అతి తక్కువలో కొత్త స్పోర్టీ EV బైక్ లాంచ్.. ఒకే ఛార్జ్‌తో 180 కి.మీ.. ఇది కొంటే పెట్రోల్ బంక్ వైపు చూడరు

భారతదేశంలో వేగంగా విస్తరిస్తున్న ఎలక్ట్రిక్ ద్విచక్ర వాహన మార్కెట్లో మరో కొత్త ఆకర్షణగా ఓబెన్ ఎలక్ట్రిక్ (Oben Electric) తన తాజా మోడల్‌ను ప్రవేశపెట్టింది. ఓబెన్ రోర్ ఇవో (Oben Rorr Evo) పేరుతో వచ్చిన ఈ ఎలక్ట్రిక్ మోటార్‌సైకిల్, స్టైలిష్ డిజైన్‌తో పాటు అందుబాటు ధరలో అందించడం ద్వారా వినియోగదారుల దృష్టిని ఆకర్షిస్తోంది. ఈ బైక్‌ను కంపెనీ రూ.1.25 లక్షల (ఎక్స్-షోరూమ్) ధరకు మార్కెట్లో విడుదల చేసినప్పటికీ, ప్రారంభ ఆఫర్‌గా మొదటి 10,000 మంది కస్టమర్లకు కేవలం రూ.1 లక్షకే అందించనున్నట్లు ప్రకటించడం మరింత ఆసక్తిని పెంచింది. ఈ ధరలో ఒక స్పోర్టీ లుక్‌తో కూడిన ఎలక్ట్రిక్ బైక్ అందుబాటులోకి రావడం, ముఖ్యంగా యువత మరియు రోజువారీ ప్రయాణం కోసం తక్కువ ఖర్చుతో మంచి ఆప్షన్ కోరుకునే వారికి పెద్ద ప్లస్‌గా మారుతోంది.

డిజైన్ పరంగా చూస్తే, ఈ మోడల్ స్పోర్టీ అప్పీల్‌తో రూపొందించబడింది. అయితే కేవలం లుక్‌కే పరిమితం కాకుండా, రోజువారీ ఉపయోగాన్ని దృష్టిలో పెట్టుకుని ప్రాక్టికాలిటీపై కూడా దృష్టి పెట్టినట్లు కనిపిస్తోంది. నగర ప్రయాణాలకు అనువుగా ఉండే రేంజ్, సౌకర్యవంతమైన రైడింగ్ అనుభవం కలిపి ఇది ఒక సమతుల్య ఎలక్ట్రిక్ మోటార్‌సైకిల్‌గా నిలుస్తోంది. పెట్రోల్ ధరలతో భాదపడేవారు ఈ బైకును కొనుగోలు చేయవచ్చు. ఆసక్తి ఉన్నవారు రూ. 777కే బుక్ చేసుకోవచ్చు.

డిజైన్ పరంగా చూస్తే, ఓబెన్ రోర్ ఇవో ఒక సింపుల్ కానీ బలమైన ప్రెజెన్స్‌ను ఇస్తుంది. దృఢమైన బాడీవర్క్ కారణంగా ఇది రోడ్డు మీద స్ట్రాంగ్ లుక్‌ను కలిగి ఉండగా, ముందుభాగంలో ఉన్న ప్రొజెక్టర్ హెడ్‌ల్యాంప్, ప్రత్యేకంగా డిజైన్ చేసిన ఫ్రంట్ లైట్ ఈ బైక్‌కు మోడర్న్ టచ్‌ను ఇస్తాయి. మొత్తం డిజైన్‌లో స్పోర్టీ ఫీల్ ఉన్నప్పటికీ, రోజువారీ వినియోగానికి అనువుగా ఉండే ప్రాక్టికల్ స్టైల్‌ను కూడా సమతుల్యం చేశారు.

