డెలివరీ బాయ్స్ నుంచి కాలేజ్ స్టూడెంట్స్ వరకు.. అందరి ఛాయిస్‌ ఇదే.. స్ప్లెండర్‌ను మరిపిస్తున్న బైక్

టూ-వీలర్ మార్కెట్‌లో టీవీఎస్ మోటార్ కంపెనీ (TVS Motor) దూకుడు మామూలుగా లేదు. ముఖ్యంగా 125సీసీ సెగ్మెంట్లో టీవీఎస్ రైడర్ 125(TVS Raider 125) ఒక ప్రభంజనం సృష్టిస్తోంది. లాంచ్ అయిన కేవలం ఐదేళ్ల లోపే ఏకంగా 19 లక్షల యూనిట్ల అమ్మకాల మైలురాయిని దాటి ఈ బైక్ సరికొత్త చరిత్ర సృష్టించింది. స్టైలిష్ లుక్, హైటెక్ ఫీచర్లు, అదిరిపోయే మైలేజీ కలగలిసిన ఈ బైక్.. ఇప్పుడు యువతకు మొదటి ఛాయిస్‌గా మారింది.

అమ్మకాల్లో స్పీడ్.. టీవీఎస్‌లో వన్-థర్డ్ వాటా
టీవీఎస్ రైడర్ 125 ప్రస్థానం 2021లో మొదలైంది. అప్పటి నుంచి ఈ బైక్ వెనక్కి తిరిగి చూసుకోలేదు. ఇప్పటివరకు జరిగిన మొత్తం 19 లక్షల అమ్మకాల్లో భారత్‌లోనే దాదాపు 16.2 లక్షల మంది ఈ బైక్‌ను కొనుగోలు చేశారు. మిగిలిన 2.86 లక్షల యూనిట్లు అంతర్జాతీయ మార్కెట్లకు ఎగుమతి అయ్యాయి.

టీవీఎస్ కంపెనీ అమ్ముతున్న మొత్తం బైకుల్లో దాదాపు 31 శాతం వాటా ఒక్క రైడర్ దే కావడం విశేషం. అంటే కంపెనీకి ఇది ఒక పెద్ద ఆస్తిలా మారిపోయింది. ముఖ్యంగా 2024లో ఈ బైక్ అమ్మకాలు గరిష్ట స్థాయికి చేరుకున్నాయి.

స్టైల్ కింగ్.. ఫీచర్ల ఖజానా
రైడర్ 125 ఇంత సక్సెస్ కావడానికి ప్రధాన కారణం దాని నేకెడ్ స్పోర్ట్స్ లుక్. చూడగానే పెద్ద బైక్ లా అనిపించే ఈ కారులో ఫుల్ ఎల్ఈడీ లైటింగ్ సిస్టమ్, అగ్రెసివ్ ట్యాంక్ డిజైన్ ఉంటాయి. టెక్నాలజీ విషయానికి వస్తే, ఇందులో ఇచ్చే ఫీచర్లు సాధారణంగా 150సీసీ లేదా అంతకంటే ఎక్కువ సామర్థ్యం గల బైకుల్లోనే కనిపిస్తాయి.

టీఎఫ్‌టీ (TFT) ఇన్‌స్ట్రుమెంట్ క్లస్టర్, వాయిస్ అసిస్టెన్స్, కాల్ మేనేజ్‌మెంట్, ఆంబియంట్ లైట్ సెన్సార్, స్మార్ట్ ఎక్స్ కనెక్ట్ (SmartXonnect) బ్లూటూత్ కనెక్టివిటీ వంటి ఫీచర్లు రైడర్‌ను స్పెషల్ గా నిలబెడుతున్నాయి.

ఇంజిన్ పవర్, రైడ్ మోడ్స్
రైడర్ 125 లో 124.8 సీసీ సింగిల్ సిలిండర్ ఇంజిన్ ఉంటుంది. ఇది 11.38 PS పవర్, 11.2 Nm టార్క్‌ను అందిస్తుంది. 5-స్పీడ్ గేర్‌బాక్స్‌తో వస్తున్న ఈ బైక్, సిటీ ట్రాఫిక్‌లో దూసుకెళ్లడానికి పర్ఫెక్ట్. ఇందులో మరో ప్రత్యేకత ఏంటంటే.. ఎకో, పవర్ అనే రెండు రైడింగ్ మోడ్స్ ఉంటాయి. మైలేజీ కావాలనుకున్నప్పుడు ఎకో మోడ్, వేగం కావాలనుకున్నప్పుడు పవర్ మోడ్ వాడుకోవచ్చు. అలాగే 'iGO అసిస్ట్' టెక్నాలజీ వల్ల అదనపు టార్క్ కూడా లభిస్తుంది.

ధర, పోటీ..
ప్రస్తుతం టీవీఎస్ రైడర్ 125 ప్రారంభ ధర రూ.98,550 (ఎక్స్ షోరూమ్)గా ఉంది. ఈ సెగ్మెంట్లో ఉన్న హోండా ఎస్పీ 125, హీరో ఎక్స్‌ట్రీమ్ 125ఆర్, బజాజ్ పల్సర్ ఎన్125 వంటి మోడళ్లకు రైడర్ గట్టి పోటీ ఇస్తోంది. అడ్వాన్స్‌డ్ ఫీచర్లు, మంచి గ్రౌండ్ క్లియరెన్స్, మోనోషాక్ సస్పెన్షన్ ఉండటం వల్ల కాలేజీ స్టూడెంట్స్ నుంచి ఆఫీస్ ఎంప్లాయిస్ వరకు అందరూ దీనిపై మక్కువ చూపుతున్నారు. రాబోయే రోజుల్లో ఈ అమ్మకాలు మరిన్ని రికార్డులను తిరగరాస్తాయని ఆటోమొబైల్ నిపుణులు అంచనా వేస్తున్నారు.

టీవీఎస్ కంపెనీకి అపాచే సిరీస్ తర్వాత ఇప్పుడు అత్యంత కీలకమైన మోడల్‌గా రైడర్ మారింది. కంపెనీ మొత్తం మోటార్‌సైకిల్ అమ్మకాలలో దాదాపు 31 శాతం వాటా ఈ ఒక్క బైక్‌దే కావడం దీని క్రేజ్‌ను చూపిస్తోంది. రాబోయే రోజుల్లో కొత్త వేరియంట్లు, మరిన్ని టెక్నాలజీ ఫీచర్లతో టీవీఎస్ రైడర్ మార్కెట్లో ఇంకా బలపడే అవకాశం ఉందని ఆటో రంగ నిపుణులు భావిస్తున్నారు.