లిట్ మోటార్స్ నుంచి క్యూబో ఎలక్ట్రిక్ కార్గో స్కూటర్

క్యూబో ఎలక్ట్రిక్ కార్గో స్కూటర్‌ ముందు వైపు 22 ఇంచ్‌ల చదరపు కార్గో స్పేస్ ఉంటుంది. ఇందులో ఉంచే వస్తువులు జారిపోకుండా ఉండేందుకు క్రింది భాగంలో రబ్బర్ మ్యాట్, సైడ్స్‌లో హుక్స్ ఉంటాయి. వీటి సాయంతో కార్గోను సురక్షితంగా రవాణా చేయవచ్చు.

లిట్ మోటార్స్ తెలిపిన సమాచారం ప్రకారం, క్యూబో స్కూటర్‌పై 136 కేజీల బరువును తీసుకువెళ్లవచ్చట. ఇందులో రైడర్ బరువును కలిసి ఉండదు. ఇది ప్రత్యేకించి లగేజ్ బరువు మాత్రమే. వారంతో సరుకులు తెచ్చుకోవడానికి ఈ లగేజ్ సామర్థ్యం సరిపోతుంది.

క్యూబో ఎలక్ట్రిక్ కార్గో స్కూటర్‌లో లగేజ్ స్పేస్‌కు అదనంగా ఫోన్లు మొదలైన చిన్నపాటి వస్తువులను భద్రంగా దాచుకునేందుకు లాకబల్ కంపార్ట్‌మెంట్స్ కూడా ఉంటాయి. వీటిలో విలువైన వస్తువులను తాళం వేసి దాచుకోవచ్చు.

లిట్ మోటార్స్ క్యూబో ఎలక్ట్రిక్ కార్గో స్కూటర్ 3 కి.వా. హై టార్క్ రియర్ హబ్ మోటార్ సాయంతో నడుస్తుంది. ఇందులో ఎలక్ట్రిక్ మోటార్‌ను నేరుగా వెనుక చక్రాలకే అమర్చబడి ఉంటుంది. బ్రేక్ వేసినప్పుడల్లా శక్తి పునరుత్పత్తి అవుతుంది.

ఈ ఎలక్ట్రిక్ స్కూటర్ గరిష్టంగా గంటకు 72.42 కిలోమీటర్ల వేగంతో పరుగులు తీస్తుంది. ఇందులో బ్యాటరీ, పూర్తి ఛార్జ్‌పై 80.46 కిలోమీటర్ల రేంజ్‌ను ఆఫర్ చేస్తుంది.

ఇందులో మీ ఎలక్ట్రిక్ గ్యాడ్జెట్స్‌ను చార్జ్ చేసుకునేందుకు ఓ ఆన్-బోర్డ్ ఎలక్ట్రిక్ అవుట్‌లెట్ కూడా ఉంటుంది. అయితే, దీని ఉపయోగిస్తే క్యూబో రేంజ్ (మైలేజ్) తగ్గిపోతుంది.

పొట్టివాళ్లు, పొడుగువాళ్లు ఎవరైనా ఈ స్కూటర్‌ను నడపొచ్చు. అందుకు వీలుగా ఈ స్కూటర్‌లో హైట్ అడ్జస్టబల్ సీట్ ఉంటుంది. అంటే సీటును మన ఎత్తుకు తగినట్లుగా సర్దుబాటు చేసుకోవచ్చన్నమాట. సీట్‌నే కాకుండా సస్పెన్షన్‌ను కూడా అడ్జస్ట్ చేసుకోవచ్చు.

క్యూబో ఎలక్ట్రిక్ స్కూటర్‌లో చెప్పుకోదగిన ఫీచర్లలో ఇంటిగ్రేటెడ్ డిజిటల్ స్పీడోమీటర్, ఓడోమీటర్, బ్యాటరీ చార్జింగ్ ఇండికేటర్, ఎల్ఈడి హెడ్‌లైట్, టెయిల్ లైట్ ప్రధానమైనవి.

లిట్ మోటార్స్ తయారు చేసిన ఈ క్యూబో ఎలక్ట్రిక్ స్కూటర్ పూర్తిగా 100 శాతం ఎలక్ట్రిక్ స్కూటర్. ఇది ఎలాంటి కర్భన ఉద్ఘారాలను విడుదల చేయదు. అంటే, ఇది పూర్తిగా ప్రకృతి సాన్నిహిత్యమైనది అన్నమాట.

లిట్ మోటార్స్ ఈ క్యూబో పర్సనల్ ఎలక్ట్రిక్ కార్గో స్కూటర్‌ను పూర్తిస్థాయిలో వాణిజ్య పరంగా ఉత్పత్తి చేసేందుకు పెట్టుబడిదారుల కోసం ఎదురుచూస్తోంది. ఈ మేరకు లిట్ మోటార్స్ తమ ఉత్పత్తిని పెట్టుబడిదారుల ఆసక్తి కోసం కిక్‌స్టార్టర్ పేజ్‌లో ఉంచింది.

క్యూబో ఎలక్ట్రిక్ స్కూటర్ పనితీరును చూపించే వీడియోను ఈ స్లైడ్‌లో వీక్షించండి. ఇలాంటి అద్భుతమైన స్కూటర్లు మనకు కూడా అందుబాటులోకి వస్తే ఎంత బాగుంటుందో కదా..!