ది మోస్ట్ బ్యూటిఫుల్ బైక్ 'డ్యుకాటి స్క్రాంబ్లర్'

ఈ ఫొటోలో కనిపిస్తున్న బైక్‌ని చూశారా..! ఇటీవలే ముగిసిన 2014 ఈఐసిఎమ్ఏ షోలో ఇది అత్యంత సుందరమైన బైక్ అవార్డును దక్కించుకుంది. ఈ బైక్ పేరు డ్యుకాటి స్క్రాంబ్లర్. ఇటాలియన్ మోటార్‌సైకిల్ కంపెనీ డ్యుకాటి తయారు చేసిన బైక్ ఇది.

ఇటాలియన్ మ్యాగజైన్ మోటోసిస్లిమో ప్రతి ఏటా నిర్వహించినట్లుగానే ఈ ఏడాది కూడా నిర్వహించిన పోల్‌లో దాదాపు 43 శాతం మంది (10,000 మందికి పైగా) అభిమానులు ఈ క్లాసిక్ ఇటాలియన్ మోటార్‌సైకిల్‌కు నేరుగా మరియు వెబ్‌సైట్ ద్వారా వోట్ వేశారు.

ఈ కొత్త డ్యుకాటి స్క్రాంబ్లర్ మోటార్‌సైకిల్ వచ్చే ఏడాది జనవరి నుంచి కస్టమర్లకు అందుబాటులోకి రానుంది. ఈ బైక్‌లో ఎయిర్-కూల్డ్, ట్విన్-సిలిండర్ ఇంజన్‌ను ఉపయోగించారు. ఈ ఇంజన్ గరిష్టంగా 75 బిహెచ్‌పిల శక్తిని ఉత్పత్తి చేస్తుంది. క్లాసిక్ లుక్, మోడ్రన్ టెక్‌తో తయారు చేసిన ఈ మోస్ట్ బ్యూటిఫుల్ బైక్ ఫొటోలను మీరు కూడా చూసేయండి.