పెట్రోల్ రేట్లు పెరిగితే ఈ స్కూటర్ బెస్ట్ ఆప్షన్.. ఉద్యోగులు, కాలేజ్ విద్యార్థులు, డెలివరీ బాయ్స్‌కి పర్ఫెక్!

దేశవ్యాప్తంగా పెట్రోల్, డీజిల్ ధరలు రోజు రోజుకు పెరుగుతుండటంతో సాధారణ ప్రజలపై ప్రయాణ ఖర్చుల భారం మరింత పెరుగుతోంది. ముఖ్యంగా ప్రతిరోజూ ఉద్యోగాలు, వ్యాపారాలు, చదువుల కోసం ద్విచక్ర వాహనాలను ఉపయోగించే వారు ఇప్పుడు పెట్రోల్ ఖర్చులతో ఇబ్బందులు ఎదుర్కొంటున్నారు. ఒకప్పుడు నెలకు తక్కువగా ఉండే ఇంధన ఖర్చులు ఇప్పుడు కుటుంబ బడ్జెట్‌పై ప్రభావం చూపే స్థాయికి చేరుకున్నాయి. అందుకే చాలా మంది వాహనదారులు ఇప్పుడు పెట్రోల్ వాహనాలకు ప్రత్యామ్నాయంగా ఎలక్ట్రిక్ వాహనాల వైపు దృష్టి సారిస్తున్నారు. ప్రస్తుతం దేశంలో ఎలక్ట్రిక్ వాహనాల వినియోగాన్ని కేంద్ర ప్రభుత్వం కూడా బలంగా ప్రోత్సహిస్తోంది. ప్రధాని Narendra Modi కూడా పలు సందర్భాల్లో ఈవీల వినియోగాన్ని పెంచాలని ప్రజలకు సూచించారు.

ఎలక్ట్రిక్ వాహనాలు ఉపయోగించడం వల్ల ఇంధన దిగుమతులపై ఆధారపడటం తగ్గడమే కాకుండా, కాలుష్యం కూడా తగ్గుతుంది. ముఖ్యంగా సామాన్య ప్రజలకు నెలవారీ ఖర్చుల్లో భారీగా ఆదా అవుతుంది. ఒకసారి ఛార్జ్ చేస్తే చాలాకాలం ప్రయాణించగలిగే ఈవీలు ఇప్పుడు రోజువారీ ప్రయాణాలకు ఎంతో ఉపయోగకరంగా మారుతున్నాయి. ఇలాంటి సమయంలో టీవీఎస్ ఐక్యూబ్ (TVS iQube) ప్రస్తుతం భారత మార్కెట్లో అత్యంత ప్రజాదరణ పొందుతున్న ఎలక్ట్రిక్ స్కూటర్లలో ఒకటిగా నిలుస్తోంది.

స్టైలిష్ డిజైన్, ఫీచర్లు, మంచి రేంజ్, అలాగే పనితీరు కారణంగా ఈ స్కూటర్‌ను పెద్ద సంఖ్యలో వినియోగదారులు ఎంపిక చేస్తున్నారు. నగరాల్లో రోజువారీ ప్రయాణాల కోసం ఈ స్కూటర్ ఎంతో అనువుగా ఉంటుంది. ట్రాఫిక్ ఎక్కువగా ఉండే ప్రాంతాల్లో కూడా ఇది సాఫీగా నడుస్తుంది. పెట్రోల్ బంక్‌లకు వెళ్లాల్సిన అవసరం లేకుండా ఇంట్లోనే ఛార్జింగ్ చేసుకోవచ్చు. దీంతో ప్రతి నెలా పెట్రోల్‌పై అయ్యే ఖర్చులో పెద్ద మొత్తాన్ని ఆదా చేసుకోవచ్చు.

ముఖ్యంగా ఉద్యోగులు, కాలేజ్ విద్యార్థులు, డెలివరీ ఎగ్జిక్యూటివ్‌లు వంటి రోజూ ఎక్కువగా ప్రయాణించే వారికి ఈ స్కూటర్ చాలా ఉపయోగకరంగా మారుతోంది. టెక్నాలజీ పరంగా TVS iQube చాలా ఆధునిక ఫీచర్లతో వస్తోంది. ఇందులో TVS కనెక్ట్ యాప్ ఇంటిగ్రేషన్ ఉండటం వల్ల రియల్ టైమ్ లొకేషన్ ట్రాకింగ్, జియో-ఫెన్సింగ్, రిమోట్ లాక్/అన్‌లాక్, అలాగే బ్యాటరీ స్టేటస్‌ను సులభంగా చెక్ చేసుకునే అవకాశం ఉంటుంది.

డిజైన్, కన్వీనియన్స్ పరంగా LED హెడ్‌లైట్, డిజిటల్ ఇన్‌స్ట్రుమెంట్ క్లస్టర్, 7-అంగుళాల TFT డిస్‌ప్లే, USB ఛార్జింగ్ పోర్ట్ వంటి స్మార్ట్ ఫీచర్లు అందుబాటులో ఉన్నాయి. సేఫ్టీ విషయానికి వస్తే డిస్క్ బ్రేకులు, IBS (ఇంటిగ్రేటెడ్ బ్రేకింగ్ సిస్టమ్), యాంటీ-థెఫ్ట్ అలారం వంటి ఫీచర్లు ఉండటం వల్ల రైడింగ్ మరింత సురక్షితంగా మారుతుంది. ఈ అన్ని ఫీచర్ల కలయికతో iQube రోజువారీ వినియోగానికి బెస్ట్ ఎలక్ట్రిక్ స్కూటర్‌గా నిలుస్తోంది.

ధర పరంగా చూస్తే TVS iQube (ఛార్జర్‌తో సహా) సుమారు రూ.96,422 నుండి ప్రారంభమై టాప్ వేరియంట్‌లో రూ.1.63 లక్షల వరకు వెళుతుంది. బ్యాటరీ ఆప్షన్ల విషయానికి వస్తే, iQube ను 2.2 kWh, 3.5 kWh, 5.3 kWh వంటి విభిన్న వేరియంట్లలో అందిస్తున్నారు. రోజువారీ చిన్న ప్రయాణాల కోసం తక్కువ సామర్థ్యం ఉన్న బ్యాటరీ సరిపోతే, ఎక్కువ దూరం ప్రయాణించేవారికి పెద్ద బ్యాటరీ మంచి ఎంపికగా నిలుస్తుంది.

రేంజ్ విషయానికి వస్తే, ఒకసారి పూర్తిగా ఛార్జ్ చేస్తే ఈ స్కూటర్ సుమారు 94 కి.మీ నుంచి గరిష్టంగా 212 కి.మీ వరకు ప్రయాణించగలదు. ఇది ముఖ్యంగా నగర ప్రయాణాలకు మాత్రమే కాకుండా, రోజులో ఎక్కువ దూరం తిరిగే ఉద్యోగులు, డెలివరీ రైడర్లు వంటి వారికి కూడా ఎంతో ఉపయోగకరంగా మారుతుంది. పెట్రోల్ అవసరం లేకుండా ఇంట్లోనే ఛార్జ్ చేసుకునే సౌకర్యం ఉండటం వల్ల నెలవారీ ఖర్చులు గణనీయంగా తగ్గుతాయి.