యమహా ఫేజర్ ఎఫ్ఐ వెర్షన్ 2.0 విడుదల; ధర రూ.83,850

కొత్త తరం యమహా ఫేజర్ ఎఫ్ఐ వెర్షన్ 2.0 మోటార్‌సైకిల్‌లో కొత్తగా డిజైన్ చేసిన 149సీసీ, 4-స్ట్రోక్, ఎస్ఓహెచ్‌సి, సింగిల్ సిలిండర్, ఫ్యూయెల్ ఇంజెక్టెడ్, ఎయిర్-కూల్డ్ ఇంజన్‌ను ఉపయోగించారు. ఇది గరిష్టంగా 8000 ఆర్‌పిఎమ్ వద్ద 13.1 పిఎస్‌ల శక్తిని, 6000 ఆర్‌పిఎమ్ వద్ద 12.8 ఎన్ఎమ్‌ల టార్క్‌ను ఉత్పత్తి చేస్తుంది.

బ్లూ కోర్ టెక్నాలజీతో ఈ ఇంజన్‌ను అభివృద్ధి చేశారు. దీని వలన ఫ్యూయెల్ ఎఫీషియెన్సీ, యాక్సిలరేషన్ మెరుగుపడుతుంది. అంతేకాకుండా, ఈ టెక్నాలజీ వలన కొత్త ఫేజర్ మరింత పర్యావరణ సాన్నిహిత్యమైనదిగా మారుతుంది. ఈ బైక్‌ను 18-30 ఏళ్ల వయస్సు కలిగిన వారిని లక్ష్యంగా చేసుకొని ప్రవేశపెట్టారు.

కొత్త యమహా ఫేజర్ ఎఫ్ఐ వెర్షన్ 2.0లోని కీలక ఫీచర్లు:

1. క్లాస్ లీడింగ్ యాక్సిలరేషన్‌తో 14 శాతం అధిక మైలేజీని ఆఫర్ చేసే కొత్త ఇంజన్.

2. ఇంజన్ పెర్ఫార్మెన్స్‌ను పెంచేందుకు గాను ఫ్యూయెల్ ఇంజెక్షన్ మరియు లైట్ వెయిట్ (150సీసీ సెగ్మెంట్లో కెల్లా తేలికనైది).

3. మంచి రైడ్ కంఫఱ్ట్ కోసం కొత్తగా డిజైన్ చేసిన టాన్డెం సీట్, గ్రాబ్ బార్.

4. ఈకో ఇండికేటర్‌తో కూడిన మల్టీ-ఫంక్షన్ ఇన్‌స్ట్రుమెంట్ ప్యానెల్.

5. కొత్త ఫ్రంట్ అండ్ రియర్ సస్పెన్షన్ సెట్టింగ్స్.

6. లైట్ వెయిట్ కోసం డిజైన్ చేసిన కొత్త ఛాస్సిస్.

7. మంచి హ్యాండ్లింగ్ కోసం కొత్త ఫ్రంట్ అండ్ రియర్ టైర్స్.

యమహా ఫేజర్ ఎఫ్ఐ వెర్షన్ 2.0 మోటార్‌సైకిల్‌ రెడ్ డాన్, బ్లాక్ హాక్ మరియు వైట్ క్లౌడ్ అనే మూడు రంగులలో లభిస్తుంది. దేశీయ విపణిలో దీని ధర రూ.83,850 (ఎక్స్-షోరూమ్, ఢిల్లీ)గా ఉంది.

ఈ ఫొటోలో మీరు చూస్తున్నది ఇదివరకు మార్కెట్లో ఉన్న పాత తరం యమహా ఫేజర్.