సంక్రాంతి స్పెషల్.. ఓలా అదిరిపోయే ఆఫర్.. స్కూటర్ పై లక్ష రూపాయల తగ్గింపు!

ఓలా ఎలక్ట్రిక్ సంస్థ మధ్యతరగతి ప్రజలకు, ఎలక్ట్రిక్ వాహన ప్రియులకు ఊహించని బంపర్ ఆఫర్ ప్రకటించింది. 2026 నూతన సంవత్సర కానుకగా తన పాపులర్ ఎలక్ట్రిక్ వాహనాలపై ముహూర్త మహోత్సవం(Muhurat Mahotsav) పేరుతో భారీ తగ్గింపులను ప్రకటించింది. ఈ ఆఫర్ ద్వారా దాదాపు లక్ష రూపాయల వరకు ప్రయోజనం పొందే అవకాశం ఉంది.

భారతదేశంలో ఎలక్ట్రిక్ విప్లవాన్ని వేగవంతం చేస్తున్న ఓలా ఎలక్ట్రిక్, జనవరి 14, 2026 నుండి తన ప్రత్యేక విక్రయాలను ప్రారంభించింది. ముఖ్యంగా కంపెనీ సొంతంగా తయారుచేసిన 4680 భారత్ సెల్ (Bharat Cell) సాంకేతికత కలిగిన ఎస్1 పురో+ (S1 Pro+), రోడ్‌స్టర్ ఎక్స్+ (Roadster X+) మోడళ్లపై ఈ ఆఫర్లు లభిస్తున్నాయి.

ఈ సరికొత్త సెల్ టెక్నాలజీ వల్ల బ్యాటరీ సామర్థ్యం పెరగడమే కాకుండా, కారు రేంజ్ కూడా గణనీయంగా పెరిగింది. అయితే ఈ ఆఫర్లను పొందాలంటే కస్టమర్లు నేరుగా ఓలా ఎక్స్‌పీరియన్స్ సెంటర్‌లకు (షోరూమ్‌ లకు) వెళ్లాల్సి ఉంటుంది. ఆన్‌లైన్ కొనుగోలుదారులకు ఈ లక్ష రూపాయల భారీ తగ్గింపు వర్తించదు.

ఓలా ప్రకటించిన ఈ ఆఫర్లు బ్యాటరీ సామర్థ్యంపై ఆధారపడి ఉంటాయి. 1.5 kWh బ్యాటరీ ఉన్న వాహనాలపై రూ. 10,000 తగ్గింపు ఉండగా, 5.2 kWh సామర్థ్యం ఉన్న ఎస్1 పురో+ మోడల్‌పై రూ. 49,999 వరకు ఆదా చేసుకోవచ్చు. ఇక అత్యధికంగా 9.1 kWh బ్యాటరీ ప్యాక్ కలిగిన వాహనాలపై ఏకంగా రూ. 99,999 (సుమారు లక్ష) వరకు బెనిఫిట్స్ లభిస్తున్నాయి.

ఈ ఆఫర్ వల్ల ప్రీమియం ఎలక్ట్రిక్ వాహనాల ధరలు దాదాపు సగానికి తగ్గినట్లు కనిపిస్తోంది. ప్రస్తుతం S1 Pro+ ధర రూ. 1.39 లక్షల నుండి ప్రారంభమవుతుండగా, Roadster X+ (9.1 kWh) ధర రూ. 1.49 లక్షల వరకు ఉంది (షోరూమ్ ధరలు).

కొత్తగా కారు కొనేవారే కాకుండా, పాత వాహనాలు ఉన్నవారికి కూడా ఓలా బంపర్ ఆఫర్ ఇచ్చింది. ఒకవేళ మీరు పాత ఓలా స్కూటర్‌ను ఎక్స్ఛేంజ్ చేసి కొత్త 4680 భారత్ సెల్ వాహనాన్ని తీసుకుంటే, మీకు రూ. 20,000 ప్రత్యేక అప్‌గ్రేడ్ బోనస్ లభిస్తుంది.

అలాగే సాధారణ పెట్రోల్ వాహనాలను (ICE) ఎక్స్ఛేంజ్ చేసేవారికి రూ. 15,000 వరకు ఎక్స్ఛేంజ్ బోనస్ ఇస్తున్నారు. దీనివల్ల పెట్రోల్ ఖర్చుల నుండి విముక్తి పొందాలనుకునే వారికి ఇది ఒక సువర్ణ అవకాశం. ఓలా ప్రగల్భాలు పలుకుతున్న భారత్ సెల్ (4680) సాధారణ సెల్స్ కంటే పెద్దవి, ఎక్కువ శక్తిని నిల్వ చేయగలవు.

దీనివల్ల ఒక్కసారి ఛార్జ్ చేస్తే S1 Pro+ మోడల్ సుమారు 320 కిలోమీటర్లు (IDC రేంజ్) ప్రయాణించగలదు. కేవలం 2.1 సెకన్లలోనే 0 నుండి 40 కి మీ వేగాన్ని అందుకునే ఈ వాహనాలు అద్భుతమైన పర్ఫార్మెన్స్‌ను ఇస్తాయి. తమిళనాడులోని ఓలా గిగాఫ్యాక్టరీలో తయారవుతున్న ఈ సెల్స్ వల్ల దిగుమతి ఖర్చులు తగ్గి, వాహనాల ధరలను సామాన్యులకు అందుబాటులోకి తీసుకురాగలిగామని సంస్థ ప్రతినిధులు పేర్కొంటున్నారు.