హోండా షైన్: భారత్‌లో అత్యధికంగా సేల్ అవుతున్న 125సీసీ బైక్

ఆప్టిమ్యాక్స్ ఇంజన్

ఇందులో ప్రధాన ప్రత్యేకత జపనీస్ టెక్నాలజీతో రూపొందిన 125సీసీ ఆప్టిమ్యాక్స్ (OPTIMAX) ఇంజన్. ఆప్టిమ్యాక్స్ అంటే గరిష్ట అవుట్‌పుట్ కోసం కనిష్ట ఇన్‌పుట్ (Optimum fuel input to Maximize pickup & mileage output)ని అందజేయటం అని అర్థం. సింపుల్‌గా చెప్పాలంటే, తక్కువ ఇంధనాన్ని గ్రహించి ఎక్కువ మైలేజ్, పవర్, పికప్‌లను అందించడం అన్నమాట.

బెస్ట్ మైలేజ్

కంపెనీ ప్రతిపాదించిన దాని ప్రకారం, హోండా సిబి షైన్ లీటర్ పెట్రోల్‌కు గరిష్టంగా 65 కి.మీ. మైలేజీని ఇస్తుంది. అయితే వాస్తవానికి ఇది డ్రైవింగ్ చేసే విధానం, గేర్లు మార్చే విధానం, నడిపే రోడ్లపై ఆధారపడి ఉంటుంది. రియల్ వరల్డ్‌లో సిటీ మరియు హైవేపై కలిపి ఇది సగటున 55-60 కి.మీ. మైలేజీని ఆఫర్ చేస్తుంది.

పవర్, పెర్ఫార్మెన్స్

హోండా సిబి షైన్‌లో ఉపయోగించిన 124.7సీసీ ఇంజన్ గరిష్టంగా 7500 ఆర్‌పిఎమ్ వద్ద 10.12 బిహెచ్‌పిల శక్తిని, 5500 ఆర్‌పిఎమ్ వద్ద 10.54 ఎన్ఎమ్‌ల టార్క్‌ను ఉత్పత్తి చేస్తుంది. ఇది 4-స్పీడ్ గేర్‌బాక్స్‌తో లభిస్తుంది.

హోండా షైన్ కేవలం 2.3 సెకండ్లలోనే 0.60 కి.మీ. వేగాన్ని అందుకోగలదు. ఆప్టిమ్యాక్స్ ఇంజన్‌లో హోండా పొందుపరచిన అనేక కటింగ్ ఎడ్జ్ టెక్నాలజీల ద్వారా ఇది సాధ్యమవుతుంది.

కంఫర్టబల్ రైడ్

లాంగ్ రైడ్‌లకు వెళ్లాలనుకునే వారికి సైతం హోండా సిబి షైన్ చక్కగా సరిపోతుంది. సాధారణంగా కొన్ని బైక్‌లను ఎక్కువ దూరం నడిపితే నడుం నొప్పి రావటం జరుగుతుంది. అయితే హాండా షైన్‌లో ఈ బాధ ఉండదు. దీనిలో ఉన్న ఎర్గో-టెక్ డిజైన్, డైమండ్ ఫ్రేమ్, 3-స్టెప్ సస్పెన్షన్ సిస్టమ్ కారణంగా ఎటువంటి రోడ్లపై అయినా సౌకర్యవంతంగా ఎంత దూరమైనా సరే హాయిగా ప్రయాణించవచ్చు.

ట్యూబ్‌లెస్ టైర్స్, డిస్క్ బ్రేక్

హోండా సిబి షైన్‌లో చెప్పుకోవాల్సిన మరో ప్రత్యేకమైన ఫీచర్ ట్యూబ్‌లెస్ టైర్స్. సాధారణంగా గ్రామీణ ప్రాంత రోడ్లపై టైర్లు ఎక్కువగా పంక్చర్ అవుతుండటాన్ని గమనిస్తుంటాం. అయితే, హోండా షైన్‌లో ఈ ఇబ్బంది ఉండదు. ఇది ట్యూబ్‌లెస్ టైర్ ఆప్షన్‌తో లభిస్తుంది కాబట్టి పంక్చర్ అయ్యే అవకాశాలు చాలా తక్కువ. హోండా షైన్‌లో ముందు వైపు ఉండే డిస్క్ బ్రేక్ మంచి బ్రేకింగ్ కాన్ఫిడెన్స్‌ను కలిగిస్తుంది.

మెయింటినెన్స్ ఫ్రీ బ్యాటరీ

ఇందులో అమర్చిన పవర్‌ఫుల్ మెయింటినెన్స్ ఫ్రీ బ్యాటరీ ఎటువంటి వాతావరణ పరిస్థితుల్లో అయినా సరే ఇంజన్ టక్కున ఆన్ అయ్యేందుకు సహకరిస్తుంది.

చివరి మాట

ఇక లుక్ విషయానికి వస్తే.. స్టయిలిష్ గ్రాఫిక్స్, ట్యాంక్‌పై 3డి హోండా లోగో, హ్యాండిల్ బార్, సరికొత్త సైడ్ మిర్రర్స్ డిజైన్, బాడీ కలర్‌లో ఉండే గ్రాబ్ రెయిల్, సైలెన్సర్ కవర్‌లు హోండా షైన్‌కు ఓ ప్రీమియం బైక్ లుక్‌నిస్తాయి. ఇక దీని ధర కూడా ఈ సెగ్మెంట్లో కెల్లా సరసమైనదే. పవర్, మైలేజ్, పికప్, బడ్జెట్‌ను పరిగణిలోకి తీసుకునే వారికి హోండా షైన్ ఒక చక్కటి ఆప్షన్‌గా నిలుస్తుంది.