ఏంది సామీ ఈ రేంజ్? గల్లీలో తిరిగేవాడు నెలకోసారి ఛార్జింగ్ పెడితే చాలు..ఏకంగా 400 కిలోమీటర్లట

ఎలక్ట్రిక్ టూవీలర్ కొనాలనుకునే వారికి, ముఖ్యంగా రేంజ్ విషయంలో టెన్షన్ పడేవారికి ఒక అదిరిపోయే గుడ్‎న్యూస్. బెంగళూరుకు చెందిన ప్రముఖ ఈవీ స్టార్టప్ సింపుల్ ఎనర్జీ(Simple Energy), మార్కెట్లోకి తన ఫ్లాగ్‌షిప్ మోడల్ సింపుల్ అల్ట్రా(Simple Ultra)ను లాంచ్ చేసింది. ఈ స్కూటర్ రేంజ్ వింటే పెట్రోల్ బండ్ల యజమానుల గుండెల్లో రైళ్లు పరిగెత్తడం ఖాయం. ఒక్కసారి ఛార్జ్ చేస్తే చాలు.. మీరు ఊహించని దూరం ప్రయాణించవచ్చు.

ఎలక్ట్రిక్ స్కూటర్ అనగానే అందరికీ గుర్తొచ్చే మొదటి సమస్య..మధ్యలో ఛార్జింగ్ అయిపోతే పరిస్థితి ఏంటి?. ఈ టెన్షన్‌కు చెక్ పెడుతూ సింపుల్ ఎనర్జీ ఈ అల్ట్రా మోడల్‌ను రూపొందించింది. ఇది ఒక్కసారి ఫుల్ ఛార్జ్ చేస్తే ఐడిసి (IDC) ప్రమాణాల ప్రకారం ఏకంగా 400 కిలోమీటర్ల మైలేజీని ఇస్తుంది.

అంటే మీరు హైదరాబాద్ నుంచి తిరుపతికి లేదా కోజికోడ్ నుంచి బెంగళూరుకు దాదాపుగా ఒక్క ఛార్జింగ్‌తోనే వెళ్ళిపోవచ్చు. ప్రస్తుతం భారతదేశంలోనే కాదు, ప్రపంచవ్యాప్తంగా ఏ ఎలక్ట్రిక్ స్కూటర్ కూడా ఈ స్థాయి రేంజ్‌ను ఆఫర్ చేయడం లేదు.

సింపుల్ అల్ట్రాలో 6 kWh సామర్థ్యం కలిగిన ఒక భారీ బ్యాటరీ ప్యాక్‌ను అమర్చారు. ఇంత పెద్ద బ్యాటరీ కలిగిన స్కూటర్ మరొకటి లేదు. కేవలం రేంజ్ మాత్రమే కాదు, పెర్ఫార్మెన్స్ విషయంలో కూడా ఇది నెక్స్ట్ లెవల్‌లో ఉంది. ఈ స్కూటర్ కేవలం 2.77 సెకన్లలోనే 0 నుంచి 40 కి.మీ వేగాన్ని అందుకుంటుంది.

ఇక దీని టాప్ స్పీడ్ గంటకు 115 కిలోమీటర్లు. హైవేలపై కూడా పెట్రోల్ బైకులతో పోటీ పడుతూ దూసుకెళ్లడానికి ఇది పక్కాగా సరిపోతుంది. డిజైన్ పరంగా చూస్తే ఇది చాలా షార్ప్‌గా, స్పోర్టీగా కనిపిస్తుంది. సింపుల్ వన్ మోడల్‌కు అప్‌గ్రేడెడ్ వెర్షన్‌లా అనిపించినా, అల్ట్రా కోసం ప్రత్యేకమైన రంగులు, కొత్త సీట్ కవర్లను కంపెనీ అందించింది.

ఇందులో అత్యాధునిక బ్యాటరీ మేనేజ్‌మెంట్ సిస్టమ్ (BMS), స్మార్ట్ కనెక్టివిటీ, ఇన్-బిల్ట్ నావిగేషన్ వంటి ఫీచర్లు ఉన్నాయి. అంటే మీరు రూట్ మ్యాప్ కోసం మొబైల్ ఫోన్‌ను పట్టుకోవాల్సిన అవసరం లేదు, స్కూటర్ స్క్రీన్ పైనే అన్నీ కనిపిస్తాయి. బ్యాటరీ, మోటార్‌పై కంపెనీ భారీ వారంటీని కూడా ఇస్తోంది.

ప్రస్తుతం ఈ స్కూటర్ బుకింగ్స్ ప్రారంభమయ్యాయి. దేశంలోని ప్రధాన నగరాల్లో త్వరలోనే టెస్ట్ డ్రైవ్‌లు అందుబాటులోకి రానున్నాయి. దీని ధర అధికారికంగా ప్రకటించనప్పటికీ, సుమారు రూ.1.90 లక్షల రేంజ్‌లో ఉండే అవకాశం ఉందని మార్కెట్ వర్గాలు చెబుతున్నాయి. ఓలా ఎస్1 ప్రో, ఏథర్ 450ఎక్స్ వంటి కార్లకు ఇది చుక్కలు చూపించడం ఖాయం. రేంజ్ విషయంలో రాజీ పడకూడదు అనుకునేవారికి సింపుల్ అల్ట్రా ఒక పర్ఫెక్ట్ ఛాయిస్.

ఎలక్ట్రిక్ వాహనాల రంగంలో ఇప్పటివరకు ఉన్న పాత రికార్డులను తుడిచేస్తూ, సింపుల్ అల్ట్రా ఒక కొత్త శకానికి నాంది పలికింది. ఒక్కసారి ఛార్జ్ చేస్తే 400 కిలోమీటర్లు ప్రయాణించడం అనేది కేవలం ఒక ఫీచర్ మాత్రమే కాదు, ఈవీ వినియోగదారుల అతిపెద్ద భయమైన రేంజ్ యాంగ్జైటీకి పర్మనెంట్ పరిష్కారం.

ప్రీమియం ఫీచర్లు, రాకెట్ లాంటి వేగం, భారీ బ్యాటరీ సామర్థ్యంతో వస్తున్న ఈ స్కూటర్.. మార్కెట్లో ఉన్న దిగ్గజ కంపెనీలకు నిద్ర లేకుండా చేయడం ఖాయం. పర్యావరణ హితంగా, జేబుకు భారంగా లేకుండా లాంగ్ జర్నీలు చేయాలనుకునే వారికి ఈ అల్ట్రా స్కూటర్ ఒక స్మార్ట్ ఛాయిస్!