Click it and Unblock the Notifications
హైదరాబాద్ మార్కెట్లో బజాజ్ డిస్కవర్ 150ఎఫ్, 150ఎస్ విడుదల
హైదరాబాద్: ప్రముఖ దేశీయ ద్విచక్ర వాహన దిగ్గజం బజాజ్ ఆటో లిమిటెడ్ ఇటీవలే భారత మార్కెట్లో విడుదల చేసిన సరికొత్త 150సీసీ డిస్కవర్ బ్రాండ్ బైక్స్ డిస్కవర్ 150ఎఫ్ (లార్జ్ హాఫ్ ఫెయిరింగ్తో), డిస్కవర్ 150ఎస్ (స్టాండర్డ్ ఫెయిరింగ్తో) మోడళ్లను కంపెనీ తాజాగా హైదరాబాద్ మార్కెట్లో కూడా విడుదల చేసింది. రాష్ట్ర విపణిలో వీటి ధరలు ఇలా ఉన్నాయి:
* బజాజ్ డిస్కవర్ 150ఎఫ్ : రూ.60,307
* బజాజ్ డిస్కవర్ 150ఎస్ : రూ.53,181 (డ్రమ్ బ్రేక్)
* బజాజ్ డిస్కవర్ 150ఎస్ : రూ.56,232 (డిస్క్ బ్రేక్)
(అన్ని ధరలు, ఎక్స్-షోరూమ్, హైదరాబాద్)
బజాజ్ ఆటో తొలిసారిగా 2004లో డిస్కవర్ బ్రాండ్ను ప్రవేశపెట్టింది. ఆ తర్వాతి కాలంలో ఈ బ్రాండ్లో అనేక మోడళ్లు అందుబాటులోకి వచ్చాయి. ప్రస్తుతం మార్కెట్లో లభిస్తున్న బేసిక్ బైక్స్తో పోల్చుకుంటే తమ కొత్త డిస్కవర్ 150 బైక్స్ ఎంతో విభిన్నమైనవని, ఇవి వినియోగదారులకు ఎంతగానో ఆకట్టుకంటాయని బజాజ్ ఆటో వాణిజ్య విభాగం ప్రెసిడెంట్ ఎరిక్ వాస్ తెలిపారు.
కొత్త 150సీసీ వెర్షన్ డిస్కవర్ 150ఎఫ్, డిస్కవర్ 150ఎస్ రెండు మోడళ్లలో ఒకేరకమైన ఇంజన్ను ఉపయోగించారు. ఇందులో 145సీసీ, 4-వాల్వ్, డిటిఎస్-ఐ ఇంజన్ గరిష్టంగా 14.5 పిఎస్ల శక్తిని ఉత్పత్తి చేస్తుంది. ఈ ఇంజన్ 5-స్పీడ్ మ్యాన్యువల్ ట్రాన్సిమిషన్తో జతచేయబడి ఉంటుంది.కంపెనీ పేర్కొన్న సమాచారం ప్రకారం, కొత్త బజాజ్ డిస్కవర్ 150సీసీ బైక్స్ లీటరుకు 72 కి.మీ. మైలేజీనిస్తాయి.
మెరుగైన కంఫర్ట్ కోసం ఈ రెండు బైక్లలో నైట్రాక్స్ సస్పెన్షన్తో కూడిన మోనోషాక్ సస్పెన్షన్ను ఉపయోగించారు. సమర్థవంతమైన బ్రేకింగ్ ఎక్స్పీరియెన్స్ కోసం ఇవి పెటల్ డిస్క్ బ్రేక్స్తో లభిస్తాయి. స్టయిలిష్ డిజిటల్ మీటర్, బెటర్ రోడ్ గ్రిప్ కోసం వెడల్పాటి ట్యూబ్లెస్ టైర్స్, డిసి లైటింగ్ (తక్కువ వేగం వద్ద కూడా కాంతివంతమైన లైటింగ్) వంటి ఫీచర్లు కొత్త 150సీసీ డిస్కవర్ బైక్ల సొంతం. ఇవి డార్క్ బ్లూ, వైన్ రెడ్, ఎబోనీ బ్లాక్, డార్క్ బాటిల్ గ్రీన్ కలర్లలో లభ్యమవుతాయి.
Continue with Google