డిఎస్‌కే-బెనెల్లీ జాయింట్ వెంచర్; వచ్చే ఏడాది అన్ని బైక్స్ విడుదల

తర్వాతి స్లైడ్‌లలో బెనెల్లీ మోటార్‌సైకిళ్లకు సంబంధించిన మరింత సమాచారాన్ని తెలుసుకోండి.

మోటార్‌సైకిళ్లంటే స్వచ్ఛమైన ప్యాషన్ కలిగిన ఆరుగురు బెనెల్లీ బ్రదర్స్ ఈ సంస్థను స్థాపించారు. గత 1911వ సంవత్సరం నుంచి వీరు బెనెల్లీ మోటార్‌సైకిళ్లను ఉత్పత్తి చేస్తున్నారు.

బెనెల్లీ గ్లోబల్ మార్కెట్లలో విక్రయిస్తున్న మొత్తం మోడళ్లను ఇండియాకు తీసుకురావాలని భావిస్తోంది. తమ భాగస్వామ్య ప్రకటన సందర్భంగా డిఎస్‌కే-బెనెల్లీ ఐదు మోడళ్లను ప్రదర్శనకు ఉంచాయి. అవి -

* టిఎన్‌టి 302

* టిఎన్‌టి 600

* టిఎన్‌టి 600 జిటి

* టిఎన్‌టి 899

* టిఎన్‌టి 1130ఆర్

డిజైన్ విషయానికి వస్తే, ఈ ఐదు మోడళ్లు విశిష్టమైన స్టయిలింగ్‌ను కలిగి ఉంటాయి. తొలిచూపులోనే లేదా మెల్లిమెల్లిగా ఈ డిజైన్లు కస్టమర్లను ఆకట్టుకుంటాయి. ఈ ఐదు మోటార్‌సైకిళ్లు కూడా దాదాపు నేక్డ్ వెర్షన్లే.

కెటిఎమ్ డ్యూక్ బైక్‌ల మాదిరిగా బయటకు కనిపించే ట్యూబ్లర్ ఫ్రేమ్ ఈ మోటార్‌సైకిళ్లలో ప్రత్యేక ఆకర్షణగా నిలుస్తుంది.

ప్రత్యేకించి బెనెల్లీ మోటార్‌సైకిళ్ల ఎగ్జాస్ట్ సిస్టమ్ మరియు ఎగ్జాస్ట్ పైప్స్ డిజైన్ చాలా విశిష్టంగా ఉంటుంది. ఈ ఫొటోలో ట్విన్ ఎగ్జాస్ట్ పైప్‌లను చూడొచ్చు.

బెనెల్లీ మోటార్‌సైకిళ్ల ఇన్‌స్ట్రుమెంట్ క్లస్టర్ విషయానికి వస్తే.. ఇందులో ఓ పెద్ద అనలాగ్ ఆర్‌పిఎమ్ మీటర్, టెంపరేచర్ గేజ్ మరియు ఓ డిజిటల్ మీటర్, దానిపై ఏర్పాటు చేసిన ఇండికేషన్ లైట్స్ ఉంటాయి.

బెనెల్లీ బ్రాండ్ మోటార్‌స్పోర్ట్స్ విభాగంలో కూడా మంచి పేరును కలిగి ఉంది. బెనెల్లీ బ్రదర్స్‌లో ఒకరైన టోనినో బెనెల్లీ, రేసింగ్‌లో మంచి పేరున్న వ్యక్తి. మోటోజిపి (250 క్లాస్), ఐసిల్ ఆఫ్ మ్యాన్ టిటిలో ఈ కంపెనీ అనేక ట్రోఫీలు గెలుచుకుంది.

డిఎస్‌కే మోటోవీల్స్ ద్వారా భారత మార్కెట్లోకి ప్రవేశించిన బెనెల్లీ, ఇక్కడి మార్కెట్ వినియోగదారులను ఆకట్టుకోవటం విజయం సాధిస్తుందో లేదో తెలియాలంటే వచ్చే ఏడాది వరకు వేచి చూడాల్సిందే.