వెస్పా ఎస్ స్కూటర్ విడుదల: ధర, ఫీచర్లు, వివరాలు

ముంబైలో జరిగిన ఓ కార్యక్రమంలో వెస్పా ఎస్ స్కూటర్‌ను ప్రముఖ బాలీవుడ్ నటుడు ఇమ్రాన్ ఖాన్ చేతుల మీదుగా విడుదల చేశారు.

వెస్పా విఎక్స్ స్కూటర్‌లో ఉపయోగించిన ఇంజన్‌నే వెస్పా ఎస్ స్కూటర్‌ను ఉపయోగించారు. ఈ ఇంజన్ గరిష్టంగా 10.06 పిఎస్‌ల శక్తిని ఉత్పత్తి చేస్తుంది. ఇది సివిటి గేర్‌బాక్స్‌తో కనెక్ట్ చేయబడి ఉంటుంది.

వెస్పా ఎస్ మోడల్ బేసిక్ డిజైన్ వెస్పా ఎల్స్ఎక్స్ 125 మాదిరిగానే ఉంటుంది. అయితే, దీనికి ముందువైపు పురాతన మోడళ్లలో కనిపించినట్లుగా దీర్ఘచతుస్రాకారపు హెడ్‌లైట్ ఉంటుంది.

ఇన్‌స్ట్రుమెంట్ క్లస్టర్‌ను కూడా గతంలో మోడళ్ల నుంచి స్ఫూర్తిపొంది డిజైన్ చేసినదే. ఇందులో అనలాగ్ స్పీడోమీటర్, ఫ్యూయెల్ గేజ్ మరియు డిజిటల్ క్లాక్ ఉంటాయి.

ఈ స్కూటర్‌కు ముందువైపు ఒక వైపు మాత్రమే ఉండే షాక్ అబ్జార్వర్ ఉంటుంది. ట్రేడ్ మార్క్ పొందిన వెస్పా మోనోకాక్ ఛాస్సిస్‌ను వెస్పా ఎస్ స్కూటర్‌లో ఉపయోగించారు.

వెస్పా విఎక్స్ 125 మాదిరిగానే ఈ వెస్పా ఎస్ స్కూటర్‌లో కూడా ముందువైపు డిస్క్ బ్రేక్‌ను ఆఫర్ చేస్తున్నారు.

వాస్తవానికి వెస్పా విఎక్స్ కన్నా వెస్పా ఎస్ కొద్దిగా అడ్వాన్స్డ్ వెర్షన్ అని చెప్పవచ్చు. ఇది ఆరెంజ్, రెడ్, మ్యాట్ బ్లాక్, వైట్ మొదలైన కొత్త రంగులలో లభిస్తుంది.

దేశీయ విపణిలో వెస్పా ఎస్ ధర రూ.74,414 (ఎక్స్-షోరూమ్, పూనే)గా ఉంది. రిజిస్ట్రేషన్, ఇన్సూరెన్స్ కలుపుకుంటే ఈ ధర సుమారు రూ.82,000 లను దాటిపోతుంది.

వెస్పా ఎస్ స్కూటర్ ధర వెస్పా విఎక్స్ 125 ధర కన్నా సుమారు రూ.4,500లు అధికంగా ఉంటుంది.