రంగుల ఎంపిక విషయంలో వినియోగదారులను ఆకట్టుకునేలా ప్లాన్ చేసింది. పల్స్ రెడ్, న్యూట్రాన్ బ్లూ, మాగ్నెటిక్ బ్లాక్, ఫోటాన్ వైట్ వంటి నాలుగు ఆకర్షణీయమైన కలర్ ఆప్షన్‌లు ఈ బైక్‌ను మరింత స్టైలిష్‌గా చూపిస్తాయి. ముఖ్యంగా యువతకు నచ్చే విధంగా, అలాగే కొత్తగా బైక్ ఉపయోగించే వారికీ సులభంగా హ్యాండిల్ చేయగలిగేలా దీని రూపకల్పన చేశారు. సాంకేతికంగా కూడా ఈ ఎలక్ట్రిక్ మోటార్‌సైకిల్ మంచి పనితీరును అందించడానికి సిద్ధంగా ఉంది.

శక్తిని అందించేది 3.4 kWh LFP బ్యాటరీ. 9kW ఎలక్ట్రిక్ మోటార్‌తో పనిచేసే ఇది, సింగిల్-స్టేజ్ చైన్ డ్రైవ్ సిస్టమ్‌ను ఉపయోగిస్తుంది. వేగం పరంగా చూస్తే, కేవలం మూడు సెకన్లలోనే 0 నుంచి 40 km/h వేగాన్ని అందుకోవడం దీని యాక్సిలరేషన్ సామర్థ్యాన్ని చూపిస్తుంది. గరిష్టంగా గంటకు 110 కిలోమీటర్ల వేగాన్ని అందించగలగలదు. సింగిల్ ఛార్జ్‌తో 180 కి.మీ వరకు ప్రయాణించగలదు.

టెక్నాలజీ పరంగా అడ్వాన్స్‌డ్ ఫీచర్లను అందించింది. ముఖ్యంగా ఫాస్ట్ ఛార్జింగ్ సపోర్ట్ ఉండటం పెద్ద ప్లస్ పాయింట్‌. కంపెనీ అందించే ఫాస్ట్ ఛార్జర్‌తో కేవలం 90 నిమిషాల్లోనే బ్యాటరీని 0 నుంచి 80 శాతం వరకు ఛార్జ్ చేసుకోవచ్చు. ఇది రోజువారీ వినియోగంలో టైమ్ సేవ్ చేయడంలో కీలక పాత్ర పోషిస్తుంది. ఇక స్మార్ట్ ఫీచర్ల విషయానికి వస్తే, 5-అంగుళాల TFT డిస్‌ప్లే ఈ బైక్‌లో ప్రధాన ఆకర్షణగా నిలుస్తోంది.

ఇది స్మార్ట్‌ఫోన్ కనెక్టివిటీ, నావిగేషన్, రైడ్ డేటా, అలాగే కాల్, మెసేజ్ అలర్ట్‌లను చూపించగలదు. దీంతో రైడింగ్ అనుభవం మరింత ఆధునికంగా, కనెక్టెడ్‌గా మారుతుంది. ఇంకా ప్రత్యేకంగా చెప్పుకోవాల్సింది 'స్మార్ట్‌ఐక్యూ' అనే AI ఆధారిత రైడ్ మోడ్. ఇది రైడర్ డ్రైవింగ్ ప్యాటర్న్‌ను విశ్లేషించి, రేంజ్‌ను సుమారు 15 శాతం వరకు మెరుగుపరచడంలో సహాయపడుతుంది. అంటే, ఒకే ఛార్జ్‌పై మరింత దూరం ప్రయాణించే అవకాశం లభిస్తుంది.

భద్రత విషయంలో కూడా కంపెనీ ఎలాంటి రాజీ పడలేదు. ఫాల్ డిటెక్షన్ వంటి ఫీచర్ ఈ బైక్‌లో ఉండటం వల్ల ప్రమాదం జరిగితే వెంటనే గుర్తించి అత్యవసర సందేశం పంపగలదు. అదనంగా యూనిఫైడ్ బ్రేక్ అసిస్ట్, డ్రైవర్ అలర్ట్ సిస్టమ్, జియో-ఫెన్సింగ్ వంటి సదుపాయాలు కూడా రైడర్ సేఫ్టీని మరింత బలోపేతం చేస్తాయి. మొత్తం మీద చూస్తే ఈ మోడల్‌లో ఆధునిక టెక్నాలజీ, స్మార్ట్ ఫీచర్లు, భద్రత ఉన్నాయి.