హీరో మోటోకార్ప్ నుంచి 600సీసీ స్పోర్ట్స్ బైక్..

ఇటీవలే డీజిల్‌తో నడిచే మోటార్‌సైకిల్‌ను ఆవిష్కరించిన దేశీయ అగ్రగామి ద్విచక్ర వాహన తయారీ కంపెనీ హీరో మోటోకార్ప్, తాజాగా మరో అద్భుతాన్ని భారత్‌కు పరిచయం నుంది. హీరో మోటోకార్ప్ నుంచి 500సీసీ సామర్థ్యానికి ఎగువన ఓ సరికొత్త స్పోర్ట్స్ బైక్‌ మార్కెట్లోకి రానుంది.

కంపెనీ వర్గాల సమాచారం ప్రకారం, హీరో మోటోకార్ప్ రేపటి (ఫిబ్రవరి 5, 2014) నుంచి ప్రారంభం కానున్న 12వ ఎడిషన్ ఢిల్లీ ఆటో ఎక్స్‌పోలో ఓ సరికొత్త 600సీసీ బైక్‌ను ఆవిష్కరించనున్నట్లు తెలుస్తోంది. ఈ స్పోర్ట్స్ బైక్‌కు 'హస్టర్' (Hastur) అనే పేరును ఖరారు చేసినట్లు సమాచారం.

హీరో మోటోకార్ప్ హస్టర్ స్పోర్ట్స్ బైక్‌ను అంతర్జాతీయ మార్కెట్ల కోసం తయారు చేసినట్లు, ఇండియాలో కూడా దీనిని విడుదల చేసే అవకాశం ఉందని తెలుస్తోంది. ఈ బైక్‌కు సంబంధించిన మరింత సమాచారం తెలియాలంటే, ఇంకొన్ని గంటలు వేచి ఉండక తప్పదు. ఢిల్లీ ఆటో ఎక్స్‌పోకు సంబందించిన అన్ని లేటెస్ట్ అప్‌డేట్స్ కోసం తెలుగు డ్రైవ్‌స్పార్క్‌ను గమనిస్తూ ఉండండి.