దీని మీద వీధిలో వెళ్తుంటే అమ్మాయిలు అలా చూస్తుండిపోవాల్సిందే..కుర్రకారంతా ఈ స్కూటరే కావాలని కోరుకుంటుంది

ప్రస్తుతం భారతీయ టూవీలర్ మార్కెట్లో జపనీస్ దిగ్గజం సుజుకి (Suzuki) హాట్ టాపిక్‌గా మారింది. ముఖ్యంగా ఆ కంపెనీ నుంచి వచ్చిన బర్గ్‌మన్ స్ట్రీట్ 125 (Burgman Street 125) స్కూటర్ అమ్మకాల్లో సరికొత్త రికార్డులను సృష్టిస్తోంది. సాధారణంగా 125సీసీ సెగ్మెంట్లో సుజుకి యాక్సెస్ (Access) రాజాలా ఏలుతుంటే, ఇప్పుడు దానికి తోడుగా మాక్సీ స్టైల్ బర్గ్‌మన్ కూడా రికార్డు స్థాయి వృద్ధిని నమోదు చేసింది. 2026 ఫిబ్రవరి నెల అమ్మకాల గణాంకాలు చూస్తే ఎవరైనా సరే ముక్కున వేలేసుకోవాల్సిందే. గతేడాదితో పోలిస్తే ఏకంగా 112 శాతానికి పైగా వృద్ధిని సాధించి, టాప్ 10 స్కూటర్ల జాబితాలో చోటు దక్కించుకుంది.

అమ్మకాల్లో అదిరిపోయే జంప్
సుజుకి మోటార్‌సైకిల్ ఇండియాకు 2026 ఫిబ్రవరి నెల కలిసివచ్చింది. గత నెలలో అత్యధికంగా అమ్ముడైన గేర్‌లెస్ స్కూటర్ల జాబితాలో సుజుకి బర్గ్‌మన్ స్ట్రీట్ 125 పదో స్థానాన్ని కైవసం చేసుకుంది. ఫిబ్రవరి 2026లో ఏకంగా 23,366 యూనిట్లను విక్రయించి ఈ ఘనత సాధించింది. సరిగ్గా ఏడాది క్రితం.. అంటే ఫిబ్రవరి 2025లో ఈ సంఖ్య కేవలం 10,978 యూనిట్లు మాత్రమే. అంటే ఒక్క ఏడాది కాలంలోనే అమ్మకాలు 112.84 శాతం పెరిగాయి. అదనంగా 12,388 యూనిట్లను విక్రయించడం ద్వారా సుజుకి తన బలాన్ని నిరూపించుకుంది.

ఎందుకు ఇంత క్రేజ్?
బర్గ్‌మన్ స్ట్రీట్ కేవలం ఒక సాధారణ స్కూటర్ కాదు, ఇది ఒక మాక్సీ స్టైల్ (Maxi-style) స్కూటర్. దీని భారీ రూపం, వెడల్పాటి సీటు, బాడీకి అమర్చిన విండ్‌స్క్రీన్ దీనికి ఒక లగ్జరీ లుక్‌ను ఇస్తాయి. ప్రస్తుతం ఈ స్కూటర్ ప్రారంభ ధర రూ. 96,250 (ఎక్స్-షోరూమ్) గా ఉంది. ఇటీవల సుజుకి బర్గ్‌మన్ స్ట్రీట్ EX వేరియంట్‌లో పర్ల్ గ్రేస్ వైట్ అనే కొత్త కలర్ ఆప్షన్‌ను కూడా పరిచయం చేసింది. దీని ధర రూ.1.08 లక్షలుగా ఉంది. కొత్త రంగులు, అప్‌డేటెడ్ ఫీచర్లు కస్టమర్లను భారీగా ఆకర్షిస్తున్నాయి.

పవర్‌ఫుల్ ఇంజిన్.. అదిరిపోయే మైలేజీ
బర్గ్‌మన్ స్ట్రీట్‌లో సుజుకి యాక్సెస్‌లో ఉండే అదే నమ్మకమైన 124సీసీ సింగిల్ సిలిండర్ ఇంజిన్‌ను వాడారు. ఇది 6,500 RPM వద్ద 8.6 bhp పవర్‌ను, 5,500 RPM వద్ద 10 Nm టార్క్‌ను ఉత్పత్తి చేస్తుంది. ఇందులో SEP-α (Suzuki Eco Performance Alpha) టెక్నాలజీని ఉపయోగించారు. దీనివల్ల పెర్ఫార్మెన్స్ తగ్గకుండానే మంచి మైలేజీ వస్తుంది. ముఖ్యంగా ట్రాఫిక్ సిగ్నల్స్ వద్ద ఇంజిన్‌ను ఆటోమేటిక్‌గా ఆపివేసే EASS (Engine Auto Stop-Start) సిస్టమ్ ఇంధనాన్ని ఆదా చేయడంలో కీలక పాత్ర పోషిస్తోంది.

హైటెక్ ఫీచర్ల మేళవింపు
నేటి తరం యువతకు నచ్చేలా ఇందులో బ్లూటూత్ కనెక్టివిటీ కలిగిన డిజిటల్ ఎల్‌సీడీ ఇన్‌స్ట్రుమెంట్ క్లస్టర్‌ను అందించారు. దీని ద్వారా మీరు మీ స్మార్ట్‌ఫోన్‌ను కనెక్ట్ చేసుకుని టర్న్-బై-టర్న్ నావిగేషన్, కాల్/మెసేజ్ అలర్ట్స్ వంటివి పొందవచ్చు. ఎల్‌ఈడీ హెడ్‌ల్యాంప్స్, టెయిల్ ల్యాంప్స్ దీనికి ప్రీమియం లుక్‌నిస్తాయి. అలాగే సీటు కింద 21.5 లీటర్ల భారీ స్టోరేజ్ స్పేస్ ఉండటం వల్ల హెల్మెట్, ఇతర సామాన్లు పెట్టుకోవడం చాలా సులభం. లాంగ్ రైడ్స్ చేసే వారికి దీని వెడల్పాటి సీటు ఎంతో సౌకర్యంగా ఉంటుంది.

ప్రత్యర్థులకు గట్టి పోటీ
ఇండియాలో స్కూటర్ మార్కెట్ అనగానే హోండా యాక్టివా, టీవీఎస్ జూపిటర్ పేర్లు వినిపిస్తాయి. కానీ 125సీసీ ప్రీమియం విభాగంలో సుజుకి బర్గ్‌మన్ తనదైన ముద్ర వేస్తోంది. ఈ ధరలో అద్భుతమైన లుక్స్, టెక్నాలజీ కావాలనుకునే వారికి బర్గ్‌మన్ ఫస్ట్ ఛాయిస్‌గా మారుతోంది. కేవలం సిటీ ప్రయాణాలకే కాకుండా, చిన్నపాటి టూరింగ్‌కు కూడా ఇది పనికొస్తుంది. సుజుకి ఈజీ స్టార్ట్ సిస్టమ్, సైలెంట్ స్టార్టర్ వంటి సౌకర్యాలు ఈ స్కూటర్ డ్రైవింగ్ అనుభవాన్ని మరో స్థాయికి తీసుకెళ్లాయి.