సుజుకి జిక్సర్ 150సీసీ బైక్ విడుదల: ధర, ఫీచర్లు, వివరాలు

సుజుకి జిక్సర్‌లో 155సీసీ 4-స్ట్రోక్, సింగిల్ సిలిండర్, ఎయిర్-కూల్డ్ ఎస్ఓహెచ్‌సి పెట్రోల్ ఇంజన్‌ను ఉపయోగించారు. ఇది ఎలక్ట్రిక్, కిక్ స్టార్ట్ ఆప్షన్‌తో లభిస్తుంది.

సుజుకి జిక్సర్‌లో కొత్తగా 'సుజుకి ఈకో పెర్ఫామెన్స్' (ఎస్ఈపి) టెక్నాలజీని ఆఫర్ చేస్తున్నారు. సుజుకి అందిస్తున్న ఈ ఎస్ఈపి టెక్నాలజీ ఇప్పటికే హోండా అందిస్తున్న హోండా ఈకో టెక్నాలజీ (హెచ్ఈటి) మాదిరిగానే ఉంటుంది.

సుజుకి ఎస్ఈపి టెక్నాలజీ ద్వారా ఇంజన్ మెకానికల్ లాసెస్‌ను తగ్గించి, పవర్ మరియు పెర్ఫామెన్స్‌ల విషయంలో ఎక్కడా రాజీ పడకుండా మెరుగైన మైలేజీ లభిస్తుంది.

సుజుకి జిక్సర్‌లో ముందువైపు టెలిస్కోపిక్ సస్పెన్షన్‌ను వెనుక వైపు మోనోషాక్, స్వింగ్ఆర్మ్ టైప్ సస్పెన్షన్‌ను ఆఫర్ చేస్తున్నారు.

సుజుకి జిక్సర్‌లో ముందువైపు డిస్క్ బ్రేక్స్‌ను వెనుక వైపు డ్రమ్ బ్రేక్స్‌ను ఆఫర్ చేస్తున్నారు.

సుజుకి జిక్సర్ కాస్ట్ అల్లాయ్ వీల్స్‌తో లభిస్తుంది. దీని ఫ్రంట్ టైర్ సైజ్ 100/80-17, వెనుక టైరు సైజ్ 140/60-17.

సుజుకి జిక్సర్ ఐదు ఆకర్షనీయమైన రంగుల్లో లభ్యం కానుంది.

దేశీయ విపణిలో సుజుకి జిక్సర్ ధర సుమారు రూ.75,000 రేంజ్‌లో ఉండొచ్చని అంచనా.

సుజుకి జిక్సర్ అమ్మకాలు జులై 2014 నుంచి వాణిజ్యం పరంగా ప్రారంభం కానున్నాయి.

సుజుకి జిక్సర్ మోటార్‌సైకిల్‌ను ఆవిష్కరిస్తున్న బాలీవుడ్ హీరో, సుజుకి మోటార్‌సైకిల్ బ్రాండ్ అంబాసిడర్ సల్మాన్ ఖాన్.

సుజుకి జిక్సర్ మోటార్‌సైకిల్‌తో బాలీవుడ్ హీరో, సుజుకి మోటార్‌సైకిల్ బ్రాండ్ అంబాసిడర్ సల్మాన్ ఖాన్ మరియు సుజుకి మోటార్‌సైకిల్ ఇండియా ఉన్నతాధికారులు.