లైసెన్స్ అక్కర్లేదు.. రిజిస్ట్రేషన్ టెన్షన్ లేదు.. కేవలం స్మార్ట్ ఫోన్ ధరకే అదిరిపోయే ఎలక్ట్రిక్ స్కూటర్లు

భారత ఆటోమొబైల్ మార్కెట్లో ఎలక్ట్రిక్ వాహనాల (EV) హవా కొనసాగుతోంది. ముఖ్యంగా తక్కువ ధరలో ఎక్కువ రేంజ్ ఇచ్చే ఈ-స్కూటర్లను కొనుగోలు చేయడానికి కస్టమర్లు ఆసక్తి చూపిస్తున్నారు. పెట్రోల్ స్కూటర్ల ధరలు లక్ష దాటిపోవడంతో, దైనందిన అవసరాల కోసం లో స్పీడ్ ఎలక్ట్రిక్ స్కూటర్లు బెస్ట్ ఆల్టర్నేటివ్‎గా మారాయి. మోటార్ వెహికల్ యాక్ట్ 1988 నిబంధనల ప్రకారం, 25కిమీ లోపు టాప్ స్పీడ్ ఉన్న వాహనాలకు ఎలాంటి ప్రభుత్వ పర్మిషన్లు, లైసెన్సులు అవసరం లేదు. అలాంటి టాప్ 5 స్కూటర్ల వివరాలు తెలుసుకుందాం.

ఆంపియర్ రియో ఎలైట్ (Ampere Reo Elite)
ప్రముఖ ఈవీ తయారీ సంస్థ ఆంపియర్ నుంచి వచ్చిన ఈ బేసిక్ మోడల్ సుమారు రూ.42,999 ప్రారంభ ధరలో అందుబాటులో ఉంది. ఇందులో 250W BLDC హబ్ మోటార్‌ను అమర్చారు. దీని టాప్ స్పీడు గంటకు 25 కిలోమీటర్లుగా ఉంటుంది.

ఈ స్కూటర్‌ను ఒక్కసారి పూర్తిగా ఛార్జ్ చేస్తే దాదాపు 55 నుంచి 60 కిలోమీటర్ల దూరం ప్రయాణించవచ్చు. బ్యాటరీ ఫుల్ ఛార్జ్ అవ్వడానికి 5 నుంచి 6 గంటల సమయం పడుతుంది. కంపెనీ దీని బ్యాటరీపై 2 సంవత్సరాల వారంటీని ఇస్తోంది. ఇందులో డిజిటల్ స్పీడోమీటర్, ప్యాసింజర్ ఫుట్‌రెస్ట్, మొబైల్ ఛార్జింగ్ పోర్ట్ వంటి ప్రాథమిక ఫీచర్లు ఉన్నాయి.

ఒకినావా ఆర్30 (Okinawa R30)
మార్కెట్లో మంచి గుర్తింపు తెచ్చుకున్న మరో బడ్జెట్ స్కూటర్ ఒకినావా ఆర్30. దీని ధర భారత మార్కెట్లో సుమారు రూ.58,992గా ఉంది. ఇందులో కూడా 250W కెపాసిటీ గల పవర్‌ఫుల్ BLDC మోటార్ లభిస్తుంది. దీని టాప్ స్పీడ్ కూడా గంటకు 25 కిమీ మాత్రమే.

ఈ స్కూటర్ సింగిల్ ఛార్జ్‌పై సుమారు 60 కిలోమీటర్ల రేంజ్ ఇస్తుంది. కేవలం 4 నుంచి 5 గంటల్లోనే దీని బ్యాటరీ పూర్తిగా ఛార్జ్ అవుతుంది. ఈ వాహనంలో ఎల్‌ఈడీ (LED) లైట్లు, డీఆర్‌ఎల్ (DRL) స్ట్రిప్స్, దొంగతనం జరగకుండా యాంటీ-థెఫ్ట్ అలారమ్, సెంట్రల్ లాకింగ్ సిస్టమ్ వంటి అడ్వాన్స్‌డ్ ఫీచర్లు ఉండటం విశేషం.

