కేటీఎమ్ 390 డ్యూక్‌కు గట్టి పోటీ.. BMW నుంచి కొత్త 'F 450 R' బైక్ వచ్చేస్తోంది! ధర, ఫీచర్లు ఇవే

BMW కంపెనీకి చెందిన కొత్త ఎంట్రీ-లెవెల్ రోడ్‌స్టర్ 'F 450 R' నేడు (అక్టోబర్ 1న) సాయంత్రం 5:30 గంటలకు భారతదేశంలో అధికారికంగా విడుదల కానుంది. కొత్తగా తీసుకొచ్చిన 450 ప్లాట్‌ఫామ్‌పై ఈ నేక్డ్ స్ట్రీట్‌ఫైటర్ బైక్‌ను రూపొందించినట్లు కంపెనీ టీజర్ చూస్తే అర్థమవుతోంది. ఈ మోడల్ ధర, స్థానిక తయారీ ఎంపికలు 400–500cc బైక్ సెగ్మెంట్‌లో తీవ్ర పోటీకి తెరలేపనున్నాయి. ముఖ్యంగా కేటీఎమ్ 390 డ్యూక్ కంటే తక్కువ ధరకే ఇది వస్తుందా అని బైక్ లవర్స్ ఆసక్తిగా ఎదురుచూస్తున్నారు.

ప్రారంభ నివేదికల ప్రకారం.. ఈ కొత్త బైక్ చాలావరకు 'F 450 GS' ప్లాట్‌ఫామ్‌ ఆధారంగానే రూపుదిద్దుకున్నప్పటికీ, దీని డిజైన్, జ్యామిట్రీ రోడ్డు ప్రయాణాలకు అనుకూలంగా ఉంటాయి. 'G 310 R' ఉత్పత్తి నిలిచిపోవడంతో, BMW పోర్ట్‌ఫోలియోలో ఇదే కొత్త ఎంట్రీ-లెవెల్ రోడ్‌స్టర్‌గా మారనుంది. అయితే ధర, బుకింగ్స్, ఇండియా లాంచ్ తేదీలపై కంపెనీ ఇంకా స్పష్టత ఇవ్వలేదు. నేటి ఆవిష్కరణ కార్యక్రమం లైవ్ స్ట్రీమ్‌లోనే వీటిపై పూర్తి వివరాలు వెల్లడికానున్నాయి.

BMW F 450 R ఇండియా లాంచ్: సమయం, ఎక్కడ చూడాలి?

అక్టోబర్ 1న సాయంత్రం 5:30 గంటలకు ఈ బైక్‌ను ఆవిష్కరించనున్నట్లు BMW ధృవీకరించింది. BMW మోటోరాడ్ ఇండియా అధికారిక సోషల్ మీడియా ఛానెళ్లు, ప్రెస్ ఫీడ్స్‌లో ఈ ఆవిష్కరణ కార్యక్రమం లైవ్ స్ట్రీమ్ కానుంది. ఈ ఈవెంట్‌లోనే బైక్ అసలు పేరు, ఫీచర్లు, సేల్స్‌ వివరాలను ప్రకటించనున్నారు. మార్కెట్‌లోని ఇతర ప్రత్యర్థి బైకులతో దీని స్పెసిఫికేషన్లను లైవ్‌లో పోల్చి చూసుకోవాలనుకునేవారు ఈ సమయాన్ని నోట్ చేసి పెట్టుకోండి.

BMW F 450 R అంచనా ధర.. లోకలైజేషన్ ప్రభావం ఎంత?

TVS హోసూరు ప్లాంట్‌లో తయారైన F 450 GS తరహాలోనే ఈ రోడ్‌స్టర్‌ను కూడా స్థానికంగా ఉత్పత్తి చేస్తే, దీని ఎక్స్-షోరూమ్ ధర రూ. 4–5 లక్షల రేంజ్‌లో ఉండే అవకాశం ఉందని మార్కెట్ వర్గాలు అంచనా వేస్తున్నాయి. F 450 GS ధర రూ. 4.70–5.30 లక్షల మధ్య ఉండటంతో, ఈ నేక్డ్ వర్షన్ ధర అంతకంటే తక్కువగానే ఉండొచ్చు. ఒకవేళ ఆన్‌రోడ్ ధర రూ. 4.5 లక్షల వరకు ఉంటే, ఇన్సూరెన్స్, యాక్సెసరీలు కాకుండా 36 నెలల ఈఎమ్‌ఐ (EMI) నెలకు సుమారు రూ. 14.6k–₹16.3k మధ్య ఉండవచ్చు.

