హీరో మోటోకార్ప్ నుంచి ప్యాషన్ ప్రో టిఆర్ మోటార్‌సైకిల్ విడుదల

తర్వాతి స్లైడ్‌లలో హీరో మోటోకార్ప్ విడుదల చేసిన ప్యాషన్ ప్రో టిఆర్ ఆఫ్-రోడ్ స్టయిల్ మోటార్‌సైకిల్‌కు సంబంధించిన మరింత సమాచారాన్ని తెలుసుకోండి.

ఈ కొత్త హీరో ప్యాషన్ ప్రో టిఆర్ ఆఫ్-రోడ్ స్టయిల్‌లో డిజైన్ చేశారు. బెటర్ రోడ్ గ్రిప్ కోసం కొత్త ఆఫ్-రోడ్ టైర్స్, హై ఫ్రంట్ ఫెండర్, ఇంజన్‌ను ప్రొటెక్ట్ చేసే స్కిడ్ ప్లేట్, ఫ్యూయెల్ ట్యాంక్‌పై క్నీ ప్యాడ్స్ (మోకాలి సంరక్షణ కోసం) మొదలైన వాటిని ఇందులో అమర్చారు.

ఇంకా ఈ బైక్‌లో హెడ్‌లైట్ గ్రిల్ (లైట్ రక్షణ కోసం), చేతుల రక్షణ కోసం క్నకల్ ప్రొటెక్టర్ వంటి మార్పులను కూడా మనం చూడొచ్చు. ఇందులో ముందువైపు డిస్క్ బ్రేక్, వెనుక వైపు డ్రమ్ బ్రేక్‌ను ఆఫర్ చేస్తున్నారు.

ఇంజన్ విషయానికి వస్తే.. ఇందులో ఎలాంటి మార్పులు లేవనే చెప్పాలి. రెగ్యులర్ ప్యాషన్ ప్రోలో ఉపయోగించే 97.2సీసీ ఇంజన్‌నే ఈ కొత్త ప్యాషన్ ప్రో టిఆర్ బైక్‌లోను ఉపయోగిస్తున్నారు. ఈ ఇంజన్ గరిష్టంగా 7.8 బిహెచ్‌పిల శక్తిని, 8.04 ఎన్ఎమ్‌ల టార్క్‌ను ఉత్పత్తి చేస్తుంది. ఈ ఇంజన్ 4-స్పీడ్ గేర్‌బాక్స్‌తో అనుసంధానం చేయబడి ఉంటుంది.

కొత్త ప్యాషన్ ప్రో టిఆర్‌లో పైన చెప్పుకున్న కాస్మోటిక్ మార్పులతో పాటుగా కొత్త బాడీ గ్రాఫిక్స్ కూడా ఇందులో మరో ప్రత్యేక ఆకర్షణగా నిలుస్తుంది. బ్లాక్ కలర్ అల్లాయ్ వీల్స్, బ్లాక్ సైలెన్సర్ కవర్‌లను ఇందులో చూడొచ్చు.

దేశీయ విపణిలో హీరో ప్యాషన్ ప్రో టిఆర్ మోటార్‌సైకిల్ ధర రూ.51,550 (ఎక్స్-షోరూమ్, ఢిల్లీ)గా ఉంది.