Click it and Unblock the Notifications
హైదరాబాద్లో 'యమహా ఆల్ఫా' స్కూటర్ విడుదల
హైదరాబాద్: జపాన్కు చెందిన ప్రముఖ ద్విచక్ర వాహన తయారీ కంపెనీ యమహా మోటార్ ఇండియా, గడచిన ఫిబ్రవరిలో జరిగిన 2014 ఢిల్లీ ఆటో ఎక్స్పోలో ఆవిష్కరించిన సరికొత్త యమహా ఆల్ఫా (Yamaha Alpha) 110సీసీ స్కూటర్ను కంపెనీ ఇప్పుడు రాష్ట్ర మార్కెట్లో విడుదల చేసింది. రాష్ట్ర విపణిలో యమహా ఆల్ఫా స్కూటర్ ధర రూ.48,584 (ఎక్స్-షోరూమ్, హైదరాబాద్)గా ఉంది.
యమహా ఆల్ఫా ప్రస్తుతం కంపెనీ అందిస్తున్న రే, రే జెడ్ స్కూటర్ల మాదిరిగా కాకుండా హోండా యాక్టివా, టీవీఎస్ జూపిటర్ మోడళ్ల మాదిరిగా ఫ్యామిలీ డిజైన్ను కలిగి ఉంటుందియ ఈ స్కూటర్లో ఎయిర్-కూల్డ్, 4-స్ట్రోక్, 113సీసీ ఇంజన్ను ఉపయయోగించారు. ఈ ఇంజన్ గరిష్టంగా 7500 ఆర్పిఎమ్ వద్ద 7.1 పిఎస్ల శక్తిని, 5000 ఆర్పిఎమ్ వద్ద 8.1 ఎన్ఎమ్ల టార్క్ను ఉత్పత్తి చేస్తుంది.
ఈ ఇంజన్ సివిటి (కంటిన్యూస్లీ వేరియబల్ ట్రాన్సిమిషన్) ఆటోమేటిక్ గేర్బాక్స్తో అనుసంధానం చేయబడి ఉంటుంది. ఈ స్కూటర్లో 21 లీటర్ల అండర్ సీట్ స్టోరేజ్ స్పేస్ ఉంటుంది. దీని ఫ్యూయెల్ ట్యాంక్ కెపాసిటీ 5.2 లీటర్లు. ఇది లీటరుకు 62 కి.మీ. మైలేజీనిస్తుందని కంపెనీ పేర్కొంది. దీని మొత్తం బరువు 104 కిలోలు. ఇది బ్లాక్, గ్రే, వైట్, రెడ్ మరియు మాగెంటా కలర్లలో లభిస్తుంది.
Continue with Google