుంది.

రోజువారీ వినియోగానికి అనువైన కమ్యూటర్ స్కూటర్‌ను కోరుకునే వారికి ఈ డిజైన్ ఆకట్టుకునేలా ఉంది. మరోవైపు, రేస్ ఎడిషన్ మాత్రం తన పేరుకు తగ్గట్టుగానే మరింత అగ్రెసివ్, స్పోర్టీ లుక్‌తో అందుబాటులోకి వచ్చింది. ఇందులో బ్లూ, రెడ్, గ్రీన్ వంటి ఆకర్షణీయమైన రంగులతో పాటు ప్రత్యేకమైన రేసింగ్-ఇన్‌స్పైర్డ్ గ్రాఫిక్స్‌ను అందించారు. దీంతో ఈ వేరియంట్ యువ రైడర్లను మరింత ఆకర్షించే అవకాశం ఉంది.

టీవీఎస్ మోటార్ కంపెనీ 2026 NTorq 125 అప్‌డేట్‌లో కొత్త కలర్ ఆప్షన్‌లను డిస్క్, రేస్ ఎడిషన్ వేరియంట్‌లకు మాత్రమే పరిచయం చేసింది. మిగతా వేరియంట్లలో ఎలాంటి డిజైన్ లేదా స్టైలింగ్ మార్పులు చేయకుండా యథాతథంగా కొనసాగిస్తోంది. అయితే ఈ తాజా అప్‌డేట్‌లో కేవలం కొత్త రంగులు, గ్రాఫిక్స్ మాత్రమే కాకుండా, రోజువారీ వినియోగాన్ని మరింత సౌకర్యవంతంగా మార్చే కొన్ని ఫంక్షనల్ అప్‌గ్రేడ్‌లను కూడా కంపెనీ అందించింది.

మెకానికల్ పరంగా మాత్రం TVS ఎలాంటి మార్పులు చేయలేదు. ఇందులో గత మోడల్‌లో ఉన్న అదే 124.8 సీసీ, సింగిల్-సిలిండర్, 3-వాల్వ్, ఎయిర్-అండ్-ఆయిల్ కూల్డ్ ఇంజిన్‌ను కొనసాగించింది. ఈ ఇంజిన్ గరిష్టంగా 9.5 PS పవర్‌తో పాటు 10.6 Nm టార్క్‌ను ఉత్పత్తి చేస్తుంది. నగర ప్రయాణాలతో పాటు హైవే రైడింగ్‌కు కూడా ఈ ఇంజిన్ మంచి పనితీరు, వేగవంతమైన యాక్సిలరేషన్‌ను అందిస్తుంది.

ఇంజిన్ 10.2 PS పవర్, 10.8 Nm టార్క్‌ను ఉత్పత్తి చేస్తుంది. ఫీచర్ల పరంగా NTorq 125 తన సెగ్మెంట్‌లో ప్రత్యేక స్థానాన్ని కొనసాగిస్తోంది. ఇందులో పూర్తిగా డిజిటల్ ఇన్‌స్ట్రుమెంట్ కన్సోల్‌ను అందించారు. ఈ కన్సోల్‌లో ల్యాప్ టైమర్, టాప్ స్పీడ్ రికార్డర్, సగటు వేగం, ట్రిప్ డేటా, సర్వీస్ రిమైండర్, హెల్మెట్ రిమైండర్ వంటి సమాచారం అందుబాటులో ఉంటుంది. ముఖ్యంగా యువతను ఆకట్టుకునే విధంగా ఈ డిస్‌ప్లేను రూపొందించారు.

అంతేకాకుండా, స్కూటర్‌లో బ్లూటూత్ కనెక్టివిటీ కూడా అందుబాటులో ఉంది. TVS SmartXonnect మొబైల్ యాప్ ద్వారా స్కూటర్‌ను స్మార్ట్‌ఫోన్‌తో కనెక్ట్ చేసుకోవచ్చు. దీని ద్వారా కాల్ అలర్ట్స్, SMS నోటిఫికేషన్లు, టర్న్-బై-టర్న్ నావిగేషన్, చివరిగా పార్క్ చేసిన లొకేషన్, రైడ్ గణాంకాలు వంటి అనేక స్మార్ట్ ఫీచర్లను వినియోగించుకోవచ్చు. దీంతో NTorq 125 కేవలం స్టైలిష్ స్కూటర్ మాత్రమే కాకుండా, టెక్నాలజీ పరంగానూ అత్యాధునికంగా నిలుస్తుంది.