గరీబోళ్ల బండి.. రూ.66 వేలకే, 90 కి.మీ మైలేజ్! కష్టం చేసే చేతులకు తోడు నిలుస్తుంది!

నగరాల రద్దీ రోడ్లలోనూ, చిన్న పట్టణాల వీధుల్లోనూ, గ్రామీణ ప్రాంతాల దూళి దారుల్లోనూ ఒకేలా కనిపించే బైక్ గురించి మాట్లాడితే చాలా మందికి వెంటనే గుర్తుకు వచ్చేది బజాజ్ ప్లాటినా (Bajaj Platina). సంవత్సరాలుగా సాధారణ ప్రజల అవసరాలను అర్థం చేసుకుని రూపొందించబడిన ఈ బైక్, "తక్కువ ఖర్చుతో ఎక్కువ ప్రయోజనం" అనే మాటకు నిజమైన ఉదాహరణగా నిలిచింది. ఉద్యోగాలకు వెళ్లే వారు, చిన్న వ్యాపారాలు చేసుకునే వారు, రోజూ దూర ప్రయాణాలు చేసే గ్రామీణ ప్రాంతాల ప్రజలు ఇలా విభిన్న వర్గాల జీవితాల్లో ఈ బైక్ ఒక భాగంగా మారిపోయింది. ఈ బైక్‌పై ప్రజలు చూపుతున్న నమ్మకం ఇప్పటికీ తగ్గలేదని తాజా అమ్మకాల గణాంకాలు చెబుతున్నాయి. 2026 మార్చి నెలలో బజాజ్ ప్లాటినా మొత్తం 32,822 యూనిట్లు అమ్ముడవడం గమనార్హం.

ఇదే సమయంలో గత ఏడాది, అంటే 2025 మార్చిలో, ఈ సంఖ్య 30,620 యూనిట్లుగా ఉండేది. ఈ రెండు లెక్కల మధ్య తేడా చూస్తే, అదనంగా 2,202 యూనిట్లు విక్రయించడం ద్వారా సుమారు 7.19 శాతం వృద్ధిని నమోదు చేసింది. ఇది ఈ బైక్‌పై ప్రజల విశ్వాసానికి నిదర్శనం. మైలేజ్ విషయంలో అందించే నమ్మకం, నిర్వహణలో తక్కువ ఖర్చు, ఉపయోగకరమైన డిజైన్ కలిసి ప్లాటినాను ఇంకా మార్కెట్‌లో బలంగా నిలబెడుతున్నాయి.

పోటీ పెరుగుతున్నా, కొత్త మోడళ్లు వస్తున్నా, సాధారణ వినియోగదారుడు కోరుకునే ప్రధాన లక్షణాలు ఇవే కావడంతో, ఈ బైక్‌కు డిమాండ్ తగ్గేలా కనిపించడం లేదు. భారత మార్కెట్‌లో బజాజ్ ప్లాటినా బైక్ రెండు ప్రధాన వేరియంట్లలో 100, 110లలో అందుబాటులో ఉంది. వీటిలో ముఖ్యంగా ప్లాటినా 100 మోడల్, "తక్కువ ధరలో ఎక్కువ ప్రయోజనం" కోరుకునే వినియోగదారులకు ఒక బెస్ట్ ఆప్షన్‌గా నిలిచింది.

సుమారు రూ. 66,015 (ఎక్స్-షోరూమ్) ధరతో లభించే ఈ బైక్, బడ్జెట్ ఫ్రెండ్లీగా ఉండటమే కాకుండా, డిజైన్ పరంగా కూడా ఆకర్షణీయంగా ఉంటుంది. ఈ బైక్‌ను ఒకసారి చూసినవారికి ముందుభాగంలో ఉన్న స్టైలిష్ హెడ్‌ల్యాంప్, LED DRLలు, అలాగే క్లియర్ టెయిల్ ల్యాంప్ డిజైన్ వెంటనే ఆకట్టుకుంటాయి. సాధారణ కమ్యూటర్ బైక్ అయినప్పటికీ, ఆధునిక టచ్‌ను కలిపి డిజైన్ చేయడం వల్ల ఇది రోడ్డుపై కాస్త ప్రత్యేకంగా కనిపిస్తుంది.

పనితీరు విషయానికి వస్తే, ప్లాటినా 100లో 102 సిసి పెట్రోల్ ఇంజిన్ ఉంటుంది. ఇది 4-స్పీడ్ గేర్‌బాక్స్‌తో జతచేయబడుతూ, రోజువారీ ప్రయాణాలకు స్మూత్, సులభమైన రైడింగ్ అనుభూతిని ఇస్తుంది. నగరాల్లో ట్రాఫిక్ మధ్యనైనా, గ్రామీణ రోడ్లపై అయినా, ఈ బైక్ సౌకర్యంగా నడిచేలా రూపొందించబడింది. ఇక మైలేజీ విషయానికి వస్తే, ఇదే ఈ బైక్‌కు అసలు హైలైట్. లీటర్‌కు సుమారు 75 నుంచి 90 కిలోమీటర్ల వరకు మైలేజ్ ఇవ్వగలగదు.

ఇక Bajaj Platina 110 మోడల్ విషయానికి వస్తే, ఇది కొంచెం ఎక్కువ సామర్థ్యం, అలాగే కొంత ప్రీమియం టచ్ కోరుకునే వారికి సరైన ఎంపికగా నిలుస్తోంది. సుమారు రూ. 71,558 (ఎక్స్-షోరూమ్) ధరతో లభించే ఈ వేరియంట్, కమ్యూటర్ సెగ్మెంట్‌లో మంచి వాల్యూ అందిస్తుంది. డిజైన్ పరంగా చూస్తే, ఈ మోడల్ కూడా ఆకర్షణీయంగా ఉంటుంది.

ఇందులో LED హెడ్‌ల్యాంప్, LED DRLలు, అలాగే స్టైలిష్ LED టెయిల్ ల్యాంప్‌లు ఉన్నాయి. ఇంజిన్ విషయానికి వస్తే, ఇందులో 115.45 సిసి పెట్రోల్ ఇంజిన్ అమర్చబడి ఉంటుంది. ఇది 4-స్పీడ్ గేర్‌బాక్స్‌తో జతచేయబడుతూ, రోజువారీ ప్రయాణాల్లో స్మూత్, స్థిరమైన పనితీరును అందిస్తుంది. నగర ట్రాఫిక్‌లోనూ, గ్రామీణ రోడ్లపైనా సులభంగా నడిపించగలిగేలా ఈ బైక్‌ను రూపొందించారు. మైలేజీ పరంగా చూస్తే, లీటర్‌కు సుమారు 70 కిలోమీటర్ల వరకు అందిస్తుంది.