బిఎమ్‌డబ్ల్యూ మోటారాడ్ నుంచి 'ఆర్ నైన్‌టి' బైక్ విడుదల

తర్వాతి స్లైడ్‌లలో బిఎమ్‌డబ్ల్యూ ఆర్ నైన్‌టి బైక్‌కు సంబంధించిన మరిన్ని వివరాలను తెలుసుకోండి.

ఇందులో ఉపయోగించిన 1170సీసీ, 4-స్ట్రోక్, ఎయిర్/ఆయిల్ కూల్డ్, ఫ్లాట్ ట్విన్ ఇంజన్ గరిష్టంగా 110 పిఎస్‌ల శక్తిని, 119 ఎన్ఎమ్‌‌ల టార్క్‌ను ఉత్పత్తి చేస్తుంది. ఈ ఇంజన్ 6-స్పీడ్ కాన్స్టాంట్ మెష్ గేర్‌బాక్స్‌తో కనెక్ట్ చేయబడి ఉంటుంది.

బిఎమ్‌డబ్ల్యూ ఆర్ నైన్‌టి బైక్ గరిష్ట వేగం గంటకు 200 కి.మీ. ప్రతి 100 కిలోమీటర్ల దూరానికి ఇది 4.5 లీటర్ల ఇంధనాన్ని వినియోగించుకుంటుంది (22.22 కెఎమ్‌పిఎల్ మైలేజ్).

కెఫే రేసర్ స్టయిల్‌లో ఈ నేక్డ్ మోటార్‌సైకిల్ బరువు 222 కేజీలు. దీనిని ట్యూబ్లర్ స్టీల్ ఫ్రేమ్‌పై తయారు చేశారు. దీని రైడ్ హైట్ 785 మి.మీ. ఫ్యూయెల్ ట్యాంక్ కెపాసిటీ 17 లీటర్లు.

అన్ని ఇతర బిఎమ్‌డబ్ల్యూ మోటార్‌సైకిళ్ల మాదిరిగానే ఈ ఆర్ నైన్‌టి బైక్ కూడా ఏబిఎస్ ఫీచర్‌తో లభిస్తుంది. ఇందులో ముందు వైపు డ్యూయెల్ డిస్క్, వెనుక వైపు సింగ్ డిస్క్ బ్రేక్స్ ఉంటాయి.

బిఎమ్‌డబ్ల్యూ ఆర్ నైన్‌టి బైక్ ఛాస్సిస్‌ను నాలుగు సెక్షన్లుగా విభజించారు. ఇందులో ఒక సెక్షన్ ముందు వైపు, మిగిలిన మూడు సెక్షన్లు వెనుక వైపు ఉంటాయి. ఇందులోని పిలియన్ రైడర్ సెక్షన్‌ను తొలగించి, సింగిల్ సీటర్ బైక్‌గా మార్చుకోవచ్చు.

ఆర్ నైన్‌టి బైక్ కోసం బిఎమ్‌డబ్ల్యూ మోటారాడ్ అనేక కస్టమైజేషన్ ఆఫర్లను అందిస్తోంది. వినియోగదారులు తమ అభిరుచికి తగినట్లుగా ఈ బైక్‌ను కస్టమైజ్ చేసుకోవచ్చు.