యమహా ఆర్25 మేకింగ్ (అఫీషియల్ వీడియో)

జపనీస్ టూవీలర్ కంపెనీ యమహా నుంచి ఇప్పుడు టాప్ ట్రెండింగ్‌లో 'యమహా వైజెడ్ఎఫ్-ఆర్25' బైక్. ఇంటర్నెట్‌లో ఈ 250సీసీ బైక్ ట్రెండింగ్ టాపిక్‌గా మారిపోయింది. ఇటీవలే ఇండోనేషియాలో విడుదలైన యమహా ఆర్25 త్వరలోనే ఇండియన్ మార్కెట్లో కూడా విడుదల కానుంది. మనం ఇదివరకటి కథనంలో ఈ బైక్ ట్రాక్ టెస్ట్‌కు సంబంధించిన ఓ వీడియోని వీక్షించాం.

ఆ వీడియోలో తమ యమహా ఆర్25 బైక్‌కు సంబంధించిన ఫీచర్లు, స్పెసిఫికేషన్లను కంపెనీ వివరించింది. కాగా.. ఈ బైక్‌కి సంబంధించి తాజాగా మరో వీడియో యూట్యూబ్‌లో హల్ చల్ చేస్తోంది. అదే యమహా ఆర్25 బైక్ మేకింగ్ వీడియోలో. యమహా ఫ్యాక్టరీలో ఈ బైక్ అసెంబ్లింగ్ నుంచి టెస్టింగ్ వరకు వివిధ దశలను చూపించే ఆ వీడియోని మనం కూడా చూసేద్దాం రండి.

యమహా ఆర్25 బైక్‌లో సరికొత్త 250సీసీ ఇంజన్‌ను ఉపయోగించారు. ఈ బైక్‌లోని 249సీసీ, లిక్విడ్ కూల్డ్, 2-సిలిండర్, ఫోర్-స్ట్రోక్ ఇంజన్ గరిష్టంగా 12,000 ఆర్‌పిఎమ్ వద్ద 35 హార్స్ పవర్‌ల శక్తిని, 10,000 ఆర్‌పిఎమ్ వద్ద 22.6 న్యూటన్ మీటర్ల టార్క్‌ను ఉత్పత్తి చేస్తుంది. ఈ ఇంజన్ 6-స్పీడ్ గేర్‍‌బాక్స్‌తో అనుసంధానం చేయబడి ఉంటుంది. యమహా అందిస్తున్న వైజెడ్ఆర్-ఎమ్1 మోటోజిపి రేస్ బైక్ నుంచి స్ఫూర్తి పొంది ఈ ఆర్25 బైక్‌ను డిజైన్ చేశారు.
<center><iframe width="100%" height="450" src="//www.youtube.com/embed/mH22kZQgdnY?rel=0" frameborder="0" allowfullscreen></iframe></center>