బెంగుళూరులో హ్యోసంగ్ ఆక్విలా జివి250 విడుదల

హ్యోసంగ్ జివి250లో 249సీసీ, 4-స్ట్రోక్, డిఓహెచ్‌సి, 8-వాల్వ్, ఆయిల్-కూల్డ్, వి-ట్విన్ ఇంజన్‌ను ఉపయోగించారు. ఈ ఇంజన్ 9500 ఆర్‌పిఎమ్ వద్ద గరిష్టంగా 26.21 బిహెచ్‌పిల శక్తిని మరియు 7000 ఆర్‌పిఎమ్ వద్ద 21.37 ఎన్ఎమ్‌ల టార్క్‌ను ఉత్పత్తి చేస్తుంది.

ఈ ఇంజన్ 5-స్పీడ్ కాన్స్టాంట్ మెష్ ట్రాన్సిమిషన్‌తో అనుసంధానం చేయబడి ఉంటుంది.

హ్యోసంగ్ ఆక్విలా 250 బైక్‌ 2282 మి.మీ. పొడవును, 875 మి.మీ వెడల్పును మరియు 1096 మి.మీ. ఎత్తును కలిగి ఉంటుంది. దీని వీల్ బేస్ 1515 మి.మీ. గా ఉంటుంది.

హ్యోసంగ్ ఆక్విలా 250 బైక్‌లో ముందు వైపు హైడ్రాలిక్ డిస్క్ బ్రేక్‌ను మరియు వెనుక వైపు డ్రమ్ బ్రేక్‌ను ఆఫర్ చేస్తున్నారు.

హ్యోసంగ్ ఆక్విలా 250 బైక్‌ ఫ్యూయెల్ ట్యాంక్ కెపాసిటీ 14 లీటర్లు. దీని మొత్తం బరువు 179 కేజీలు.

ఇందులో ముందు వైపు 110/90 16 59S టైరును మరియు వెనుక వైపు 150/80 15 70S టైరును ఆఫర్ చేస్తున్నారు.

హ్యోసంగ్ ఆక్విలా 250 బైక్‌లో ముందు వైపు టెలిస్కోపిక్ మరియు వెనుక వైపు హైడ్రాలిక్ డబుల్ షాక్ అబ్జార్వర్‌ను ఆఫర్ చేస్తున్నారు.

భారత మార్కెట్లో హ్యోసంగ్ ఆక్విలా 250 బైక్ ధర రూ.2.7 లక్షలు (ఎక్స్-షోరూమ్, బెంగుళూరు)గా ఉంది. ఇది వైట్, బ్లాక్ రెడ్, బ్లాక్ కలర్లలో లభిస్తుంది.

దేశీయ విపణిలో హ్యోసంగ్ అందిస్తున్న ఇతర మోడళ్లు వాటి ధరలు ఈ విధంగా ఉన్నాయి:

* ఆక్విలా 250 - రూ.2.70 లక్షలు

* జిటి 250ఆర్ - రూ.2.80 లక్షలు

* జిటి 650ఎన్ - రూ.4.04 లక్షలు

* జిటి 650ఆర్ - రూ.4.87 లక్షలు

* ఆక్విలా ప్రో 650 - రూ.5.35 లక్షలు

* ఎస్‌టి 7 - రూ.6.10 లక్షలు

(అన్ని ధరలు ఎక్స్-షోరూమ్, బెంగుళూరు)