పోర్షే కారును కొనలేరా..? అయితే, ఈ పోర్షే సైకిల్‌ను కొనుక్కోండి

పోర్షే కార్ల డిజైన్‌ను దృష్టిలో ఉంచుకొని ఆ పోర్షే సైకిళ్లను డిజైన్ చేశారు. పోర్షే కారు వెనుక భాగాన్ని తలపించేలా వంపుతో ఉండే ఫ్రేమ్‌ను ఇందులో గమనించవచ్చు.

పోర్షే బైక్ ఒక సిటీ బైస్కిల్ లాంటింది. ఇది షిమానో ఆల్ఫైన్ 8-స్పీడ్ హబ్ గేర్ అసెంబ్లీతో మరియు మగురా నుంచి గ్రహించిన ఎమ్‌టి26 డిస్క్ బ్రేక్స్ ఫీచర్లతో లభిస్తుంది.

పోర్షే బైక్ ధర 2650 యూరోలు (మన దేశ కరెన్సీలో సుమారు రూ.2.2 లక్షలు). పోర్షే అందించనున్న మూడు సైకిళ్లలో ఇదే చవకైనది.

పోర్షే బైక్ ఆర్ఎక్స్

పోర్షే బైక్ ఆర్ఎక్స్ ఒక ఆఫ్ రోడింగ్ సైకిల్. కార్భన్ ఫైబర్ ఫ్రేమ్‌తో తయారు చేయబడిన ఈ సైకిల్ మంచి స్టెబిలిటీని మరియు డ్యాంపింగ్‌ను కలిగి ఉంటుంది. ఇది 20-స్పీడ్ షిమానో గేర్ హబ్‌తో లభిస్తుంది.

పోర్షే బైక్ ఆర్ఎక్స్ చక్రాలు 27.2 ఇంచ్ సైజును కలిగి ఉంటాయి. ఇందులో ముందు వైపు డిటి స్విస్ ఎయిర్-సస్పెన్షన్ ఫ్రంట్ ఫోర్క్స్, హైడ్రాలిక్ డిస్క్ బ్రేక్స్ ప్రధానంగా చెప్పుకోదగిన ఫీచర్లు.

జర్మనీలో పోర్షే బైక్ ఆర్ఎక్స్ ధర 4800 యూరోలు (మన దేశ కరెన్సీలో సుమారు రూ.4.09 లక్షలు).

పోర్షే బైక్ ఆర్ఎస్

పోర్షే బైక్ ఆర్ఎస్ ఒక స్పోర్టీ సిటీ బైక్. ఇది కూడా కార్భన్ ఫైబర్ ఫ్రేమ్‌తో తయారు చేయబడినది. ఇది చాలా తేలికగా ఉంటుంది. దీని మొత్తం బరువు కేవలం 9 కిలోలు మాత్రమే. ఈ మూడు సైకిళ్లలో కెల్లా ఇదే అత్యంత తేలికనైది.

ఇందులో కూడా 20-స్పీడ్ షిమానో గేర్ సిస్టమ్‌ను అందుబాటులో ఉంచారు. మగురా నుంచి గ్రహించిన ఆల్ట్రా లైట్ వెయిట్ డిస్క్ బ్రేక్స్ ఇందులో మరో ఆకర్షణగా చెప్పుకోవచ్చు.

పోర్షే బైక్ ఆర్ఎస్ ధర 5900 యూరోలు (మనదేశ కరెన్సీలో సుమారు రూ.5.03 లక్షలు).

ఈ పోర్షే లగ్జరీ సైకిళ్లు కాస్తంత అధిక ధర కలిగి ఉన్నప్పటికీ, ఇవి మాత్రం ధరకు తగిన విలువను ఆఫర్ చేస్తాయని కంపెనీ చెబుతోంది.