ఈ బైక్ సౌండ్ వింటే ఆ కిక్కే వేరప్పా.. పర్స్ ఖాళీ అయినా పర్లేదు కొనాల్సిందే.. 200HP దాటిన టాప్ సూపర్ బైక్స్ ఇవే

స్పీడ్ అంటే ఇష్టమా? గాలిని చీల్చుకుంటూ దూసుకెళ్లే పవర్ ఫుల్ మెషీన్ల సౌండ్ వింటే మీకు పూనకాలు వస్తాయా? అయితే ఈ సూపర్ బైక్స్ మీ కోసమే. సాధారణ కార్ల కంటే ఎక్కువ శక్తిని (200 HP+) ఇచ్చే ఈ బైకులు ఇప్పుడు భారత మార్కెట్లో సంచలనం సృష్టిస్తున్నాయి. డుకాటి నుంచి బీఎండబ్ల్యూ వరకు.. రోడ్లపై రారాజుల్లా వెలిగిపోయే టాప్ 5 సూపర్ బైక్స్, వాటి ధరలు, ప్రత్యేకతల గురించి ఈ కథనంలో వివరంగా తెలుసుకుందాం.

1. డుకాటి పానిగాలే V4 :
సూపర్ బైక్ ప్రపంచంలో డుకాటి పేరు వింటేనే ఒక రాయల్ ఫీలింగ్ కలుగుతుంది. ముఖ్యంగా డుకాటి పానిగాలే V4 ఒక అద్భుతం అనే చెప్పాలి. ఇందులో 1,103 సీసీ స్ట్రాడేల్ ఫోర్-సిలిండర్ ఇంజన్ అమర్చారు. ఇది 216 హార్స్‌పవర్ శక్తిని, 120 ఎన్ఎం టార్క్ ప్రొడ్యూస్ చేస్తుంది. అంటే మీరు ఎక్సలరేటర్ ఇస్తే రెప్ప పాటులో కారు మేఘాల్లోకి దూసుకుపోతుంది. దీని ధర దాదాపు 32 లక్షల రూపాయల నుంచి మొదలవుతుంది. డిజైన్ పరంగా దీనికి సాటి వచ్చే బైక్ మరొకటి లేదనే చెప్పాలి.

2. అప్రిలియా RSV4:
మరొక ఇటాలియన్ దిగ్గజం అప్రిలియా నుంచి వచ్చిన RSV4 బైక్, రేసింగ్ లవర్స్‎కు ఫేవరెట్. దీని ధర 17.74 లక్షల రూపాయల (ఎక్స్-షోరూమ్) వద్ద కొంచెం తక్కువగా అనిపించినా, దీని పవర్ ఏ మాత్రం తక్కువ కాదు. 1099 సీసీ V4 ఇంజన్‌తో వచ్చే ఈ బైక్ 217 హార్స్‌పవర్ వరకు పవర్ ఇస్తుంది. దీని ఏరోడైనమిక్ డిజైన్ గాలిని చీల్చుకుంటూ వెళ్లడానికి సహకరిస్తుంది. ట్రాక్ మీద పర్ఫెక్ట్ కార్నరింగ్ కోసం ఈ బైక్‌ను మించింది మరొకటి లేదని రైడర్స్ చెబుతుంటారు.

3. బీఎండబ్ల్యూ S1000RR:
జర్మన్ ఇంజనీరింగ్ అద్భుతం బీఎండబ్ల్యూ S1000RR. ఈ బైక్ ప్రపంచంలోనే అత్యంత విజయవంతమైన సూపర్ బైకులలో ఒకటి. ఇందులో 999 సీసీ 4-సిలిండర్ ఇంజన్ ఉంది, ఇది 210 హార్స్‌పవర్ శక్తిని ఇస్తుంది. దీని టాప్ స్పీడ్ గంటకు 300 కిలోమీటర్ల కంటే ఎక్కువ. ఇందులో ఉండే అత్యాధునిక ఎలక్ట్రానిక్స్, రైడింగ్ మోడ్స్ డ్రైవర్‌కు కంప్లీట్ కంట్రోల్ అందిస్తుంది. దీని ధర 23.25 లక్షల రూపాయల నుంచి ప్రారంభమవుతుంది.

4. కవాసాకి నింజా H2 SX SE:
కవాసాకి నింజా అంటే తెలియని బైక్ లవర్స్ ఉండరంటే అతిశయోక్తి కాదు. కానీ నింజా H2 SX SE చాలా స్పెషల్. ఎందుకంటే ఇందులో సూపర్ ఛార్జర్ ఉంటుంది. 998 సీసీ ఇంజన్‌తో వచ్చే ఈ బైక్ 200 హార్స్‌పవర్ శక్తిని అలవోకగా ఇస్తుంది. లాంగ్ డిస్టెన్స్ టూరింగ్‌కు కూడా ఇది అనుకూలంగా ఉంటుంది. భారీ రూపం, అద్భుతమైన లైటింగ్, హై-టెక్ ఫీచర్లతో వచ్చే దీని ధర సుమారు 36.28 లక్షల రూపాయలు.

5. బీఎండబ్ల్యూ M1000RR:
బీఎండబ్ల్యూ లోని M బ్యాడ్జ్ అంటేనే పవర్‌కు నిదర్శనం. S1000RR కంటే పవర్‌ఫుల్ వెర్షన్ ఈ M1000RR. ఇది కార్బన్ ఫైబర్ బాడీతో చాలా తేలికగా ఉంటుంది. 999 సీసీ ఇంజన్‌తో 207 హార్స్‌పవర్ ఇచ్చే ఈ బైక్ ధర 33.50 లక్షల రూపాయల నుంచి మొదలవుతుంది. ప్రొఫెషనల్ రేసర్లు కావాలనుకునే వారికి ఇది బెస్ట్ ఛాయిస్. దీని డిజైన్, గ్రాఫిక్స్ ఎవరినైనా కట్టిపడేస్తాయి.