ఇండియా బైక్ వీక్ 2014 తేదీలు వెల్లడి

మొదటి ఎడిషన్ ఇండియా బైక్ వీక్ కార్యక్రమానికి సుమారు 3,000 లకు పైగా బైక్‌లతో 6,547 మంది మోటారిస్టులు పాల్గొన్నారు. ఇందులో అధిక సంఖ్యలో మహిళా రైడర్లు కూడా ఉన్నారు.

ఇదివరకటి ఎడిషన్‌వో 3 కాన్సెర్ట్ స్టేజ్‌లు, 28 లైవ్ బ్యాండ్లు మరియు డిజేలు, 5 బార్లు, 16 కేజ్ ఫైటర్స్ ఎంటర్‌టైన్‌మెంట్‌ను నిర్వహించారు. ఈ ఏడాది వీటి పరిమాణం మరింత పెరిగే ఆస్కారం ఉంది.

ఈ కార్యక్రమంలో బైకర్ల బృందం తమ బైక్‌లతో చేసే విన్యాసాలు చూపరులను ఆకట్టుకుంటాయి. గడచిన సంవత్సరం నిర్వహించిన ఇండియా బైక్ వీక్ 2012 ఎడిషన్‌లో అంతర్జాతీయ స్టంట్ స్పెషలిస్ట్ మాటీ గ్రిఫ్ఫిన్ కూడా పాల్గొన్నారు.

ఈ కార్యక్రమానికి మరొక ప్రత్యేకత ఏంటంటే, ఇందులో అనేక కస్టమ్, ఎగ్జోటిక్ బైక్‌లను చూసే అవకాశం ఉంటుంది. గడచిన సంవత్సరం వై2కె టర్బైన్ ఇంజన్డ్ బైక్‌ను ప్రదర్శనకు ఉంచారు.

రెండు రోజుల పాటు జరగనున్న ఈ కార్యక్రమంలో కొత్త బైక్‌లు, ఉత్పత్తులు, యాక్ససరీలను కూడా విడుదల చేయటం జరుగుతుంది. బైక్ ప్రియుల కోసం ప్రత్యేక మార్కెట్ కూడా ఉంటుంది.

బైక్ ఇండియా 2014 టికెట్ ధర ప్రతి వ్యక్తికి రూ.3,000, అక్టోబర్ 31 వరకు 10 శాతం తగ్గింపు అందుబాటులో ఉంటుంది. మొదటి 1500 మంది కొనుగోలుదారులు ఐబిడబ్ల్యూ టి-షర్ట్స్‌‌ను కూడా పొందొచ్చు.

ఈ టికెట్లను in.bookmyshow.com ద్వారా ఆన్‌లైన్‌లో కొనుగోలు చేయవచ్చు లేదా దేశవ్యాప్తంగా ఉన్న హ్యార్లీ డేవిడ్‌సన్ అధీకృత డీలర్‌షిప్ కేంద్రాల్లో వీటిని పొందవచ్చు.