ప్రస్తుతం జనాలు ఎక్కువగా కొంటున్న ఎలక్ట్రిక్ స్కూటర్ ఇదే.. పెట్రోల్ స్కూటర్లకు టెన్షన్ స్టార్ట్!

భారతదేశంలోని ప్రముఖ ద్విచక్ర వాహన తయారీ సంస్థ హీరో మోటోకార్ప్ (Hero MotoCorp)కు చెందిన హీరో విడా (Hero Vida) ఎలక్ట్రిక్ స్కూటర్ ఇప్పుడు నిజంగానే ఇంటింటికీ పరిచయమైన పేరుగా మారింది. ఎలక్ట్రిక్ వాహనాలపై ప్రజల్లో పెరుగుతున్న ఆసక్తి, పెట్రోల్ ధరల భారంతో పాటు పర్యావరణ హితమైన ప్రయాణానికి మళ్లుతున్న ధోరణి ఇవన్నీ కలిసి హీరో విడా అమ్మకాల పెరుగుదలకు దోహదం చేస్తున్నాయి. గత నెల జనవరి 2026లో ఈ స్కూటర్ భారీ స్థాయిలో అమ్ముడై రికార్డు సృష్టించింది. ఒక్క నెలలోనే మొత్తం 13,830 యూనిట్లు కొనుగోలుదారులకు డెలివరీ చేయడం విశేషం. అదే సమయంలో గత సంవత్సరం జనవరి 2025లో 6,669 యూనిట్లు మాత్రమే అమ్ముడయ్యాయి.

ఈ గణాంకాలను పరిశీలిస్తే, ఒక ఏడాదిలోనే అమ్మకాలు 107 శాతం పెరగడం గమనార్హం. ఇది సాధారణ వృద్ధి కాదు, వినియోగదారుల విశ్వాసాన్ని ప్రతిబింబించే గణాంకం. హీరో విడా ఈ స్థాయి వృద్ధిని సాధించడానికి అనేక కారణాలు ఉన్నాయి. అందులో ముఖ్యమైనది తక్కువ నిర్వహణ ఖర్చులు. ఎలక్ట్రిక్ స్కూటర్ కావడంతో ఇంధన ఖర్చులు లేకపోవడం, సర్వీసింగ్ ఖర్చులు కూడా పెట్రోల్ వాహనాలతో పోలిస్తే తక్కువగా ఉండడం వినియోగదారులకు పెద్ద ప్రయోజనం.

అదనంగా, సరసమైన ధరలో అందుబాటులో ఉండటం మధ్యతరగతి కుటుంబాలకు మరింత ఆకర్షణీయంగా మారుస్తోంది. దీనితో పాటు ఆధునిక డిజైన్, స్మార్ట్ ఫీచర్లు, నమ్మకమైన బ్యాటరీ పనితీరు వంటి అంశాలు కూడా కొనుగోలుదారులను ఆకHero Vida ప్రస్తుతం భారతీయ మార్కెట్లో రెండు ప్రధాన వేరియంట్లలో అందుబాటులో Vida V2, Vida VX2 ఉంది. ఇందులో ముఖ్యంగా Vida V2 మోడల్ వినియోగదారుల మధ్య మంచి ఆదరణ పొందుతోంది.

దీని ధర సుమారు రూ. 1.04 లక్షల నుంచి రూ. 1.20 లక్షల (ఎక్స్-షోరూమ్) మధ్య ఉంటుంది. ఈ ధర పరిధి చూస్తే, ఆధునిక ఫీచర్లతో కూడిన ఎలక్ట్రిక్ స్కూటర్ కోసం ఇది సరసమైన ఆప్షన్‌గా భావించవచ్చు. Vida V2 మోడల్‌ను కంపెనీ రెండు వేరియంట్లలో Vida V2 Plus, Vida V2 Pro అందిస్తోంది. ఈ రెండు వేరియంట్లు కూడా డిజైన్ పరంగా చాలా ఆకర్షణీయంగా ఉంటాయి.

Vida V2 Plus వేరియంట్‌లో 3.44 kWh బ్యాటరీ ప్యాక్ ఇవ్వబడింది. ఈ బ్యాటరీ పూర్తి ఛార్జ్‌పై సుమారు 143 కిలోమీటర్ల వరకు రేంజ్‌ను అందిస్తుంది. నగర ప్రయాణాలకు ఇది సరిపడే దూరం. గరిష్ట వేగం గంటకు 85 కిలోమీటర్ల వరకు ఉంటుంది, అందువల్ల ఇది రోజువారీ ఆఫీస్, కాలేజ్ ప్రయాణాలకు అనువుగా ఉంటుంది. మరోవైపు Vida V2 Pro శక్తివంతమైన 3.94 kWh బ్యాటరీ ప్యాక్‌ను కలిగి ఉంది.

ఇది పూర్తి ఛార్జ్‌పై సుమారు 165 కిలోమీటర్ల వరకు రేంజ్ ఇస్తుంది. గరిష్ట వేగం గంటకు 90 కిలోమీటర్ల వరకు ఉంటుంది. Hero Vida పరిధిలో అందుబాటులో ఉన్న మరో ముఖ్యమైన మోడల్ Vida VX2. ఈ ఎలక్ట్రిక్ స్కూటర్ ధర రూ. 73,850 నుండి రూ. 94,800 (ఎక్స్-షోరూమ్) మధ్య ఉంటుంది. ఈ మోడల్ ప్రత్యేకత ఏమిటంటే, ఇది *BAS (Battery-As-A-Service) పథకం కింద కూడా కొనుగోలు చేయవచ్చు.

ఈ స్కీమ్‌తో ధరను రూ. 44,990 వరకు తగ్గించుకోవచ్చు. Vida VX2 మోడల్ రెండు వేరియంట్లలో VX2 Go, VX2 Plus అందుబాటులో ఉంది. VX2 Go వేరియంట్ 2.2 kWh, 3.4 kWh బ్యాటరీ ప్యాక్ ఆప్షన్లతో లభిస్తుంది. పూర్తి ఛార్జ్‌పై 92 కిలోమీటర్ల నుండి 142 కిలోమీటర్ల వరకు రేంజ్ అందిస్తుంది. VX2 Plus వేరియంట్‌లో 3.4 kWh బ్యాటరీ ప్యాక్‌తో 142 కిలోమీటర్ల రేంజ్ ఇస్తుంది.