లోహియా ఓమా స్టార్ (Lohia Oma Star)
అత్యంత తక్కువ బడ్జెట్ లో స్కూటర్ కావాలనుకునే వారికి లోహియా ఓమా స్టార్ ఒక మంచి ఆప్షన్. ఈ మోడల్ ప్రారంభ ధర మార్కెట్లో కేవలం రూ.40,850 గా ఉంది. ఇందులో 250W మోటార్‌ను ఉపయోగించారు. ఇది ఒకసారి ఛార్జ్ చేస్తే ఏకంగా 70 కిలోమీటర్ల వరకు ప్రయాణించే రేంజ్ ని ఇవ్వగలదు.

దీని బ్యాటరీ ఛార్జింగ్ సమయం దాదాపు 4.5 నుంచి 5 గంటలు పడుతుంది. నిత్యం కూరగాయలు, చిన్నపాటి సరుకులు తేవడానికి వీలుగా ఇందులో బేసిక్ లైటింగ్, టర్న్ ఇండికేటర్లు, బ్యాటరీ ఎంత ఉందో తెలిపే ఇండికేటర్ వంటి అవసరమైన ఫీచర్లు ఇచ్చారు.

కోమాకి ఎక్స్‌జిటి కేఎం (Komaki XGT KM)
ఈ లైనప్‌లోనే అత్యధిక మైలేజ్ ఇచ్చే వినూత్న మోడల్ కోమాకి ఎక్స్‌జిటి కేఎమ్. ఈ స్కూటర్ ధర సుమారు రూ.42,500గా ఉంది. మిగిలిన మోడళ్లతో పోలిస్తే ఇది కొంచెం భిన్నంగా, ఎక్కువ పవర్‌ఫుల్ బ్యాటరీ సెటప్‌తో వస్తుంది.

దీనివల్ల ఈ స్కూటర్ సింగిల్ ఛార్జ్‌పై ఏకంగా 130 నుంచి 150 కిలోమీటర్ల మైండ్ బ్లోయింగ్ రేంజ్ ఇస్తుంది. లాంగ్ రైడ్స్ వెళ్లే వారికి ఇది బెస్ట్ ఛాయిస్. ఇందులో ఎల్‌ఈడీ లైటింగ్ సిస్టమ్, మెరుగైన బ్రేకింగ్ కోసం డిస్క్ బ్రేకులు, పంచర్ల భయం లేని ట్యూబ్‌లెస్ టైర్లు వంటి స్పెషల్ ఫీచర్లు ఉన్నాయి.

ఆంపియర్ రియో ఎలైట్ - కొత్త వేరియంట్ (Ampere Reo Elite Variant)
కస్టమర్ల డిమాండ్‌ను బట్టి ఆంపియర్ కంపెనీ ఇందులో మరొక సరికొత్త వెర్షన్‌ను కూడా విక్రయిస్తోంది. దీని ధర మార్కెట్లో సుమారు రూ.44,000గా ఉంది. ఇందులో కూడా 250W మోటార్, గంటకు 25 కిలోమీటర్ల టాప్ స్పీడ్ లభిస్తుంది.

ఇది సింగిల్ ఛార్జ్‌పై 60 కిలోమీటర్ల స్థిరమైన రేంజ్ ఇస్తుంది. అయితే ఈ వేరియంట్ ప్రత్యేకత ఏంటంటే, ఇది కేవలం 3 నుంచి 4 గంటల్లోనే సూపర్ ఫాస్ట్‌గా ఛార్జ్ అయిపోతుంది. సేఫ్టీ కోసం ఇందులో యాంటీ-థెఫ్ట్ అలారమ్, మెరుగైన సేఫ్టీ ఫీచర్లను జోడించారు.