వెస్పా ఎస్‌క్లూజివో లిమిటెడ్ ఎడిషన్ స్కూటర్ విడుదల

భారత్‌లో వెస్పా బ్రాండ్ ప్రీమియం స్కూటర్లను విక్రయిస్తున్న ఇటాలియన్ కంపెనీ పియాజియో వెహికిల్స్‌, తాజాగా తమ వెస్పా సిరీస్‌లో ఓ లిమిటెడ్ ఎడిషన్ మోడల్‌ను మార్కెట్లో విడుదల చేసింది. 'వెస్పా ఎస్‌క్లూసివో' (Vespa Esclusivo) అనే పేరుతో కంపెనీ ఈ స్పెషల్ ఎడిషన్ వెస్పా స్కూటర్‌ను ప్రవేశపెట్టింది.

దేశీయ విపణిలో ఈ లిమిటెడ్ ఎడిషన్ వెస్పా ధర రూ.74,355 (ఎక్స్-షోరూమ్, ఢిల్లీ)గా ఉంది. కేవలం 1000 యూనిట్ల లిమిటెడ్ ఎడిషన్ వెస్పా ఎస్‌క్లూజివో స్కూటర్లు మాత్రమే అందుబాటులో ఉంటాయని, ప్రతి స్కూటర్‌పై దాని యూనిట్ నెంబర్ బ్యాడ్జ్ ఉంటుందని పియాజ్జియో వెహికల్స్ ఓ ప్రకటనలో పేర్కొంది.

వెస్పా ఎస్‌క్లూజివో లిమిటెడ్ ఎడిషన్ మోడల్ మొత్త మూడు రంగులలో లభిస్తుంది. అవి - మోట్ బియాంకో (తెలుపు), నీరో మ్యాట్ (నలుపు), రోసో డ్రాగన్ (ఎరుపు). పూనే, హైదరాబాద్, బెంగుళూరు తదితర నగరాల్లో నిర్వహించిన ప్రత్యేక ప్రదర్శనలలో ఎస్‌క్లూజివో మోడల్‌ను ప్రదర్శనకు ఉంచారు.