BMW F 450 R స్పెసిఫికేషన్లు: F 450 GS తో పోలిస్తే ఎలాంటి ఫీచర్లు ఉండొచ్చు?

ఈ బైక్‌లో F 450 GS లో ఉపయోగించిన 420cc ప్యారలల్-ట్విన్ ఇంజిన్‌నే అందించే ఛాన్స్ ఉంది. ఇది 6-స్పీడ్ గేర్‌బాక్స్‌తో వచ్చి దాదాపు 48 hp పవర్, 43 Nm టార్క్‌ను ఉత్పత్తి చేస్తుంది. అలాగే 6.5 ఇంచుల TFT డిస్‌ప్లే, మల్టిపుల్ రైడింగ్ మోడ్స్, షిఫ్ట్ అసిస్టెంట్ ప్రో క్విక్‌షిఫ్టర్, ఈజీ రైడ్ క్లచ్, USD ఫోర్క్, లీన్-సెన్సిటివ్ ABS వంటి హంగులు ఉండే అవకాశం ఉంది. ఈ GS మోడళ్లు ఐకానిక్ డిజైన్, అద్భుతమైన పర్ఫార్మెన్స్, ఆధునిక సాంకేతికతల కలయిక అని BMW పేర్కొంది.

BMW F 450 R పోటీదారులు: KTM 390 డ్యూక్, అప్రిలియా టువోనో 457

భారత మార్కెట్లో KTM 390 డ్యూక్ శ్రేణి ధరలు (ఢిల్లీ ఎక్స్-షోరూమ్) చూస్తే.. 349cc స్టాండర్డ్ వేరియంట్ రూ. 2.84 లక్షల నుంచి, 398cc R మోడల్ రూ. 3.45 లక్షల నుంచి ప్రారంభమవుతున్నాయి. మరోవైపు అప్రిలియా టువోనో 457 స్పెషల్ ఎడిషన్ ధర సుమారు రూ. 3.99–4.01 లక్షల మధ్య ఉంది. బిఎమ్‌డబ్ల్యూ కనుక స్థానిక తయారీతో అందుబాటు ధరలో F 450 R ని తెస్తే, సూపర్ బైక్ స్థాయి బడ్జెట్ లేకుండానే ప్రీమియం బ్రాండ్, పవర్‌ఫుల్ ట్విన్ ఇంజిన్ కోరుకునే రైడర్లను ఆకట్టుకోవడం ఖాయం.

BMW F 450 R బుకింగ్‌కు ముందు గమనించాల్సిన విషయాలు

బుకింగ్ లేదా విచారణ జాబితాలో చేరేముందు, టెస్ట్ రైడ్ చేసి సీట్ హైట్, రైడింగ్ కంఫర్ట్, ఇంజిన్ హీట్ మేనేజ్‌మెంట్ ఎలా ఉన్నాయో చూసుకోవడం మంచిది. అలాగే డీలర్ హ్యాండ్లింగ్ ఛార్జీలు, ఫైనాన్స్ ఆఫర్ల వివరాలను సరిగ్గా తెలుసుకోండి. ఇంతకుముందు F 450 GS బుకింగ్స్ కొన్ని షోరూమ్‌లలో తాత్కాలికంగా నిలిచిపోయినందున, దీనికి కూడా బైక్స్ కేటాయింపులు దశలవారీగా ఉండే అవకాశం ఉంది. ఆవిష్కరణ కార్యక్రమంలో బుకింగ్ టోకెన్ అమౌంట్, డెలివరీ టైమ్‌లైన్, వేరియంట్ వివరాలను BMW అధికారికంగా ప్రకటించే వరకు వేచి చూడటం మంచిది.