సేల్స్ కౌంటర్ వద్ద ఒకటే హడావుడి! ప్రతిరోజూ 1180 మంది ఇదే స్కూటర్‌ కొంటున్నారు

భారతీయ టూవీలర్ మార్కెట్‌లో యువత మనసు గెలుచుకున్న స్కూటర్లలో ఒకటిగా నిలిచిన టీవీఎస్ ఎన్‌టార్క్ (TVS Ntorq 125) ఇప్పుడు అమ్మకాల పరంగా మరోసారి తన సత్తా చాటింది. స్టైలిష్ డిజైన్, స్పోర్టీ లుక్, స్మార్ట్ ఫీచర్లు కలిసొచ్చి ఈ స్కూటర్‌కు ప్రత్యేక గుర్తింపు తీసుకువచ్చాయి. అందుకే రోజురోజుకూ దీనిపై డిమాండ్ పెరుగుతూ వస్తోంది. 2026 జనవరి నెలలో ఈ స్కూటర్ భారీ స్థాయిలో అమ్ముడవడం మార్కెట్‌లో చర్చనీయాంశంగా మారింది. ఒక్క నెలలోనే మొత్తం 36,596 యూనిట్లు వినియోగదారులకు డెలివరీ చేయడం గమనార్హం. రోజుకు సగటున 1,180 ఎన్‌టార్క్ స్కూటర్లు అమ్ముడవడం అంటే, యువతలో దీనికి ఎంతటి ఆదరణ ఉందో స్పష్టంగా అర్థమవుతోంది.

గత ఏడాది ఇదే కాలంతో పోలిస్తే పరిస్థితి పూర్తిగా మారిపోయింది. 2025 జనవరిలో 23,795 యూనిట్లు మాత్రమే అమ్ముడయ్యాయి. కానీ ఈసారి అమ్మకాల సంఖ్య దాదాపు 53.80 శాతం పెరగడం కంపెనీకి భారీ బూస్ట్ ఇచ్చింది. ఈ పెరుగుదలకు ఒకటి రెండు కారణాలు మాత్రమే కాకుండా అనేక అంశాలు కలిసి పనిచేశాయి. మొదటగా, యువ కస్టమర్లను దృష్టిలో ఉంచుకుని రూపొందించిన స్పోర్టీ స్టైలింగ్ దీనికి ప్రధాన ఆకర్షణ.

డిజిటల్ ఇన్‌స్ట్రుమెంట్ క్లస్టర్, బ్లూటూత్ కనెక్టివిటీ వంటి ఆధునిక ఫీచర్లు టెక్నాలజీని ఇష్టపడే రైడర్లను ఆకట్టుకుంటున్నాయి. నగర ప్రయాణాలకు అనువైన పవర్, పిక్‌అప్, అలాగే స్థిరమైన పనితీరు వినియోగదారుల విశ్వాసాన్ని పెంచాయి. అదే సమయంలో తక్కువ నిర్వహణ ఖర్చులు, సరైన ఇంధన సామర్థ్యం కూడా మంచి ఎంపికగా మారేలా చేశాయి. రోజువారీ ఆఫీస్ లేదా కాలేజ్ ప్రయాణాలకు ఉపయోగపడేలా ఉండటంతో ఇది యువతకు మాత్రమే కాకుండా ఉద్యోగులకు బెస్ట్‌గా నిలుస్తోంది.

యువతలో మంచి క్రేజ్ సంపాదించుకున్న TVS Ntorq 125 రెండు వేరియంట్లలో అందుబాటులో ఉంది. సాధారణంగా మార్కెట్‌లో ఎక్కువగా కనిపించేది Ntorq 125 వేరియంట్ కాగా, కంపెనీ దీన్ని మరింత స్పోర్టీ అప్‌డేట్స్‌తో కూడా అందిస్తోంది. ధర విషయానికి వస్తే, Ntorq 125 ఎక్స్-షోరూమ్ ధర సుమారు రూ.81,250 నుంచి రూ.1 లక్ష వరకు ఉంటుంది. ఈ ధర రేంజ్‌లో స్టైలింగ్, పనితీరు, టెక్నాలజీ కలిసొచ్చే స్కూటర్‌గా ఇది నిలుస్తోంది.

బయటకు చూస్తేనే స్పోర్టీ లుక్, అగ్రెసివ్ డిజైన్, షార్ప్ బాడీ లైన్స్ యువ రైడర్లను వెంటనే ఆకట్టుకుంటాయి. ఇంజిన్ పరంగా ఇది 124.8cc పెట్రోల్ ఇంజిన్‌ను కలిగి ఉంటుంది. ఈ ఇంజిన్ గరిష్టంగా 9.5 bhp పవర్, 10.6 Nm పీక్ టార్క్‌ను ఉత్పత్తి చేస్తుంది. మైలేజ్ పరంగా కూడా ఇది మంచి బ్యాలెన్స్ ఇస్తుంది. సగటున 35 నుంచి 45 కిలోమీటర్లు ప్రతి లీటర్‌కు ఇస్తుందని కంపెనీ పేర్కొంటుంది.

TVS Ntorq 150 ఎక్స్-షోరూమ్ ధర సుమారు రూ.1.09 లక్షల నుంచి రూ.1.18 లక్షల వరకు ఉంటుంది. ఈ ప్రైస్ రేంజ్‌లో స్పోర్టీ స్కూటర్ కోసం చూస్తున్న వారికి ఇది ఒక ఆకర్షణీయమైన ఎంపికగా నిలుస్తోంది. బాహ్య డిజైన్ పరంగా మరింత అగ్రెసివ్ స్టైలింగ్, షార్ప్ గ్రాఫిక్స్, మస్క్యులర్ లుక్ దీనికి ప్రత్యేక ఆకర్షణ తీసుకొచ్చాయి. ఇంజిన్ విషయానికి వస్తే, ఇందులో 149.7cc పెట్రోల్ ఇంజిన్ అమర్చారు.

ఈ ఇంజిన్ గరిష్టంగా 13.2 BHP పవర్, 14.2 Nm పీక్ టార్క్‌ను ఉత్పత్తి చేస్తుంది. సిటీ రోడ్లపై వేగంగా దూసుకెళ్లడమే కాకుండా, హైవే ప్రయాణాల్లో కూడా ఇది మంచి స్థిరత్వాన్ని అందిస్తుంది.మైలేజ్ పరంగా ఇది సగటున గంటకు 40 కిలోమీటర్ల వరకు సామర్థ్యాన్ని ఇస్తుంది. పవర్ ఎక్కువగా ఉన్నప్పటికీ, ఫ్యూయల్ ఎఫిషెన్సీని సమతుల్యం చేయడం ఈ స్కూటర్ ప్రత్యేకత. గరిష్ట వేగం సుమారు 104 కిమీ/గం వరకు చేరుతుంది.