ప్రతిఒక్కరూ ఈ బైక్‌ను కళ్లు మూసుకుని కొనచ్చు.. రిపేర్లు చాలా తక్కువ! రూ.65 కి.మీ మైలేజ్

భారతీయ టూ-వీలర్ మార్కెట్లో విశ్వసనీయతకు మరో పేరుగా నిలిచిన హోండా షైన్ (Honda Shine), మధ్యతరగతి వినియోగదారుల హృదయాల్లో ప్రత్యేక స్థానం సంపాదించుకుంది. రోజువారీ ప్రయాణాలకు సరైన ఎంపికగా నిలిచే ఈ బైక్, సింపుల్ డిజైన్, తక్కువ నిర్వహణ ఖర్చులు, అలాగే హోండా ఇంజిన్‌పై ఉన్న నమ్మకం కలిసొచ్చి దీన్ని సంవత్సరాలుగా ఒక స్థిరమైన సక్సెస్ మోడల్‌గా నిలబెట్టాయి. ముఖ్యంగా ఆఫీస్ వెళ్లే ఉద్యోగులు, డైలీ కమ్యూటర్స్, మంచి మైలేజ్ కోరుకునే వారికి షైన్ ఎప్పటికీ ఫేవరెట్‌గా ఉంటుంది. ఇటీవల విడుదలైన సేల్స్ గణాంకాలు కూడా ఈ బైక్ మార్కెట్లో ఎంత బలంగా కొనసాగుతోందో స్పష్టంగా తెలియజేస్తున్నాయి. 2026 మార్చి నెలలో హోండా షైన్ మొత్తం 1,73,098 యూనిట్ల అమ్మకాలను నమోదు చేసింది.

ఇది సాధారణ సంఖ్య కాదు, ఈ సెగ్మెంట్‌లోని పోటీని దృష్టిలో పెట్టుకుంటే ఇది గొప్ప ప్రదర్శనగా చెప్పాలి. గత ఏడాది ఇదే కాలంలో, అంటే 2025 మార్చిలో ఈ బైక్ 1,51,142 యూనిట్ల అమ్మకాలతో నిలిచింది. ఈ రెండు గణాంకాలను పోల్చితే, ఈసారి అదనంగా 21,956 యూనిట్లు ఎక్కువగా అమ్ముడవడం గమనార్హం. శాతం పరంగా చూస్తే, ఇది దాదాపు 14.53 శాతం వృద్ధిని సూచిస్తోంది.

ఆటోమొబైల్ రంగంలో, ముఖ్యంగా మాస్ సెగ్మెంట్ బైక్‌లలో ఇలాంటి స్థిరమైన, గణనీయమైన వృద్ధి నమోదు చేయడం, ఆ మోడల్‌పై వినియోగదారుల నమ్మకం ఇంకా ఎంత బలంగా ఉందో చూపిస్తోంది. ఈ పెరుగుదల వెనుక ఉన్న కారణాలు కూడా స్పష్టంగా కనిపిస్తున్నాయి. పెరుగుతున్న ఇంధన ధరల నేపథ్యంలో, ఎక్కువ మైలేజ్ ఇచ్చే బైక్‌ల వైపు వినియోగదారులు మొగ్గు చూపుతున్నారు. అలాంటి పరిస్థితుల్లో షైన్ తన ఎఫిషియెన్సీతో వినియోగదారులను ఆకట్టుకుంటోంది.

హోండా షైన్ సిరీస్ ఇప్పుడు ఒక్క మోడల్‌కే పరిమితం కాకుండా, వేర్వేరు అవసరాలకు సరిపోయేలా మూడు ప్రధాన వేరియంట్లలో అందుబాటులో ఉండటం దీని పెద్ద బలం. నగరాల్లో రోజువారీ ప్రయాణాలు చేసే వారికి నుంచి, కొంచెం ఎక్కువ పనితీరు కోరుకునే రైడర్ల వరకు అందరికీ సరిపడే ఆప్షన్‌ను హోండా అందిస్తోంది. ఇది షైన్ 100, షైన్ 100 DX వేరియంట్, షైన్ 125‌లలో కొనుగోలు చేయడానికి లభిస్తుంది.

ఎంట్రీ లెవల్‌గా నిలిచే హోండా షైన్ 100, తక్కువ ధరలో మంచి మైలేజ్ ఇచ్చే బైక్ కోసం చూస్తున్న వారికి సరైన ఎంపికగా ఉంటుంది. రూ. 65,561 ఎక్స్-షోరూమ్ ధరతో ప్రారంభమయ్యే ఈ మోడల్, ఆన్-రోడ్ ధర దాదాపు రూ. 80,000 వరకు ఉంటుంది. ఇందులో 98.98cc ఎయిర్-కూల్డ్, సింగిల్ సిలిండర్ ఇంజిన్ అమర్చబడింది. 7.38 bhp పవర్, 8.05 Nm టార్క్‌తో స్మూత్ రైడింగ్ అనుభవాన్ని ఇస్తుంది.

ఇది లీటరుకు 65 కి.మీ వరకు ఇస్తుందని కంపెనీ చెబుతోంది. 9 లీటర్ల ఫ్యూయల్ ట్యాంక్ కారణంగా ఒక్కసారి ఫుల్ ట్యాంక్ చేస్తే దాదాపు 585 కి.మీ వరకు ప్రయాణించవచ్చు. ఇక షైన్ 100 DX వేరియంట్ విషయానికి వస్తే, అదే బేస్ మోడల్‌కు అప్‌గ్రేడ్ వెర్షన్‌గా చెప్పొచ్చు. రూ. 69,694 ఎక్స్-షోరూమ్ ధరతో లభించే ఈ బైక్, అదే 98.98cc ఇంజిన్‌తో పాటు 4-స్పీడ్ గేర్‌బాక్స్‌ను కలిగి ఉంటుంది.

మైలేజ్ పరంగా కూడా దాదాపు 65 kmpl వరకు ఇస్తుంది. ఈ సిరీస్‌లో అత్యంత శక్తివంతమైన వేరియంట్ హోండా షైన్ 125. రూ. 82,898 ఎక్స్-షోరూమ్ ధరతో లభించే ఈ మోడల్, 123.94cc సింగిల్ సిలిండర్ ఇంజిన్‌తో వస్తుంది. 5-స్పీడ్ గేర్‌బాక్స్‌తో కూడిన ఈ బైక్, మిగతా వేరియంట్లతో పోలిస్తే మెరుగైన పనితీరును అందిస్తుంది. మైలేజ్ సుమారు 55 కి.మీ/లీటర్ వరకు ఇస్తుంది.