వెస్పా ఎలిగాంట్ స్కూటర్ విడుదల; ధర, ఫీచర్లు, వివరాలు

తర్వాతి స్లైడ్‌లలో వెస్పా ఎలిగాంట్ స్కూటర్‌కు సంబంధించిన మరింత సమాచారాన్ని తెలుసుకోండి.

వెస్పా ఎలిగాంట్ స్కూటర్ ఓ లిమిటెడ్ ఎడిషన్ మోడల్. కేవలం రెండు నెలల కాలం పాటు 3500 యూనిట్ల వెస్పా ఎలిగాంట్ స్కూటర్లను మాత్రమే విక్రయించాలని కంపెనీ సన్నాహాలు చేస్తోంది. ఒకవేళ ఈ మోడల్‌కు డిమాండ్ ఎక్కువగా ఉంటే, ఈ సంఖ్యను పెంచే అవకాశం ఉంది.

వెస్పా ఎలిగాంట్ లిమిటెడ్ ఎడిషన్ స్కూటర్ కేవలం రెండు రంగులలో మాత్రమే లభిస్తుంది. ఇతర వెస్పా మోడళ్లతో పోల్చితే, ఎలిగాంట్‌ను భిన్నంగా ఉంచేందుకు కంపెనీ ఈ స్కూటర్ చుట్టూ క్రోమ్ సరౌండింగ్‌ను ఆఫర్ చేస్తుంది.

వెస్పా ఎలిగాంట్ స్కూటర్‌లో స్ప్లిట్ సీట్స్ ఉంటాయి. వైట్ కలర్ స్కూటర్‌పై రెడ్ సీట్స్, బ్రౌన్ కలర్ స్కూటర్‌పై బీజ్ సీట్స్ ఉంటాయి. ఈ సీట్లు లెథర్ ఫినిష్‌ను కలిగి ఉంటాయి.

వెస్పా ఎలిగాంట్‌లో ప్రస్తుతం కంపెనీ విక్రయిస్తున్న ఇతర వెస్పా స్కూటర్లలో ఉపయోగిస్తున్న 125సీసీ ఇంజన్‌నే ఉపయోగించింది. ఈ ఇంజన్ గరిష్టంగా 10.5 బిహెచ్‌పిల శక్తిని, 10.6 ఎన్ఎమ్‌ల టార్క్‌ను ఉత్పత్తి చేస్తుంది. ఇది కంటిన్యూస్ వేరియబల్ ట్రాన్సిమిషన్ (సివిటి) గేర్‌బాక్స్‌తో కనెక్ట్ చేయబడి ఉంటుంది.

వెస్పా ఎలిగాంట్ స్కూటర్‌లో ముందు వైపు డిస్క్ బ్రేక్ స్టాండర్డ్‌గా లభిస్తుంది. అల్లాయ్ వీల్స్, ట్యూబ్‌లెస్ టైర్లను కూడా ఇందులో స్టాండర్డ్‌గా ఆఫర్ చేస్తున్నారు.

వెస్పా ఎలిగాంట్ స్కూటర్ బాడీ కలర్‌తో మ్యాచ్ అయ్యేలా, అదే పెయింట్ ఫినిష్‌తో కూడిన హెల్మెట్లను కూడా పియాజ్జియో ఆఫర్ చేస్తోంది. బ్రౌన్ కలర్ స్కూటర్ కోసం ఉద్దేశించిన బ్రౌన్ కలర్ హెల్మెట్‌ను ఈ ఫొటోలో చూడొచ్చు.

వైట్ కలర్ స్కూటర్ కోసం ఉద్దేశించిన వైట్ కలర్ హెల్మెట్‌ను ఈ ఫొటోలో చూడొచ్చు.