బజాజ్ డిస్కవర్ 150ఎఫ్, డిస్కవర్ 150ఎస్ విడుదల

ఇంజన్

కొత్త 150సీసీ వెర్షన్ డిస్కవర్ 150ఎఫ్, డిస్కవర్ 150ఎస్ రెండు మోడళ్లలో ఒకేరకమైన ఇంజన్‌ను ఉపయోగించారు. ఇందులో 145సీసీ, 4-వాల్వ్, డిటిఎస్-ఐ ఇంజన్ గరిష్టంగా 14.5 పిఎస్‌ల శక్తిని ఉత్పత్తి చేస్తుంది. ఈ ఇంజన్ 5-స్పీడ్ మ్యాన్యువల్ ట్రాన్సిమిషన్‌తో జతచేయబడి ఉంటుంది.

మైలేజ్

కంపెనీ పేర్కొన్న సమాచారం ప్రకారం, కొత్త బజాజ్ డిస్కవర్ 150సీసీ బైక్స్ లీటరుకు 72 కి.మీ. మైలేజీనిస్తాయి. వీటి ఫ్యూయెల్ ట్యాంక్ కెపాసిటీ 10 లీటర్లు (1.9 లీటర్లు రిజర్వ్).

సస్పెన్షన్ అండ్ బ్రేక్స్

మెరుగైన కంఫర్ట్ కోసం ఈ రెండు బైక్‌లలో నైట్రాక్స్ సస్పెన్షన్‌తో కూడిన మోనోషాక్ సస్పెన్షన్‌‌ను ఉపయోగించారు. సమర్థవంతమైన బ్రేకింగ్ ఎక్స్‌పీరియెన్స్ కోసం ఇవి పెటల్ డిస్క్ బ్రేక్స్‌తో లభిస్తాయి.

ఫీచర్స్

స్టయిలిష్ డిజిటల్ మీటర్, బెటర్ రోడ్ గ్రిప్ కోసం వెడల్పాటి ట్యూబ్‌లెస్ టైర్స్, డిసి లైటింగ్ (తక్కువ వేగం వద్ద కూడా కాంతివంతమైన లైటింగ్) వంటి ఫీచర్లు కొత్త 150సీసీ డిస్కవర్ బైక్‌ల సొంతం.

ధరలు

భారత మార్కెట్లో బజాజ్ డిస్కవర్ 150సీసీ బైక్‌ల ధరలు ఇలా ఉన్నాయి:

* బజాజ్ డిస్కవర్ 150ఎఫ్ : రూ.58,739

* బజాజ్ డిస్కవర్ 150ఎస్ : రూ.51,720 (డ్రమ్ బ్రేక్)

* బజాజ్ డిస్కవర్ 150ఎస్ : రూ.54,725 (డిస్క్ బ్రేక్)

(అన్ని ధరలు, ఎక్స్-షోరూమ్, పూనే)

కలర్ ఆప్షన్స్

ఈ రెండు వేరియంట్లు నాలుగు ఆకర్షనీయమైన రంగులలో (డార్క్ బ్లూ, వైన్ రెడ్, ఎబోనీ బ్లాక్, డార్క్ బాటిల్ గ్రీన్) లభ్యమవుతాయి.

కొత్త బజాజ్ డిస్కవర్ 150ఎస్ భారత్‌లో ఈ సెగ్మెంట్లో అత్యంత సరసమైన ధరకే లభిస్తున్న150సీసీ బైక్ కాగా, బజాజ్ డిస్కవర్ 150ఎఫ్ దేశంలో కెల్లా మొట్టమొదటి హాఫ్ పెయిర్డ్ బైక్‌గా నిలిచింది.