యమ జోరు మీదున్న యమహా ఆల్ఫా; 2 నెలల్లో 14000 స్కూటర్లు సేల్

By Ravi

Published: Tuesday, April 1, 2014, 18:14 [IST]

యమహా తమ సరికొత్త ఆటోమేటిక్ స్కూటర్ 'ఆల్ఫా'ను గడచిన ఫిబ్రవరి నెలలో జరిగిన 2014 ఆటో ఎక్స్‌పోలో విడుదల చేసిన సంగతి తెలిసినదే. ప్రస్తుతం ఆటోమొబైల్ మార్కెట్ మందకొడిగా సాగుతున్నప్పటికీ, యమహా ఆల్ఫా కేవలం 2 నెలల వ్యవధిలోనే 14,000 యూనిట్లకు పైగా అమ్ముడుపోయి, కంపెనీ మరో సక్సెస్‌ఫుల్ స్కూటర్‌గా నిలిచింది.

దేశవ్యాప్తంగా చూసుకుంటే, యమహా అల్ఫా అమ్మకాలు ఎక్కువగా బెంగుళూరు నగరంలో నమోదవుతున్నాయి. దేశవ్యాప్తంగా ఈ స్కూటర్‌కు మంచి స్పందన వస్తోందని, ప్రత్యేకించి బెంగుళూరు కస్టమర్ల నుంచి ఎక్కువ స్పందన లభిస్తోందని కంపెనీ పేర్కొంది. కేవలం బెంగుళూరులోనే ఇప్పటి వరకు 3500 ఆల్ఫా స్కూటర్లు అమ్ముడుపోయాయి.

దక్షిణ భారతదేశంలో యమహాకు 11 శాతం మార్కెట్ వాటా ఉంది, మరో 6 నెలల వ్యవధిలోని దీనిని 15 శాతానికి పెంచుకోవాలని కంపెనీ యోచిస్తోంది. భారత్‌లో ప్రతినెలా సగటున 20,000 యూనిట్ల ఆల్ఫా స్కూటర్లను విక్రయించాలని యమహా లక్ష్యంహా పెట్టుకుంది. ఇందులో 50 శాతం అమ్మకాలను దక్షిణ భారతదేశం నుంచే సాధించాలని యోచిస్తోంది.

యమహా ఆల్ఫా స్కూటర్ విషయానికి వస్తే, ప్రస్తుతం కంపెనీ అందిస్తున్న రే, రే జెడ్ స్కూటర్ల మాదిరిగా కాకుండా ఇది హోండా యాక్టివా, టీవీఎస్ జూపిటర్ మోడళ్ల మాదిరిగా ఫ్యామిలీ డిజైన్‌ను కలిగి ఉంటుంది. ఈ స్కూటర్‌లో ఎయిర్-కూల్డ్, 4-స్ట్రోక్, 113సీసీ ఇంజన్‌ను ఉపయయోగించారు. ఈ ఇంజన్ గరిష్టంగా 7500 ఆర్‌పిఎమ్ వద్ద 7.1 పిఎస్‌ల శక్తిని, 5000 ఆర్‌పిఎమ్ వద్ద 8.1 ఎన్ఎమ్‌ల టార్క్‌ను ఉత్పత్తి చేస్తుంది.

రాష్ట్ర విపణిలో యమహా ఆల్ఫా స్కూటర్ ధర రూ.48,584 (ఎక్స్-షోరూమ్, హైదరాబాద్)గా ఉంది. ఈ ఇంజన్ సివిటి (కంటిన్యూస్లీ వేరియబల్ ట్రాన్సిమిషన్) ఆటోమేటిక్ గేర్‌బాక్స్‌తో అనుసంధానం చేయబడి ఉంటుంది. ఈ స్కూటర్‌లో 21 లీటర్ల అండర్ సీట్ స్టోరేజ్ స్పేస్ ఉంటుంది. దీని ఫ్యూయెల్ ట్యాంక్ కెపాసిటీ 5.2 లీటర్లు. ఇది లీటరుకు 62 కి.మీ. మైలేజీనిస్తుందని కంపెనీ పేర్కొంది. దీని మొత్తం బరువు 104 కిలోలు. ఇది బ్లాక్, గ్రే, వైట్, రెడ్ మరియు మాగెంటా కలర్లలో లభిస్తుంది.

Article Published On: Tuesday, April 1, 2014, 18:14 [IST]

English summary

Yamaha had revealed their automatic scooter Alpha at the 2014 Auto Expo in Delhi. Since it's launch in February the Alpha has sold 14,000 scooters, which is great considering the economic slowdown.

More from DriveSpark